ᐂᓮᐊᓯᐅᑉ ᐊᒡᓚᖏᑦ 33:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᖁᑎᖏᓪᓗ ᐸᕐᓚᔭᐅᓪᓗᑎᒃ ᑎᒎᖅᑲᕐᑕᐅᕙᒃᐳᑦ ᖁᐱᕐᕈᑎᑐᑦ ᑲᑎᕐᓱᐃᔪᑎᑐᑦ; ᐱᒡᓕᕐᑕᐅᔭᑎᑐᓪᓗ ᐊᕙᒻᒧᑭᑕᒃᑐᑎᑐᑦ, ᑍᒫᒃ ᐊᕙᒻᒧᒃᑎᑦᓱᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 33:4 Iomraidhean Croise

ᑯᕉᓂᑲ ᐂᑉᐸᖏᑦ 14:13

ᐂᓴᐅᓪᓗ ᐃᓚᒋᔭᖏᑕᓗ ᒪᓕᒃᐰᑦ ᒋᕌᕆᒧᑦ ᑎᑭᓪᓗᑎᒃ, ᐃᑎᐅᐱᐊᒥᐅᓪᓗ ᓵᓚᐅᕗᑦ ᐊᒥᐊᒃᑯᔭᐅᓇᑎᒃ; ᓯᖁᒥᑕᐅᕗᑦ ᐅᓇᑕᕐᑐᒃᓴᖏᑦ ᐊᑕᓂᐅᑉ ᓵᖓᓂ ᐅᓇᑕᕐᑎᖏᓐᓄᓪᓗ. ᔫᑕᐅᓪᓗ ᐃᓄᖏᑦ ᐱᑖᓚᐅᕐᐳᑦ ᐅᓄᕐᑐᕐᔪᐊᓂᒃ ᐱᖁᑎᕕᓂᖏᓐᓂᒃ.

ᑯᕉᓂᑲ ᐂᑉᐸᖏᑦ 20:25

ᔨᕼᐆᓴᐸᑦᑯᑦ ᐃᓚᖏᓪᓗ ᑎᑭᓐᓇᒥᒃ ᓇᒡᕚᕐᑕᕆᐊᓕᓚᐅᕐᐳᑦ ᑖᒃᑯᓇᓐᖓᑦ, ᓇᓂᓯᕗᓪᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᕐᔪᐊᓂᒃ, ᓂᕿᓂᒃ, ᐊᓐᓄᕌᓂᒡᓗ, ᐱᔪᒥᓇᕐᑐᓂᒡᓗ ᐱᖁᑎᓂᒃ, ᓄᐊᑦᓯᓚᐅᕐᐳᑦ ᐱᑖᕆᓂᐊᕐᑕᒥᖕᓂᒃ ᐅᓄᕐᑐᕐᔪᐊᓂᒃ ᐊᒡᔭᕐᓯᔪᓐᓁᓪᓕᑐᐃᓐᓇᕐᓗᑎᒃ. ᐅᓪᓗᓂᒃ ᐱᖓᓱᓂᒃ ᓇᒡᕚᕐᑕᓚᐅᕐᐳᑦ ᐱᑖᕐᑐᕐᓗᑎᒃ, ᐅᓄᕐᑐᕐᔪᐊᖑᓚᐅᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 33:23

ᑎᖏᕐᕋᐅᑕᑦᓯ ᐊᒃᓱᓈᖏᑦ ᖃᓱᖓᓗᐊᕐᐳᑦ, ᓇᐸᕈᑕᓯᓗ ᐊᑦᓱᖏᕐᓯᒪᑦᓯᐊᕋᓂ, ᑎᖏᕐᕋᐅᑕᓯᓗ ᐃᓯᕕᑦᓯᐊᕈᓐᓇᕋᓂ, ᐅᓇᑕᕐᓂᒃᑯᑦ ᑎᒍᔭᐅᔪᑦ ᐱᖁᑎᑦ ᐊᒥᒐᕈᒫᓐᖏᓚᑦ, ᐱᓱᒍᓐᓇᖏᑦᑐᑦ ᐊᒡᓛᑦ ᑎᒍᓯᖃᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 33:3

