ᐂᓮᐊᓯᐅᑉ ᐊᒡᓚᖏᑦ 33:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᔨᑦᓯᓐᓄᑦ ᑕᑯᔪᒫᕐᐳᓯ ᐊᖓᔪᖅᑳᕐᔪᐊᑉ ᐃᓂᖁᓇᕐᓂᕐᔪᐊᖓᓂᒃ; ᑕᑯᓗᑎᓪᓗ ᓄᓇᒥᒃ ᐅᖓᓯᒃᑐᒧᑦ ᑕᑯᒃᓴᐅᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 33:17 Iomraidhean Croise

ᑯᕉᓂᑲ ᐂᑉᐸᖏᑦ 32:23

ᐅᓄᕐᑐᕐᔪᐊᓪᓗ ᑐᓂᓯᕗᑦ ᐊᑕᓂᕐᒧᑦ ᔨᕉᓴᓕᒥ ᐱᐅᔪᒻᒪᕆᖕᓂᒡᓗ ᑐᓂᓯᕗᑦ ᕼᐃᓯᑬᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᑕᒪᑐᒪᖓᑦ ᐱᒋᐊᕐᓗᓂ ᑭᖑᕐᖓᒍᑦ ᐃᓅᖃᑎᒌᒡᔪᐊᓕᒫᑦ ᐅᐱᒋᓪᓗᒍ ᐊᖏᒡᓕᑎᓕᓚᐅᕐᐹᑦ.

ᔫᐱᐅᑉ ᐊᒡᓚᖏᑦ 19:27

ᓇᖕᒥᓂᓪᓚᕆᒃ ᑕᑯᔪᒫᕐᐸᕋ ᓴᓂᓐᓃᑎᓪᓗᒍ, ᐊᓯᐊᓂᒃ ᑕᑯᓐᓇᖏᓪᓗᖓ, ᐃᔨᓐᓄᑦ ᑕᑯᔪᒪᕐᐸᕋ. ᐆᒻᒪᑎᒐᓕ ᓄᑮᓕᕐᐳᖅ ᐃᓗᓐᓂ!

ᐃᓐᖏᕈᑎᑦ 31:8

ᐊᑭᕋᕐᑐᕐᑎᒪ ᐊᒡᒐᖏᓐᓄᑦ ᑐᓂᓚᐅᖏᓐᓇᕕᖓ: ᐃᑎᒐᒃᑲ ᐃᓕᒐᕕᒋᑦ ᐱᕕᑐᔪᒧᑦ.

ᐃᓐᖏᕈᑎᑦ 45:2

ᐊᖑᑎᓕᒫᓂᑦ ᐊᖑᑎᑦᓯᐊᖑᓂᕐᐹᖑᕗᑎᑦ; ᐱᑦᓯᐊᕈᓐᓇᕐᓂᖅ ᑯᕕᔭᐅᓯᒪᕗᖅ ᖃᓂᕐᓄᑦ; ᑍᒤᒻᒪᑦ ᒎᑎᐅᑉ ᓮᒻᒪᕐᑎᑉᐹᑎᑦ ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:10

ᓇᒡᓕᒋᔭᕋ ᑕᑯᒥᓇᕐᐳᖅ ᖃᓄᐃᖏᑦᓯᐊᕐᓗᓂᓗ, ᐊᑦᔨᖃᓐᖏᓚᖅ ᐊᖑᑎᓂᑦ 10,000ᓂᑦ.

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 26:15

ᐊᑕᓃᖅ, ᐃᓅᖃᑎᒌᒡᔪᐊᖑᓂᕗᑦ ᐱᕈᕐᑎᓯᒪᕙᑦ, ᐃᓅᖃᑎᒌᒡᔪᐊᑦ ᐅᓄᕐᓯᑎᑉᐸᑎᑦ, ᑕᒪᓐᓇ ᐅᐱᒋᔭᐅᑦᔪᑎᒋᕙᑦ; ᓄᓇᖁᑎᕗᓪᓗ ᐃᓚᕙᓪᓕᐊᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 37:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᑎᓪᓗᓂ, ᐊᑕᓂᐅᓪᓗ ᐃᒡᓗᖓᓄᑦ ᐂᕗᖅ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᓴᑲᕅᐊᐅᑉ ᐊᒡᓚᖏᑦ 9:17

ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:18

ᐃᓱᒪᒋᔭᖃᕋᑦᑕ ᑕᑯᒃᓴᐅᖏᑦᑐᓂᒃ, ᑕᑯᒃᓴᐅᔪᑦ ᐱᓇᒋᑦ; ᑕᑯᒃᓴᐅᔪᑦ ᐃᓱᖃᕐᒪᑕ; ᑕᑯᒃᓴᐅᖏᑐᓪᓕ ᐃᓱᖃᓐᖏᓚᑦ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.