ᐂᓮᐊᓯᐅᑉ ᐊᒡᓚᖏᑦ 33:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓮᐅᓂ ᑕᑯᓐᓈᓕᕐᓯᐅᒃ, ᓇᓪᓕᐅᓐᓂᕐᓯᐅᕕᖕᓂ ᓂᕆᕕᒡᔪᐊᕐᕕᐅᕙᒃᑐᖅ! ᐃᔨᑦᓯᓐᓄᑦ ᑕᑯᔪᒫᕐᐸᓯ ᔨᕉᓴᓕᒻ ᓂᐰᑦᑐᒥᒃ ᐃᓂᓪᓚᖓᑦᓯᐊᕐᓇᓕᕐᑐᖅ, ᑐᐱᕐᓗ ᓅᓚᐅᕐᓯᒪᔪᓐᓃᕐᑐᖅ ᐃᓂᒥᓂᑦ, ᐊᒃᓱᓈᖏᑕᓗ ᐸᐅᒍᐊᖏᑦ ᐊᒧᓚᐅᕐᓯᒪᖏᑦᑐᑦ, ᓄᑦᓲᑎᖏᓪᓗ ᕿᒃᑐᕋᓚᐅᕐᓯᒪᖏᑦᑐᑦ.

ᐂᓮᐊᓯᐅᑉ ᐊᒡᓚᖏᑦ 33:20 Iomraidhean Croise

ᐃᓐᖏᕈᑎᑦ 128:5

ᐊᑕᓂᐅᑉ ᓮᒻᒪᕐᑎᓐᓂᐊᕐᐹᑎᑦ ᓮᐅᓂᒥᑦ! ᔨᕉᓴᓕᐅᓪᓗ ᖁᕕᐊᓇᕐᑐᕐᑕᖃᕐᓂᖓᓂᒃ ᑕᑯᓂᐊᕐᐳᑎᑦ ᐃᓅᓂᓕᒫᕐᓂ.

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 37:33

ᐃᒫᒡᓗ ᐊᑕᓂᖅ ᐅᖃᕐᓯᒪᒋᕗᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᔪᑎᒋᓪᓗᒍ: ᐃᒡᓗᒐᓴᖕᓄᑦ ᑕᕝᕗᖓ ᐃᑎᕐᓂᐊᓐᖏᓚᖅ, ᖃᕐᔪᒥᒡᓘᓐᓃᑦ ᐊᑕᐅᓯᕐᒥᒃ ᐱᓯᒋᐊᕐᓂᐊᓐᖏᓚᖅ ᑖᒃᑯᓄᖓ, ᐊᒃᕖᕋᐅᓯᔭᕐᓗᓂᓘᓐᓃᑦ ᑕᕝᕗᖓ ᑎᑭᓐᓂᐊᓐᖏᓚᖅ, ᐃᒡᓗᒐᓴᒡᔪᐊᓂᒡᓗ ᐃᓗᓯᓯᒪᓗᓂ ᐱᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 4:5

ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 54:2

“ᑐᐲᑦ ᓂᕈᑦᑐᕆᐊᓕᕈᒃ, ᑐᐱᕐᐱᑦ ᓴᓂᕋᖏᑦ ᐅᖓᕙᕆᐊᓕᒃᑭᒃ; ᐱᐅᕐᓱᐊᖏᓪᓗᑎᑦ ᑐᐱᒃᓴᒥᒃ, ᓄᖃᕈᑎᑎᓪᓗ ᑕᑭᓕᒋᐊᕐᓗᒋᑦ ᐸᐅᒍᐊᖏᓪᓗ ᐊᑦᑕᕐᓁᓕᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 48:8

ᔫᑕᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᓂ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᐊᖓᓪᓗᓂ, ᑕᒪᓐᓇ ᓄᓇ ᓴᓂᕐᕙᒃᓯᒪᔭᖃᕆᐊᖃᕐᐳᖅ, ᐊᖏᓂᖃᕐᓗᓂ ᓴᓂᒧᑦ 10ᒤᓕᒥᒃ ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒧᑦ, ᐊᒻᒪ ᑍᒫᓪᓗᐊᖅ ᓯᕕᑐᑎᒋᖕᒥᓗᓂ ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ, ᑭᖑᕚᕇᓄᑦ ᐊᕕᒃᑐᕐᑕᐅᔪᑎᑐᑦ ᐊᖏᑎᒋᓗᓂ, ᑕᕝᕙᓂ ᕿᑎᖓᓂ ᑐᒃᓯᐊᕐᕕᒡᔪᐊᖅ ᐃᓂᖃᕐᑐᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.