ᐂᓮᐊᓯᐅᑉ ᐊᒡᓚᖏᑦ 35:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᑕᐅᑐᖏᑦᑐᑦ ᐃᔨᖏᑦ ᑕᑯᓕᕈᒫᕐᐳᑦ, ᑐᓵᖏᑦᑐᓪᓗ ᓯᐅᑎᖏᑦ ᑐᓵᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:5 Iomraidhean Croise

ᔫᐱᐅᑉ ᐊᒡᓚᖏᑦ 33:16

ᑍᒫᒃ ᐅᖃᓪᓚᒡᕕᒋᔪᓐᓇᕐᓯᖃᑦᑕᕐᐰᑦ ᓈᓚᒃᑎᓪᓗᒋᑦ, ᑲᑉᐱᐊᓱᓕᖃᑦᑕᕐᐳᓪᓕ ᐅᓗᕆᐊᓇᕐᑐᓂᒃ ᐅᖃᐅᑎᓕᑐᐊᕐᒪᒋᑦ.

ᐃᓐᖏᕈᑎᑦ 146:8

ᐊᑕᓂᖅ ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᕗᖅ. ᐊᑕᓂᐅᑉ ᒥᑭᒡᓕᑎᕐᑐᑦ ᒪᑭᑎᑉᐰᑦ; ᐊᑕᓂᐅᑉ ᓇᓛᒎᕐᑐᑦ ᓇᒡᓕᒋᕔᑦ.

ᒨᓯᓯ ᐂᑉᐸᖏᑦ 4:11

ᐊᑕᓂᐅᓪᓕ ᐅᖃᐅᑎᕚ, “ᑭᐊᓕ ᐃᓅᑉ ᖃᓂᖓ ᓴᓇᓚᐅᕐᐸᐅᒃ? ᑭᐊᓗ ᐅᖃᕈᓐᓇᕈᓐᓃᕐᑎᑉᐸᐅᒃ, ᐅᕝᕙᓗ ᑭᐊ ᑐᓵᔪᓐᓃᕐᑎᑉᐸᐅᒃ, ᑭᐊᓗ ᑕᑯᔪᓐᓇᕐᑎᑉᐸᐅᒃ, ᑕᐅᑐᒍᓐᓃᕐᑎᓪᓗᓂᐅᒡᓘ? ᐅᕙᖓ ᐊᑕᓂᐅᔪᖓ ᑖᒃᑯᓂᖓ ᓴᓇᓚᐅᓐᖏᓚᖔ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:12

ᓯᐅᑎ ᑐᓵᔪᖅ ᐃᔨᓗ ᑕᐅᑐᒃᑐᖅ, ᐊᑕᓂᐅᑉ ᑕᒪᕐᒥᒃ ᓴᓇᓯᒪᕚᒃ.

ᐂᓮᐊᓯᐅᑉ ᐊᒡᓚᖏᑦ 29:18

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑐᓵᖏᑦᑐᖅ ᑐᓵᓕᕈᒫᕐᐳᖅ ᐊᒡᓔᑦ ᐅᖃᐅᓯᖏᓐᓂᒃ ᐅᖃᓕᒫᕐᑐᒥᒃ, ᑕᐅᑐᖏᑦᑐᕐᓗ ᑖᕐᓯᐅᕐᓗᓂ ᐃᓅᔪᖅ, ᑕᐅᑐᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 42:18

“ᑐᓵᓕᕆᑦᓯ ᑐᓵᖏᑦᑐᓂᒃ ᓯᐅᑎᖃᕐᑐᓯ; ᑕᑯᓕᕆᑦᓯ ᑕᐅᑐᖏᑦᑐᓯ, ᑕᐅᑐᓕᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 43:8

ᕾᑦᔪᑎᓕᕐᓯᐅᒃ ᐃᔨᖃᕋᓗᐊᕐᓗᑎᒃ ᑕᐅᑐᖏᑦᑐᑦ, ᓯᐅᑎᖃᕋᓗᐊᕐᓗᑎᒡᓗ ᑐᓵᖏᑦᑐᑦ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 50:5

ᐊᑕᓂᐅᑉ ᒎᑎᐅᑉ ᑐᑭᓯᔪᓐᓇᕐᓂᖃᕐᑎᑉᐹᖓ; ᐊᑭᕋᕐᑐᓚᐅᓐᖏᓚᖓ, ᑐᓄᐃᓚᐅᕐᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 6:10

ᑭᓇᒃᑯᑦ ᐃᓂᕐᑎᕆᑦᔪᑎᓐᓂᒃ ᑐᓴᕈᓐᓇᕐᓂᐊᕐᐹᑦ? ᑭᓇᒃᑯᓐᓄᓪᓗ ᓈᓚᒃᑕᐅᔪᓐᓇᕐᓂᐊᕐᐳᖔ? ᑐᓵᔪᒪᔪᖃᕈᓐᓃᕐᒪᑦ, ᑕᑯᒋᑦ ᓈᓚᒃᑐᖃᕈᓐᓇᕈᓐᓃᕐᐳᖅ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔭᕆᐊᒃᓴᖅ ᐱᐅᒋᔭᐅᔪᓐᓂᕐᒪᑕ, ᖁᕕᐊᒋᔭᐅᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 12:22

ᐃᓄᐃᑦ ᐃᓚᖏᑦ ᔩᓱᓯᒧᐊᕈᑦᔨᕗᑦ ᑕᐅᑐᖏᑦᑐᒥᒃ ᐊᖑᒻᒥᒃ, ᐅᖃᕈᓐᓇᖏᑦᑐᒥᒡᓗ ᐊᓂᕐᓂᕐᓗᖕᒧᑦ ᐃᓗᒻᒥᕐᑕᐅᓯᒪᒐᒥ, ᑖᓐᓇ ᔩᓱᓯᐅᑉ ᐋᖅᑭᒃᐹ, ᐊᖑᑦ ᐅᖃᕈᓐᓇᕐᓯᕗᖅ ᑕᐅᑐᓕᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 21:14

ᑕᐅᑐᖏᑦᑐᑦ ᑐᓯᐊᑦᑐᓪᓗ ᔩᓱᓯᒧᐊᕐᐳᑦ ᑐᒃᓯᐊᕐᕕᒡᔪᐊᕐᒥ, ᑖᒃᑯᐊ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᔪᐊᓇᓯᐅᑉ ᐊᒡᓚᖏᑦ 11:37

ᐃᓚᖏᓪᓕ ᐅᖃᕐᐳᑦ, “ᑕᐅᑐᖏᑦᑐᒥᒃ ᑕᐅᑐᓕᕐᑎᑦᓯᔪᓐᓇᕐᓗᓂ, ᑖᑦᓱᒥᖓ ᑐᖁᑦᑍᓕᑎᑦᓯᔪᓐᓇᓚᐅᓐᖏᓛᖅ?”

ᔪᐊᓇᓯᐅᑉ ᐊᒡᓚᖏᑦ 9:39

ᔩᓱᓯ ᐅᖃᕐᐳᖅ, “ᐃᖅᑲᕐᑐᐃᔭᕐᑐᕐᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᑕᐅᑐᖏᑦᑐᑦ ᑕᐅᑐᓕᖁᓪᓗᒋᑦ, ᑕᐅᑐᒃᑐᓪᓗ ᑕᐅᑐᒍᓐᓃᖁᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”