ᐃᒃᑐᓚᐅᕐᓂᖅ ᑐᓴᕐᓴᕈᑐᐊᕐᒪᑦ ᐃᓄᐃᑦ ᕿᒫᕙᒃᐳᑦ; ᒪᑭᓕᑐᐊᕋᕕᓪᓗ, ᐃᓅᖃᑎᒌᒡᔪᐊᑦ ᐊᕙᒻᒧᑦ ᓯᐊᒻᒪᒃᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 33:5

ᐊᑕᓂᖅ ᐊᖏᔪᕈᕐᑎᑕᐅᕗᖅ, ᖁᑦᓯᒃᑐᒥ ᐃᓂᖃᕐᒪᑦ; ᓮᐅᓂ ᑕᑕᑎᑦᓱᒫᕐᐹ ᐊᑦᔨᒌᒃᑎᑦᓯᓂᕐᒥᒃ ᓇᓛᒎᑦᓯᐊᕐᓂᕐᒥᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 25:7

ᑍᒤᒻᒪᑦ, ᑕᑯᒋᑦ, ᐃᓅᖃᑎᒌᒡᔪᐊᓄᑦ ᐱᔭᐅᑎᑦᓱᒫᓕᕐᐸᑦᓯ, ᐱᖁᑎᑦᓯᓐᓂᒃ ᓇᒡᕚᕐᑕᕐᕕᐅᔪᒫᕐᐳᓯ; ᓄᖑᑕᐅᔪᒫᕐᐳᓯ ᓄᓇᒥᑦ; ᑍᒫᒃ ᐊᓯᕈᕈᒫᕐᐸᑦᓯ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᔪᐃᓕᐅᑉ ᐊᒡᓚᖏᑦ 1:4

ᐅᓄᕐᑐᕐᔪᐊᑦ ᓂᕆᔩᑦ ᐱᒡᓕᕐᑕᐅᔮᕐᑐᑦ ᓂᕆᓂᐊᕐᐳᑦ ᐱᕈᕐᑐᓂᒃ, ᐊᒥᐊᒃᑯᖏᑦ ᓂᕆᔭᐅᓂᐊᕐᐳᑦ ᐱᒡᓕᕐᑕᐅᔮᕐᑐᓄᑦ ᐹᕐᖑᕐᑐᓄᑦ ᐅᓄᕐᑐᕐᔪᐊᓄᑦ, ᐱᒡᓕᕐᑕᐅᔮᕐᑐᓪᓗ ᐹᕐᖑᕐᑐᑦ ᐊᒥᐊᒃᑯᖏᑦ, ᓂᕆᔭᐅᓂᐊᕐᐳᑦ ᓄᖑᕅᔨᓄᑦ ᐱᒡᓕᕐᑕᐅᔮᕐᑐᓄᑦ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᔪᐃᓕᐅᑉ ᐊᒡᓚᖏᑦ 2:3

ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ; ᓄᓇᓗ ᓯᕗᓂᐊᓃᑦᑐᖅ ᐱᕈᕐᓰᕕᒃ ᐄᑕᓂᒥᐅᖑᔮᕐᑐᖅ, ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᕐᐳᖅ, ᑭᓇᓘᓐᓃᑦ ᕿᒫᔪᓐᓇᕐᓂᐊᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 2:9

ᑐᐊᕕᕐᓗᑎᒃ ᐃᒡᓗᒐᓴᖕᓄᐊᕐᐳᑦ, ᐊᕙᓗᕐᔪᐊᒃᑯᑦ ᐅᓪᓚᒃᐳᑦ; ᒪᔪᕋᕐᐳᓪᓗ ᐃᒡᓗᓄᑦ, ᐃᒐᓛᑎᒍᑦ ᐃᑎᕐᐳᑦ ᑎᒡᓕᒃᑎᑐᑦ.