ᐂᓮᐊᓯᐅᑉ ᐊᒡᓚᖏᑦ 33:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᖅᑲᐅᒪᔪᒫᕐᐳᓯᓗ ᑲᑉᐱᐊᓱᖕᓂᐅᓚᐅᕐᑐᓂᒃ, “ᓇᐅᒡᓕ ᑎᑎᕋᕐᐸᓚᐅᕐᑐᑦ? ᓇᐅᒡᓕ ᑖᒃᓰᔭᕐᑎᑦᓯᔨᐅᕙᓚᐅᕐᑐᑦ? ᓇᐅᒡᓕ ᐃᒡᓗᒐᓴᒡᔪᐊᑦ ᐊᕙᓗᖏᑕ ᖃᐅᔨᓴᕐᕕᖏᓐᓂ ᓈᓮᕙᓚᐅᕐᑐᑦ?”

ᐂᓮᐊᓯᐅᑉ ᐊᒡᓚᖏᑦ 33:18 Iomraidhean Croise

ᒨᓯᓯ ᓯᕗᓪᓖᑦ 23:16

ᐂᑉᕋᕼᐋᒻᓗ ᐃᐸᕋᓐ ᐊᖏᖃᑎᒋᒐᒥᐅᒃ; ᐅᖁᒤᓐᓂᕐᓯᐅᑎᒃᑯᑦ ᐋᖅᑭᒃᓱᐃᓕᕐᐳᖅ ᐃᐸᕋᐅᑉ ᐊᑭᒋᖁᓪᓗᒋᑦ ᐅᖃᐅᓯᕆᖅᑲᐅᔭᖏᓐᓂᒃ ᓯᐅᓪᕕᕆᓂᒃ ᕼᐃᑍᑎᒥᐅᑦ ᑕᕝᕙᓃᑦᑐᑦ ᑐᓵᑎᓪᓗᒋᑦ, 400ᓂᒃ ᓯᐅᓪᕕᕆᓂᒃ, ᑍᑦᓱᒪᓂᐅᑎᓪᓗᒍ ᐅᖁᒤᓐᓂᕐᓯᐅᑕᐅᓪᓗᑎᒃ ᓂᐅᕕᕐᑎᑦᓯᕙᒃᑐᓂᑦ ᐊᑐᕐᑕᐅᕙᒃᑐᑦ ᐊᑐᕐᓗᒋᑦ.

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 18:14

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᖃᐅᑦᔭᐅᔭᕐᑐᕐᑎᑦᓯᕗᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᓚᑮᓯᒦᑦᑐᒥᒃ ᓯᓇᑯᕆᑉᒥᒃ, “ᑕᒻᒪᕐᓯᒪᓐᓂᕋᒪ; ᐅᓇᑕᕐᑕᐅᔪᒪᔪᓐᓃᕐᐳᒍᑦ, ᐊᑭᓕᐅᑕᐅᖁᔭᕐᓂᒃ ᐊᑭᓖᓂᐊᕐᐳᒍᑦ.” ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑭᐅᓚᐅᕐᐳᖅ 300ᓂᒃ ᓯᐅᓪᕕᕆᓂᒃ ᐱᑎᑕᐅᔪᒪᓪᓗᓂ 30ᓂᒡᓗ ᒎᓗᓂᒃ.

ᐊᑕᓃᑦ ᐂᑉᐸᖏᑦ 18:31

ᕼᐃᓯᑬᐊ ᓈᓚᒃᑍᓕᓯᐅᒃ; ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᒐᓴᖕᓂᑦ ᐊᓂᑐᐃᓐᓇᖁᕚᓯ ᖁᓄᖏᓪᓗᓯ: ‘ᑕᕝᕙ ᐸᐅᕐᖓᓂᒃ ᕔᓂᒃᓴᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕆᔪᓐᓇᕐᑎᑕᐅᓂᐊᕐᐳᓯ, ᓇᐹᕐᑐᖁᑎᑦᓯᓗ ᐱᕈᕐᑐᖏᓐᓂᒃ ᓂᕿᖃᕈᓐᓇᕐᓗᓯ, ᐃᒥᕐᑕᕐᕕᖁᑎᑦᓯᓐᓂᓪᓗ ᐃᒥᖃᕈᓐᓇᕐᓗᓯ.

ᐃᓐᖏᕈᑎᑦ 31:22

ᐅᐃᒪᔮᕐᓗᖓ ᐅᖃᓚᐅᕋᒪ, “ᐃᕝᕕᑦ ᐃᔨᖕᓂᑦ ᑕᕐᕆᓯᒪᕗᖓ”; ᕿᓄᒐᒪᓕ ᓂᐱᒐ ᑐᓴᓚᐅᕐᐸᑦ ᓂᓪᓕᐊᓕᕋᒪ ᐃᓕᖕᓄᑦ.

ᐃᓐᖏᕈᑎᑦ 71:20

ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 17:14

ᐅᓐᓄᒃᑯᑦ ᑕᑯᒋᑦ, ᑲᑉᐱᐊᓇᕐᑐᖃᓕᕐᐳᖅ! ᐅᓪᓛᓐᖑᓛᐅᕐᑎᓐᓇᒍ ᓱᓇᑕᖃᕈᓐᓃᕐᐳᖅ! ᑍᒫᒃ ᑕᕝᕙ ᑭᒃᑯᑐᐃᓐᓁᑦ ᓄᓇᑦᑎᓐᓂᒃ ᓄᓁᕈᑦᔨᓇᓱᒃᑐᑦ ᐱᔪᒫᕐᐳᑦ, ᐅᕙᑦᑎᓐᓂᒡᓗ ᓱᓁᕈᑦᔨᓇᓱᐊᕐᑐᑦ ᓇᓚᐅᑦᑖᕈᑎᒃᑯᑦ ᐱᕖᕈᑦᔭᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20

ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.