ᐂᓮᐊᓯᐅᑉ ᐊᒡᓚᖏᑦ 34:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 34:4 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 13:10

ᐅᓪᓗᕆᐊᑦ ᕿᓚᖕᒦᑦᑐᑦ ᐋᖅᑭᒃᓯᒪᓂᖏᓪᓗ ᖃᐅᒪᔪᓐᓃᕈᒫᕐᐳᑦ, ᓯᕿᓂᖅ ᑖᕐᓯᔪᒫᕐᐳᖅ ᓄᐃᓕᕈᓂ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 13:13

ᑍᒤᒻᒪᑦ ᕿᓔᑦ ᓴᔪᒃᑎᑦᓱᒪᕙᒃᑲ, ᓄᓇᕐᔪᐊᕐᓗ ᐊᐅᓚᓂᕐᒥᓄᑦ ᐃᓂᒥᓂᑦ ᓅᑦᓱᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓂ ᐅᓪᓗᒥᓗ ᓂᓐᖓᐅᑦᔨᕕᖓᓂ.

ᐂᓮᐊᓯᐅᑉ ᐊᒡᓚᖏᑦ 14:12

“ᕿᓚᖕᒥᑦ ᑲᑕᖕᓂᑰᕗᑎᑦ, ᓘᓯᕙᕐ, ᐅᓪᓘᑉ ᐅᓪᓗᕆᐊᕆᕚᑎᑦ ᖃᐅᕙᓪᓕᐊᓯᐅᑎᐅᑉ ᐃᕐᓂᕆᕚᑎᑦ! ᓄᓇᒧᑦ ᐃᒋᑕᐅᓯᒪᕗᑎᑦ. ᐃᓅᖃᑎᒌᒡᔪᐊᓂᒃ ᒥᑭᒡᓕᑎᕆᕙᓚᐅᕐᑐᑎᑦ!

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 2:10

ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᔪᐃᓕᐅᑉ ᐊᒡᓚᖏᑦ 3:15

ᓯᕿᓂᕐᓗ ᑕᖅᑭᕐᓗ ᑖᕐᓯᔪᒫᕐᐴᒃ, ᐅᓪᓗᕆᐊᓪᓗ ᖃᐅᒪᔪᓐᓁᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᐄᑉᕈᐃᓄᑦ 12:27

ᐅᓇ ᐅᖃᐅᓯᖅ, “ᓱᓕ ᐊᑕᐅᓯᐊᕐᓗᖓ,” ᓇᓗᓇᖏᑦᑐᒥᒃ ᓴᖅᑭᑎᑦᓯᕗᖅ ᐱᓐᖑᕐᑎᑕᐅᓯᒪᔪᑦ ᐊᐅᓚᑎᑕᐅᓂᐊᕐᒪᑕ ᐲᕐᑕᐅᓗᑎᒡᓗ, ᑖᒃᑯᐊ ᐊᐅᓚᑎᑕᐅᔪᓐᓇᖏᑦᑐᑦ ᑍᒤᓕᖕᒊᓐᓇᓕᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:12

ᓄᕐᕋᐅᔭᐅᓪᓗ ᓇᕿᕐᔪᑏᑦ ᐱᖓᓲᔪᕐᑐᖓᑦ ᒪᒃᐱᕐᒪᒍ, ᑕᑯᓴᕋᒪ ᑕᑯᕗᖓ, ᓄᓇᕐᔪᐊᖅ ᐊᖏᔪᒥᒃ ᓴᔪᒃᐱᓪᓚᒃᐳᖅ; ᓯᕿᓂᕐᓗ ᑖᕐᓯᕗᖅ ᐳᑐᕐᓛᑎᑐᑦ ᕿᕐᓂᕐᑎᒋᓕᕐᓗᓂ, ᑕᖅᑭᕐᓗ ᐃᓗᐃᑦᑐᖅ ᐊᐅᐸᕐᓯᕗᖅ ᐊᐅᒃᑎᑐᑦ ᑍᒤᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.