ᐂᓮᐊᓯᐅᑉ ᐊᒡᓚᖏᑦ 34:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐄᑐᓂᐅᑉ ᑰᖏᑦ ᑖᓚᑎᑐᑦ ᑯᑦᓲᔭᕐᑎᑐᑦ ᑍᒤᓕᕈᒫᕐᐳᑦ, ᓄᓇᓗ ᐆᓇᕐᑐᕐᔪᐊᖑᓕᕐᓗᓂ; ᓄᓇᖓᓗ ᐃᑯᐊᓚᔪᒫᕐᐳᖅ ᑖᓚᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 34:9 Iomraidhean Croise

ᒨᓯᓯ ᓯᕗᓪᓖᑦ 19:28

ᐳᕐᑐᔪᒥᑦ ᐊᒻᒧᑦ ᑕᑯᓐᓇᕋᒥᒋᑦ ᓱᑑᒪ ᒍᒨᕋᓗ ᓄᓇᓕᒫᕐᓗ ᓇᕐᓴᖅ, ᑕᑯᕚ ᐳᔪᖅ ᖁᒻᒧᐊᒃᑐᖅ ᓲᕐᓗ ᐃᑯᐊᓚᑦᓯᕕᐊᓗᖕᒥᑦ ᐳᔫᕐᑐᖅ.

ᔫᐱᐅᑉ ᐊᒡᓚᖏᑦ 18:15

ᑐᐱᖓᓃᑦᑐᖃᕐᐳᖅ ᑖᑦᓱᒪ ᐱᒋᓐᖏᑕᖓᓂᒃ; ᐃᑯᐊᓪᓚᕆᒃᑐᒥᒃ ᓯᐊᒻᒪᕐᑎᑦᓯᕕᐅᕗᖅ ᓇᔪᕐᑕᖓ.

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 17:29

ᐅᓪᓗᒥ ᑍᑦᓱᒪᓂ ᓘᑎ ᓱᑑᒪᒥᑦ ᐊᐅᓪᓚᕐᒪᑦ, ᐃᑯᒪ ᐅᔭᕅᓪᓗ ᐊᐅᒤᑦ ᕿᓚᖕᒥᑦ ᑲᑕᒃᐳᑦ ᐃᓄᓕᒫᓪᓗ ᑐᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”