ᐂᓮᐊᓯᐅᑉ ᐊᒡᓚᖏᑦ 33:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓃᖅ ᓈᒃᑭᒋᑎᒍᑦ; ᐃᓕᖕᓂᒃ ᓂᕆᐅᒡᕕᖃᕋᑦᑕ, ᐅᓪᓛᑕᒫᑦ ᓴᐳᑎᓯᒪᓚᐅᕐᑎᒍᑦ ᐱᐅᓕᓗᑕᓗ ᖃᓄᐃᓐᓇᕐᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 33:2 Iomraidhean Croise

ᐃᓐᖏᕈᑎᑦ 123:2

ᑕᑯᒋᑦ, ᓲᕐᓗ ᐱᔨ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ, ᐱᔨᐅᔪᕐᓗ ᐊᕐᓇᖅ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ; ᑍᒫᒃᑕᐅᖅ ᑕᑎᖃᕐᓂᐊᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᑖᑦᓱᒪ ᓂᑲᒍᓱᓕᕐᓂᐊᕐᓂᖓᓂᒃ ᐅᕙᑦᑎᓐᓂᒃ ᐅᑕᖅᑭᓗᑕ.

ᐃᓐᖏᕈᑎᑦ 143:8

ᐅᓪᓛᒃᑯᑦ ᖃᐅᑕᒫᑦ ᑐᓵᑎᖃᑦᑕᓚᐅᓐᖓ ᓇᒡᓕᒍᓱᖕᓂᕐᓂᒃ, ᐃᓕᖕᓂᒃ ᑕᑎᖃᕋᒪ; ᑐᒃᓯᐊᕐᓂᒃᑲ ᐃᓕᖕᓄᑦ ᖁᒻᒧᐊᒃᐳᑦ; ᐊᔪᕆᕐᑐᓚᐅᓐᖓ ᐊᖅᑯᑎᒃᓴᒥᒃ ᐊᑐᒐᒃᓴᕆᔭᓐᓂᒃ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᐃᓐᖏᕈᑎᑦ 33:22

ᐊᑕᓃᖅ, ᓇᒡᓕᖕᓂᕕᑦ ᓱᖁᓯᔪᐃᑦᑐᑉ ᓇᔪᕐᓕᑎᒍᑦ, ᐃᓕᖕᓂᒃ ᓂᕆᐅᒃᕕᖃᕐᓂᕗᑦ ᒪᓕᒡᓗᒍ.

ᐃᓐᖏᕈᑎᑦ 37:39

ᐃᓱᐊᕐᑐᓪᓕ ᐱᐅᓕᔭᐅᓂᖓᑦ ᐊᑕᓂᕐᒥᑦ ᐱᕗᖅ; ᓄᑭᖃᐅᑎᒋᕚᑦ ᐅᖁᒤᑦᑐᖃᕐᑎᓪᓗᒍ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 60:11

ᐃᑲᔪᓚᐅᕐᑎᒍᑦ ᐅᖁᒤᑦᑐᓕᕆᓂᑦᑎᓐᓂᒃ, ᐃᓅᑉ ᐃᑲᔪᕐᓂᖓ ᓱᓇᐅᖏᒻᒪᑦ.

ᐃᓐᖏᕈᑎᑦ 62:1

ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ; ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.

ᐃᓐᖏᕈᑎᑦ 62:5

ᑕᕐᓂᕋ ᒎᑎᒥᒃ ᑖᑦᓱᒥᖓᑐᐊᖅ ᐅᑕᖅᑭᕗᖅ ᕿᓄᐃᓵᕐᓗᓂ, ᑖᑦᓱᒪᓐᖓᑦ ᓂᕆᐅᒋᔭᖃᕋᒪ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᐃᓐᖏᕈᑎᑦ 90:15

ᖁᕕᐊᓱᒃᑎᓚᐅᕐᒥᑎᒍᑦ ᐋᓐᓂᐊᓇᕐᑐᒦᑎᑦᓯᓂᕆᓚᐅᕐᑕᑎᑦ ᐅᓪᓗᐃᑦ ᐅᓄᕐᓂᖏᑦ ᐊᑭᓕᕐᓗᒋᑦ, ᐊᕐᕌᒍᓂᒃ ᐅᓄᕐᑐᓂᒃ ᐱᐅᖏᑦᑐᓂᒃ ᑕᑯᖃᑦᑕᕐᓯᒪᓕᕋᑦᑕ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᒨᓯᓯ ᐂᑉᐸᖏᑦ 14:27

