ᐂᓮᐊᓯᐅᑉ ᐊᒡᓚᖏᑦ 34:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᐂᓮᐊᓯᐅᑉ ᐊᒡᓚᖏᑦ 34:6 Iomraidhean Croise

ᓴᒧᐃᓕ ᐂᑉᐸᖏᑦ 1:22

ᔫᓇᑕᓂᐅᑉ ᖃᕐᔪᖏᑦ ᑐᖁᓐᓇᕐᑑᓚᐅᕐᐳᑦ, ᓴᐅᓕᐅᑉ ᓴᕕᒡᔪᐊᖓ ᓈᒃᑭᒍᓱᖕᓂᖃᓚᐅᓐᖏᓚᖅ, ᐱᓯᑎᐊᓘᒐᓗᐊᑦ ᔫᓇᑕᓂᐅᑉ ᖃᕐᔪᖏᑕ ᐅᕐᕈᑎᓚᐅᕐᐰᑦ, ᓴᐅᓕᐅᓪᓗ ᓴᕕᒡᔪᐊᖓ ᐊᑭᕋᒥᓂᒃ ᑐᖁᑦᓯᓚᐅᕐᐳᖅ.

ᑯᕉᓂᑲ ᓯᕗᓪᓖᑦ 1:44

ᐲᓚ ᑐᖁᖕᒪᑦ, ᔫᐸᐱ ᔨᕋᐅᑉ ᐃᕐᓂᖓ ᐳᔾᕋᒥᐅᖅ ᐊᖓᔪᖅᑳᕐᔪᐊᖑᓕᕐᐳᖅ ᐃᓂᖓᓂ.

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐂᓮᐊᓯᐅᑉ ᐊᒡᓚᖏᑦ 29:2

ᐃᓱᐃᓪᓕᐅᕐᑎᑦᓴᕆᐊᖃᕐᐸᕋᓕ ᐊᕅᐅᓪ, ᑕᒪᓐᓇ ᓇᓪᓕᐅᑎᒃᐸᑦ ᕿᒃᓵᖕᓂᖃᕈᒫᕐᐳᖅ ᐅᒡᒍᐊᕐᓂᖃᕐᓗᓂᓗ, ᑕᒪᑐᒪᓕ ᑭᖑᓂᖓᒍᑦ ᐂᕆᐅᓪᓚᕆᐅᓕᕈᒫᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 34:5

ᓴᕕᒡᔪᐊᕋ ᐃᒥᕈᐃᕐᓯᒪᓕᕐᒪᑦ ᕿᓚᖕᒥ; ᑕᕝᕙ ᐊᖅᑲᓕᕆᕗᖅ ᐄᑐᒥᒥᐅᓄᑦ, ᐃᓄᖏᓐᓄᑦ ᐊᓯᕈᒐᒃᓴᓄᑦ.

ᐂᓮᐊᓯᐅᑉ ᐊᒡᓚᖏᑦ 63:1

ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”

ᐂᓮᐊᓯᐅᑉ ᐊᒡᓚᖏᑦ 63:3

“ᐃᓄᑑᓪᓗᖓ ᐸᐅᕐᖓᓂᒃ ᖃᒐᕐᑎᕆᕕᖕᒥ ᑐᓪᓕᓚᐅᕋᒪ, ᐃᓄᒐᓴᒡᔪᐊᑦ ᐃᑲᔪᕐᑐᒃᓴᖃᖏᒻᒪᑕ, ᓂᓐᖓᐅᒪᓪᓗᖓ ᑐᓪᓕᕋᒪ ᐸᐅᕐᖓᓂᒃ ᓂᓐᖓᐅᒪᓂᓐᓄᑦ ᐊᑦᑕᕆᓇᒋᑦ ᑐᑎᖃᑦᑕᓕᓚᐅᕋᒃᑭᑦ, ᐃᑦᑎᖏᓐᓄᑦ ᐊᓐᓄᕌᕋ ᓯᕐᐹᕿᕕᐅᖃᑦᑕᓕᓚᐅᕐᒪᑦ, ᐊᓐᓄᕌᓕᒫᕋ ᓯᕐᐸᕐᑕᐅᓪᓗᓂ ᐃᑦᓴᒃᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᔨᕆᒤᐊᐅᑉ ᐊᒡᓚᖏᑦ 12:12

ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 25:34

“ᖁᕝᕕᐅᕆᑦᓯ ᕿᐊᓗᓯᓗ, ᐃᓕᑦᓯ ᐰᕐᓯᔨᒋᔭᐅᔪᓯ, ᐊᒃᓴᑳᖃᑦᑕᕐᓗᓯ ᐊᕐᔭᓕᓂᕐᓂ, ᐃᓕᑦᓯ ᓯᕗᓕᕐᑎᒋᔭᐅᔪᓯ ᐃᓄᖁᑎᓐᓄᑦ. ᑐᖁᕋᕐᑕᐅᕕᒃᓴᓯ ᓇᓪᓕᐅᑎᖕᒪᑦ, ᐅᕐᕈᔪᒫᕐᐳᓯ ᓯᖁᑦᑎᕐᓗᓯᓗ ᒪᕐᕋᐅᔭᕐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 51:40

ᑐᖁᑕᐅᑎᑦᓱᒫᕐᐸᒃᑲ ᓄᕐᕋᐅᔭᑎᑐᑦ, ᑐᖁᑕᐅᔭᕐᑐᕐᑎᓪᓗᒋᓪᓗ ᓰᐱᑎᑐᑦ ᐊᖑᓴᓪᓗᕐᑎᑐᑦ ᒎᑦᓯᑎᑐᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 21:10

ᐃᐱᒃᓴᕐᓯᒪᕗᖅ ᑐᖁᕅᑦᔪᑎᒃᓴᐅᓪᓗᓂ, ᕿᓪᓚᕆᒃᓴᕐᓯᒪᕗᖅ ᕿᓪᓛᒡᒋᕐᑕᖁᓪᓗᒍ ᖃᐅᒻᒪᓪᓚᒃᑎᑐᑦ! ᖁᕕᐊᓇᕐᑐᖃᓛᕈᓐᓁᕐᐳᖅ, ᐃᕐᓃᒃ ᓱᐊᒃᓯᓂᒃᑲ ᑐᓴᓚᐅᖏᓐᓇᕕᒋᑦ, ᐋᖅᑭᒋᐊᕐᓯᑦᔪᑎᒃᑲᓗ.

ᐃᓯᑭᐊᓕᐅᑉ ᐊᒡᓚᖏᑦ 35:15

ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 35:8

ᖃᖅᑲᑎᓪᓗ ᑐᖁᑕᐅᓂᑯᓂᒃ ᓈᔭᐅᑎᑦᓱᒫᕐᐸᒃᑲ; ᐱᖑᖁᑎᑎᑦ ᓇᕐᓴᖁᑎᑎᓪᓗ ᑰᕈᖁᑎᓕᒫᑎᓪᓗ ᑕᑕᑦᓱᒫᕐᐳᑦ ᓴᕕᒡᔪᐊᕐᒧᑦ ᑐᖁᑕᐅᓂᑯᓂᒃ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᔨᐸᓁᐊᐅᑉ ᐊᒡᓚᖏᑦ 1:7

ᓂᐰᓕᕆᑦᓯ ᐊᑕᓂᐅᑉ ᒎᑎᐅᑉ ᓵᖓᓂ! ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ; ᐊᑕᓂᖅ ᑐᓂᕐᕈᑎᒃᓴᒥᓂᒃ ᐊᑐᐃᓐᓇᕈᐃᓯᒪᓕᕐᒪᑦ ᕾᖁᓯᒪᔭᓂᓗ ᐃᑦᔪᕐᓁᑎᑉᐰᑦ.

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.