ᐂᓮᐊᓯᐅᑉ ᐊᒡᓚᖏᑦ 33:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:6 Iomraidhean Croise

ᐊᑕᓃᑦ ᐂᑉᐸᖏᑦ 18:7

ᐊᑕᓂᐅᑉ ᓇᔪᓚᐅᕐᐹ; ᐱᓂᐊᕐᓂᓕᒫᒥᒍᓪᓗ ᐱᔪᓐᓇᓯᐊᓚᐅᕐᐳᖅ ᐱᓇᓱᐊᕐᑕᒥᓂᒃ. ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᓚᓕᐅᕐᓯᓚᐅᓐᖏᓚᖅ ᓈᒻᒪᒋᓇᒍᓗ ᐱᐅᓯᕆᔭᖓ ᑐᓂᓯᒪᕕᒋᔪᒪᓚᐅᓐᖏᓛ.

ᔫᐱᐅᑉ ᐊᒡᓚᖏᑦ 4:6

ᒎᑎᒥᒃ ᓯᕘᕋᓃᑦ ᑕᒪᓐᓇ ᒪᓂᒍᕈᑎᒋᖏᑉᐱᐅᒃ? ᐃᓅᓯᕐᐱᓪᓗ ᐸᓯᔭᒃᓴᐅᓂᖃᖏᓐᓂᖓ ᓂᕆᐅᖕᓂᖃᕈᑎᒋᖏᑉᐱᐅᒃ?

ᐃᓐᖏᕈᑎᑦ 140:7

ᐊᑕᓃᖅ, ᐊᑕᓂᕋ, ᓴᐳᑦᔨᔨᒐ ᓲᖑᔪᕐᔪᐊᖑᔪᖅ, ᓂᐊᖁᕋ ᐅᓕᒃᓯᒪᓚᐅᕐᐸᑦ ᐅᓇᑕᕐᓂᐅᑉ ᓇᓪᓕᐅᓐᓂᖓᓂ.

ᐃᓐᖏᕈᑎᑦ 28:8

ᐊᑕᓂᖅ ᓴᓐᖏᔫᑦᔪᑎᒋᕙᕋ, ᐅᕐᓱᕐᑎᕐᓯᒪᔭᖓᑕ ᓴᐳᑦᔭᐅᕕᒋᓗᒍ ᕿᒫᕕᒃᓴᕆᖕᒪᒍ.

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:24

ᓯᓚᑐᔪᑦ ᓂᐊᖂᑎᖃᕐᐳᑦ ᓯᓚᑐᓂᕐᒥᖕᓂᒃ, ᓯᓔᑦᑑᓪᓕ ᓯᓔᑦᑑᓂᖅ ᓂᐊᖂᑎᒋᕚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:26

ᐊᑕᓂᕐᒥᒃ ᓯᕘᕋᔪᑦ ᓴᐱᖏᓐᓂᕐᒥᒃ ᑎᒍᒥᐊᕐᐳᑦ, ᕿᑐᕐᖓᖏᓪᓗ ᕿᒫᕕᒃᓴᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:27

ᐊᑕᓂᕐᒥᒃ ᓯᕘᕋᓂᖅ ᑯᕕᕗᖅ ᐃᓅᓯᖃᕐᓇᕐᑐᒥᒃ, ᑐᖂᓪᓗ ᓂᒐᖓᓂᒃ ᓂᒍᕈᓐᓇᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:16

ᐱᖃᑦᓯᐊᖏᓐᓂᖅ ᐱᐅᓂᕐᓴᐅᕗᖅ ᐊᑕᓂᕐᒥᒃ ᓯᕘᕋᒋᔭᖃᕐᑐᒧᑦ, ᐱᓕᐊᓘᒐᓗᐊᕐᓗᓂ ᖃᓄᐃᓐᓇᕐᑐᒦᓐᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:23

ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᖅ; ᑕᒪᑐᒥᖓᓗ ᐱᖃᕐᑐᖅ ᓈᒻᒪᑦᓯᐊᕐᑐᒦᓐᓂᐊᕐᐳᖅ; ᑲᑉᐱᐊᓇᕐᑐᒧᓪᓗ ᑎᑭᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:5

ᑕᕝᕙ ᑐᑭᓯᓕᕐᓂᐊᕐᐳᑎᑦ ᐊᑕᓂᕐᒥᒃ ᐃᓕᕋᒋᔭᖃᕐᓂᕐᒥᒃ ᒎᑎᒥᒡᓗ ᖃᐅᔨᕙᓪᓕᐊᓂᕐᒥᒃ ᓇᓂᓯᓂᐊᕐᐳᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:2

