ᐂᓮᐊᓯᐅᑉ ᐊᒡᓚᖏᑦ 35:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 35:10 Iomraidhean Croise

ᐃᓐᖏᕈᑎᑦ 107:2

ᐊᑕᓂᐅᑉ ᐱᐅᓕᓯᒪᔭᖏᑦ ᑍᒫᒃ ᐅᖃᕐᓕᑦ, ᐊᑭᕋᕐᑐᕐᑎᖏᓐᓂᑦ ᐱᐅᓕᓚᐅᕐᑕᖏᑦ;

ᐃᓐᖏᕈᑎᑦ 126:2

ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.”

ᐃᓐᖏᕈᑎᑦ 126:5

ᖁᕝᕕᐅᕐᓗᑎᒃ ᑲᓐᖓᕐᓱᐃᓚᐅᕐᑐᑦ ᑲᑎᕐᓱᐃᔪᒫᕐᐳᑦ ᖁᕕᐊᓱᖕᓂᕐᒧᑦ ᕾᒐᓛᕐᓗᑎᒃ.

ᐃᓐᖏᕈᑎᑦ 14:7

ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ.

ᐃᓐᖏᕈᑎᑦ 51:8

ᑐᓵᑎᓚᐅᓐᖓ ᖁᕕᐊᓱᖕᓂᕐᒥᒃ ᐊᓕᐊᓁᒍᓱᖕᓂᕐᒥᒡᓗ, ᓴᐅᓃᑦ ᓯᖁᒥᓚᐅᕐᑕᑎᑦ ᖁᕕᐊᓱᓕᖁᓪᓗᒋᑦ.

ᐃᓐᖏᕈᑎᑦ 84:7

ᐃᖏᕐᕋᕗᑦ ᐱᔪᓐᓇᕐᓂᕐᒥᑦ ᐱᔪᓐᓇᕐᓂᕐᒧᑦ; ᐊᑐᓂᓪᓗ ᑕᒤᓐᓄᑦ ᒎᑎᐅᔪᒧᑦ ᐅᐸᒍᑎᕗᑦ ᓮᐅᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 1:27

ᓮᐅᓂ ᐱᐅᓕᔭᐅᔪᒫᕐᐳᖅ ᐸᓯᔭᒃᓴᐅᖏᓐᓂᕐᒧᑦ, ᑕᕝᕙᓃᑦᑐᓪᓗ ᖃᕿᐊᓕᕐᑐᑦ ᓇᓛᒎᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 35:2

ᐊᒥᒐᖏᑦᑐᓂᒃ ᐱᕈᕐᑐᖃᓕᕈᒫᕐᐳᖅ ᖁᕕᐊᓱᓕᕐᓗᓂᓗ, ᓂᕐᑐᐃᔪᒫᕐᐳᖅ ᖁᕕᐊᓱᖕᓂᕐᒧᑦ ᐃᓐᖏᕐᓗᓂᓗ. ᓕᐸᓇᓂᐅᑉ ᑕᑯᒥᓇᕐᓂᖓᓂᒃ ᑐᓂᓯᕕᐅᔪᒫᕐᐳᖅ, ᑳᕐᒥᐅᓕᐅᓪᓗ ᓵᕋᓂᐅᓪᓗ ᓇᑎᕐᓇᖏᑎᑐᑦ ᑲᑦᔮᕐᓇᕐᑐᒥᒃ, ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑯᔪᒫᕐᐳᑦ, ᒎᑎᑦᑕ ᐊᖓᔪᖅᑳᕐᔪᐊᑦᓯᐊᖑᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:20

ᓯᕿᓂᓯ ᓂᐱᔪᐃᑦᑑᓕᕈᒫᕐᐳᖅ, ᑕᖅᑭᕐᓗ ᑕᕐᕆᑉᐸᒍᓐᓃᕐᓗᓂ; ᐊᑕᓂᐅᑉ ᖃᐅᒪᓂᖓᑕ ᐃᓱᖃᖏᑦᑐᒧᑦ ᖃᐅᒪᑎᑦᓱᒫᕐᐹᓯ, ᐅᓪᓗᐃᑦ ᕿᒃᓵᒡᕕᒋᓚᐅᕐᑕᓯ ᐃᓱᓕᑦᓱᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 65:18

ᐊᓕᐊᓁᒍᓱᒡᓗᓯ ᖁᕕᐊᓱᕕᒡᔪᐊᕆᑦᓯ ᐃᓱᖃᖏᑦᑐᒧᑦ ᐱᓐᖑᕐᑎᑦᓱᒫᕐᑕᒃᑲ ᐱᓪᓗᒋᑦ, ᑕᑯᒋᓪᓗ, ᔨᕉᓴᓕᒻ ᐱᓐᖑᕐᑎᑦᓱᒫᕐᐸᕋ ᖁᕕᐊᓱᒡᕕᐅᖁᓪᓗᒍ, ᐃᓄᖏᓪᓗ ᖁᕕᐊᓇᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:19

ᔨᕉᓴᓕᒻ ᖁᕕᐊᓲᑎᒋᔪᒫᕐᐸᕋ, ᐃᓄᖏᓪᓗ ᖁᕕᐊᒋᓗᒋᑦ; ᕿᐊᕙᓗᒃᑐᑦ ᑐᓴᕐᓴᐅᓚᐅᕐᓯᒪᔪᓐᓃᕈᒫᕐᐳᑦ ᑕᕝᕙᓂ, ᑲᑉᐱᐊᓱᒡᕙᓗᒡᒥᒡᓗ ᓂᓪᓕᕐᑐᖃᓚᐅᕐᓯᒪᔪᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 9:3

ᐃᓅᖃᑎᒌᒡᔪᐊᑦ ᐅᓄᕐᑐᕐᔪᐊᓐᖑᑎᑉᐸᑎᑦ; ᖁᕕᐊᓱᖕᓂᖏᓪᓗ ᐊᖏᔪᕈᕐᑎᓪᓗᒋᑦ; ᖁᕕᐊᓱᖃᑎᒌᒃᐳᑦ ᓵᖕᓂ, ᓲᕐᓗ ᐃᓄᐃᑦ ᖁᕕᐊᓱᖃᑎᒌᒃᐸᖕᒪᑕ ᐱᕈᕐᑐᓂᒃ ᑲᑎᕐᓯᕕᒃ ᓇᓪᓕᐅᑎᓯᒪᑎᓪᓗᒍ, ᐅᕝᕙᓗ ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓵᓚᒋᔭᒥ ᐱᖁᑎᕕᓂᖏᓐᓂᒃ ᐂᑦᑐᕐᑐᐃᔪᖃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 30:19

ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”