ᐂᓮᐊᓯᐅᑉ ᐊᒡᓚᖏᑦ 34:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖃᒡᓕᒋᑦᓯ, ᐃᓅᖃᑎᒌᒡᔪᐊᖑᔪᓯ ᑐᓴᕆᐊᕐᑐᕐᓗᓯ, ᓈᓚᓕᕆᑦᓯ ᐃᓅᔪᓯ! ᓈᓚᓕᕐᓕᑦ ᓄᓇᕐᔪᐊᕐᒥᐅᓕᒫᑦ ᑕᕝᕙᓐᖔᕐᓯᒪᔪᓕᒫᓪᓗ.

ᐂᓮᐊᓯᐅᑉ ᐊᒡᓚᖏᑦ 34:1 Iomraidhean Croise

ᒨᓯᓯ ᓯᕗᓪᓖᑦ 6:13

ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

ᐃᓐᖏᕈᑎᑦ 24:1

ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓄᓇᕐᔪᐊᕐᒦᑦᑐᓕᒫᓪᓗ, ᓯᓚᕐᔪᐊᕐᓗ, ᑕᕝᕙᓂᓗ ᐃᓂᖃᕐᑐᑦ.

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᐃᓐᖏᕈᑎᑦ 96:10

ᔫᑎᐅᖏᑦᑐᓄᑦ ᐅᖃᕆᑦᓯ, “ᐊᑕᓂᖅ ᐊᖓᔪᖅᑳᕐᔪᐊᖑᕗᖅ! ᐄᓛᒃ, ᓄᓇᕐᔪᐊᖅ ᐊᐅᓚᖏᑦᑐᒥᒃ ᐋᖅᑭᒃᑕᐅᓯᒪᕗᖅ, ᐊᐅᓚᑦᔭᒃᑕᐅᔪᓐᓇᕋᓂᓗ; ᑖᑦᓱᒪ ᐃᓅᖃᑎᒌᒡᔪᐊᑦ ᐋᖅᑭᒃᓱᕐᓂᐊᕐᐰᑦ ᓈᒻᒪᓈᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 18:3

ᓄᓇᕐᔪᐊᕐᒥᐅᑕᓕᒫᖑᔪᓯ, ᓄᓇᕐᔪᐊᕐᒥ ᐃᓂᖃᕐᑐᓯ, ᓇᓗᓁᒃᑯᑕᖅ ᓴᖅᑭᑉᐸᑦ ᖃᖅᑲᐅᑉ ᖄᖓᓂ, ᑕᑯᓐᓇᕐᓂᐊᓕᕐᐳᓯ! ᑎᑦᑐᓚᐅᑎᓗ ᓂᓪᓕᕐᑎᑕᐅᒃᐸᑦ ᓈᓚᒋᑦᓯ!

ᐂᓮᐊᓯᐅᑉ ᐊᒡᓚᖏᑦ 33:13

ᑐᓴᕆᑦᓯ, ᐅᖓᓯᒃᑐᒥᐅᖑᔪᓯ ᐱᓇᓱᐊᕐᕆᓚᐅᕐᑕᓐᓂᒃ; ᐃᓕᑦᓯᓗ ᖃᓂᑦᑐᒥᐅᖑᔪᓯ ᐱᔪᓐᓇᕐᓂᕐᔪᐊᓐᓂᒃ ᓇᓗᓁᕐᓯᓕᕆᑦᓯ.”

ᐂᓮᐊᓯᐅᑉ ᐊᒡᓚᖏᑦ 41:1

“ᓵᓐᓂ ᓂᐰᕆᑦᓯ ᐃᓕᑦᓯ ᐃᒪᐅᑉ ᓯᓈᓂᒥᐅᖑᔪᓯ, ᐃᓄᐃᑦ ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᓕᕐᓕᑦ; ᖃᒡᓕᒋᐊᕐᓗᑎᒡᓗ, ᐅᖃᓚᐅᕐᓕᑦ, ‘ᐊᑕᐅᑦᓯᒃᑯᑦ ᖃᒡᓕᒋᐊᓚᐅᕐᑕ ᐃᖅᑲᕐᑐᐃᕕᖕᒧᑦ.’

ᐂᓮᐊᓯᐅᑉ ᐊᒡᓚᖏᑦ 43:9

ᐃᓅᖃᑎᒌᒡᔪᐊᓕᒫᑦ ᓇᑭᑐᐃᓐᓇᖅ ᑲᑎᖃᑎᒌᓚᐅᕐᓕᑦ, ᐃᓄᐃᓪᓗ ᑲᑎᒪᓚᐅᕐᓕᑦ, ᑲᑎᒪᔪᑦ ᓇᓪᓕᐊᑦᑕ ᑕᒪᓐᓇ ᓇᓗᓁᕈᓐᓇᕐᐸᐅᒃ, ᑕᑯᑎᓪᓗᑕᓗ ᐊᑐᓚᐅᕐᑐᓂᒃ ᐊᓂᒍᕐᓯᒪᓕᕐᑐᓂᒃ? ᖃᐅᔨᓯᒪᔪᑦ ᓱᓕᑦᓯᐊᕐᓂᖏᑦ ᓇᓗᓇᕈᓐᓃᕐᑎᑕᐅᖁᓪᓗᒋᑦ, ᑐᓴᕐᑎᓯᐅᒃ ᐅᖃᕈᓐᓇᕐᓯᖁᓪᓗᒋᑦ, “ᑕᒪᓐᓇ ᓱᓕᕗᖅ.”