ᓄᓇᖃᕐᑐᑦ ᐱᐅᖏᑦᑐᓕᓂᖏᓐᓄᑦ ᐊᖓᔪᖅᑲᕐᔪᐊᑦ ᐅᓄᕐᑑᓕᕐᐳᑦ; ᐊᖑᑎᐅᓪᓕ ᑐᑭᓯᒪᓂᖓᓄᑦ ᖃᐅᔨᒪᓂᖓᓄᓪᓗ ᐋᖅᑭᒃᓯᒪᑦᓯᐊᕐᓂᖅ ᐊᑯᓂ ᑍᒤᓕᖓᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:4

ᐊᖓᔪᖅᑳᕐᔪᐊᖅ ᐊᑦᔨᒌᒃᑎᑦᓯᓂᒃᑯᑦ ᓄᓇᓕᖕᒥᒃ ᐋᖅᑭᒃᓱᐃᕗᖅ, ᐊᑭᓕᕐᑕᐅᓂᑐᐃᓐᓇᒃᑯᓪᓕ ᐱᓇᓱᐊᑐᖅ ᓄᓇᓕᖕᒥᒃ ᐊᓯᕈᐃᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:12

ᓯᓚᑐᓂᖅ ᓴᐳᓐᓂᐊᕈᑎᐅᕗᖅ ᓲᕐᓗ ᑮᓇᐅᔭᖅ ᓴᐳᓐᓂᐊᕈᑎᐅᖕᒪᑦ. ᖃᐅᔨᒪᓂᐅᑉ ᐱᕚᓪᓕᕐᓇᕐᓂᖓ ᑕᕝᕙ, ᓯᓚᑐᓂᖅ ᑐᓂᓯᖕᒪᑦ ᐃᓅᓯᕐᒥᒃ ᑖᑦᓱᒥᖓ ᐱᖃᕐᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:19

ᓯᓚᑐᓂᐅᑉ ᓯᓚᑐᔪᖅ ᓴᓐᖏᔫᑎᑉᐹ, ᓴᓐᖏᓂᕐᓴᐅᓗᓂ ᐊᖓᔪᖅᑳᓂᑦ ᖁᓕᓂᑦ ᐃᒡᓗᒐᓴᒡᔪᐊᓂᒃ ᐊᐅᓚᑦᓯᔨᓂᑦ.

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 32:17

ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 33:20

ᓮᐅᓂ ᑕᑯᓐᓈᓕᕐᓯᐅᒃ, ᓇᓪᓕᐅᓐᓂᕐᓯᐅᕕᖕᓂ ᓂᕆᕕᒡᔪᐊᕐᕕᐅᕙᒃᑐᖅ! ᐃᔨᑦᓯᓐᓄᑦ ᑕᑯᔪᒫᕐᐸᓯ ᔨᕉᓴᓕᒻ ᓂᐰᑦᑐᒥᒃ ᐃᓂᓪᓚᖓᑦᓯᐊᕐᓇᓕᕐᑐᖅ, ᑐᐱᕐᓗ ᓅᓚᐅᕐᓯᒪᔪᓐᓃᕐᑐᖅ ᐃᓂᒥᓂᑦ, ᐊᒃᓱᓈᖏᑕᓗ ᐸᐅᒍᐊᖏᑦ ᐊᒧᓚᐅᕐᓯᒪᖏᑦᑐᑦ, ᓄᑦᓲᑎᖏᓪᓗ ᕿᒃᑐᕋᓚᐅᕐᓯᒪᖏᑦᑐᑦ.

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 51:14

ᐊᐅᓪᓚᕈᑦᔭᐅᓯᒪᔪᑦ ᐊᓂᑎᑕᐅᕕᒃᓴᖓᑦ ᖃᒡᓕᕗᖅ; ᑐᖁᓂᐊᓐᖏᓚᑦ ᐃᑎᕐᓴᒧᓪᓗ ᐃᓕᔭᐅᓂᐊᓐᖏᓚᑦ, ᓂᕿᒃᓮᕈᑎᓂᐊᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᑎᒧᑎᒧᑦ ᓯᕗᓪᓖᑦ 6:6

ᐅᒃᐱᕐᓂᕐᓕ ᐊᖏᔪᒥᒃ ᐊᔪᕐᓴᓐᖏᓕᓇᕐᐳᖅ ᐱᓯᒪᔭᒥᓂᒃ ᓈᒻᒪᒃᓴᕐᑐᓄᑦ.