ᐊᓱᐃᓛᒃ ᒨᓯᓯᐅᑉ ᑕᓕᓂ ᐃᓵᒃᐹ ᐃᒪᐅᑉ ᖁᓛᓄᑦ, ᖃᐅᒻᒪᓕᕐᑎᓪᓗᒍᓗ ᐃᒪᖅ ᐅᑎᕐᐳᖅ ᐃᓕᖅᑯᓯᕆᕙᒃᑕᒥᑐᑦ. ᐄᑦᔨᑉᑎᒥᐅᓪᓗ ᕿᒫᓇᓱᒃᑲᓗᐊᕐᑎᓪᓗᒋᑦ ᐃᒫᓂᑦ ᐊᑕᓂᐅᑉ ᐃᒫᓄᑦ ᐱᔭᐅᒃᑲᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 25:4

ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᐂᓮᐊᓯᐅᑉ ᐊᒡᓚᖏᑦ 26:8

ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.

ᐂᓮᐊᓯᐅᑉ ᐊᒡᓚᖏᑦ 37:3

ᐃᒫᒡᓗ ᐅᖃᕐᐳᑦ, “ᕼᐃᓯᑬᐊ ᐅᖃᖁᔨᖕᒪᑦ, ‘ᐅᓪᓗᒥ ᐅᖁᒤᒃᓴᕐᓇᕐᑑᖕᒪᑦ; ᓱᒋᐊᕐᑕᐅᒐᑦᑕ, ᑲᓐᖑᓇᕐᑐᒦᑎᑕᐅᕗᒍᑦ; ᐊᕐᓇᒥᒃ ᐃᕐᓂᓱᒃᑐᒥᒃ ᐊᑦᔨᖃᓕᕐᐳᒍᑦ ᓄᑭᖃᑦᓯᐊᕈᓐᓃᒧᑦ ᐃᕐᓂᔪᓐᓁᓪᓕᖅᑲᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 40:10

ᑕᑯᒋᑦ, ᐊᑕᓂᖅ ᒎᑎ ᕾᓕᕐᐳᖅ ᐱᔪᓐᓇᕐᓂᕐᔪᐊᖃᕐᓗᓂ, ᐱᔪᓐᓇᕐᓂᕐᔪᐊᖓᑕ ᐊᐅᓚᑦᓯᑎᑉᐹ; ᑕᑯᒋᑦ, ᐅᐱᒍᓲᑎᒥᓂᒃ ᑐᓂᔭᒃᓴᖃᕐᓗᓂ, ᐊᑭᓕᐅᑎᒃᓴᒥᓂᒡᓗ ᓇᒃᓴᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:16

ᑕᑯᒐᒥ ᐃᓄᒃᑕᖃᕈᓐᓃᕐᑐᖅ ᐊᑕᐅᓯᕐᒥᒡᓘᓐᓃᑦ; ᑲᒪᓂᐊᕐᐳᕐᓗ ᑐᒃᓯᐅᑦᔨᔨᒃᓴᕐᑕᖃᕈᓐᓃᕐᒪᑦ; ᑍᒤᒻᒪᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ ᐱᐅᓕᔭᐅᕕᒃᓴᖅ ᑖᑦᓱᒧᖓ ᕾᑎᑉᐹ; ᓇᓛᒎᕐᓂᖓᑕᓗ ᑲᔪᓯᑎᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᔨᕆᒤᐊᐅᑉ ᐊᒡᓚᖏᑦ 14:8

ᐃᓴᕆᐊᓕᒥᐅᑦ ᓂᕆᐅᒡᕕᑐᐊᕆᖕᒪᑎᑦ, ᐱᐅᓕᔨᑐᐊᕆᓪᓗᑎᓪᓗ ᐊᑲᐅᖏᑦᑐᖃᓕᕐᑎᓪᓗᒍ, ᓱᖕᒪᑦ ᓂᐅᕐᕈᐊᑎᑐᑦ ᓄᓇᒥ ᑍᒤᓕᐅᕐᕕᒋᕕᑎᒎᑦ? ᐅᓐᓄᐊᒥᒃ ᐊᑕᐅᓯᕐᒥᒃ ᓯᓂᒃᑕᕐᑐᑎᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:23

ᐅᓪᓛᑎᑐᑦ ᓄᑖᓐᖑᕐᑎᑕᐅᕕᕾᓐᓇᐅᔭᕐᒪᑦ ᓱᕐᕋᔪᐃᑦᑑᓃᑦ ᐊᖏᔫᖕᒪᑦ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.