ᐂᓮᐊᓯᐅᑉ ᐊᒡᓚᖏᑦ 48:16

ᐅᕙᓐᓄᑦ ᖃᒡᓕᒋᑦᓯ, ᐅᓇᓗ ᑐᓴᕐᓗᒍ: ᐱᒋᐊᕐᓂᖓᓂᑦ ᐅᖃᕐᐸᓚᐅᓐᖏᓚᖓ ᐃᔨᕐᓯᒪᔪᓂᒃ, ᑍᒪᓐᖓᓂᑦ ᑕᒫᓃᓯᒪᒐᒪ. ᒫᓐᓇᓗ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕᓗ ᑎᓕᕚᖓ.”

ᐂᓮᐊᓯᐅᑉ ᐊᒡᓚᖏᑦ 49:1

“ᓈᓚᒃᓯᓐᖓ, ᐃᒪᐅᑉ ᓯᓈᓂᒥᐅᑕᐅᔪᓯ, ᑐᓴᑦᓯᐊᕐᓗᓯᓗ ᐅᖓᓯᒃᑐᒥ ᓄᓇᖃᕐᑐᓯ, ᐊᑕᓂᐅᑉ ᕾᖁᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᓱᓕ; ᐊᓈᓇᒪ ᑎᒥᖓᓃᑎᓪᓗᖓ ᐊᑎᕐᑖᕐᑎᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 63:1

ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”

ᔨᕆᒤᐊᐅᑉ ᐊᒡᓚᖏᑦ 22:29

ᓄᓇ, ᓄᓇ, ᓄᓈ! ᐊᑕᓂᐅᑉ ᐅᖃᐅᓯᖓ ᑐᓴᕈᒃ!

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᐃᓯᑭᐊᓕᐅᑉ ᐊᒡᓚᖏᑦ 38:17

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂᐊᓗᒃ ᐅᖃᕐᑎᒃᑲ ᐅᖃᐅᓯᖃᕐᐸᓚᐅᕐᐳᑦ ᐃᓴᕆᐊᓕᒥᐅᑦ ᐅᓇᑕᕐᑕᐅᔪᒫᕐᓂᖏᓐᓂᒃ; ᑖᒃᑯᐊᖑᓕᕐᐳᓯ ᑕᕝᕙ ᑎᑭᑦᓱᒫᕐᑐᒃᓮᑦ.”

ᐅᐸᑍᐊᑉ ᐊᒡᓚᖏᑦ 1:1

ᐅᑯᐊ ᑕᕝᕙ ᐅᐸᑍᐊᐅᑉ ᑕᑯᑎᑕᐅᑦᔪᑎᖏᑦ. ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ ᐄᑐᒥ ᐱᓪᓗᒍ. ᑐᓴᕐᓯᒪᕗᒍᑦ ᐅᖃᐅᓯᕐᒥᒃ ᐊᑕᓂᕐᒥᑦ ᐱᔪᒥᒃ, ᐅᖃᕆᐊᕐᑐᕐᑐᒃᓴᖅ ᑎᓕᔭᐅᕗᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ ᐅᖃᐅᑦᔭᐅᓪᓗᓂᓗ: “ᒪᑭᓕᕆᑦᓯ! ᐅᓇᑕᕆᐊᕐᓚᕗᑦ ᐄᑐᒥ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:26

ᐊᒡᓔᑦ ᐅᖃᕐᒪᑕ, “ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓱᓇᓕᒫᓪᓗ ᑕᕝᕙᓃᑦᑐᑦ.”

ᒨᓯᓯ ᑕᓪᓕᒪᖏᑦ 32:1

“ᕿᓚᐅᔪᑎᑦ ᑐᓵᓚᐅᕆᑦ, ᐅᖃᓪᓚᖕᓂᐊᕋᒪ; ᓄᓇᕐᔪᐊᕐᓗ ᖃᓂᕐᒪ ᐅᖃᐅᓯᖏᓐᓂᒃ ᑐᓵᓚᐅᕐᓕ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᐃᓗᐊᕐᓮᔩᑦ ᐊᒡᓚᖏᑦ 5:3

ᓈᓚᒋᑦᓯ ᐊᖓᔪᖅᑳᕐᔪᐊᖑᔪᓯ; ᑐᓵᒋᑦᓯᓗ ᐊᖓᔪᖅᑳᕐᔪᐊᑉ ᐃᕐᓂᖏᑦ; ᐊᑕᓂᕐᒧᑦ ᐃᓐᖏᕐᓂᐊᕋᒪ, ᑐᓴᕐᓂᔮᕐᓂᐊᕋᒪ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 5:31

ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.