ᐂᓮᐊᓯᐅᑉ ᐊᒡᓚᖏᑦ 32:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 32:14 Iomraidhean Croise

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 33:14

ᑕᒪᑐᒪ ᑭᖑᕐᖓᒍᑦ ᐊᕙᓗᕐᔪᐊᖅ ᓯᓚᓪᓕᖅ ᓴᓇᕚ ᑍᕕᑎᐅᑉ ᐃᒡᓗᒐᓴᖓᓂ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᒋᕼᐅᓂᒥ, ᓇᕐᓴᒦᑦᑐᖅ, ᐃᑎᕐᑕᕐᕕᒃ ᐃᖃᓗᖕᒥᒃ ᐊᑎᓕᒃ ᑎᑭᓪᓗᒍ; ᑲᔪᓯᓪᓗᓂ ᐅᐱᐅᓪ ᐃᒡᓗᒐᓴᖏᓐᓂᒃ ᑍᔭᐅᔪᖅ ᐱᖃᓯᐅᑎᕚ, ᐳᕐᑐᓯᒋᐊᕐᐹᓗ ᐳᕐᑐᔪᕐᔪᐊᓐᖑᕐᓗᒍ; ᖃᐅᔨᓴᕐᑏᓪᓗ ᐅᓇᑕᕐᑏᑦ ᐊᖓᔪᖅᑳᖏᑦ ᐃᓂᑖᕐᑎᑉᐰᑦ ᔫᑕᐅᑉ ᐃᒡᓗᒐᓴᖏᓐᓂ ᐊᕙᓗᓕᐅᕐᓯᒪᔪᓂ.

ᓂᕼᐃᒤᐊᐅᑉ ᐊᒡᓚᖏᑦ 3:26

ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓄᑦ, ᓇᐸᔪᕐᔪᐊᒧᑦ ᑐᒃᓯᐊᕐᕕᒃᔪᐊᑉ ᓴᐴᓗᑕᖓᓄᑦ ᑎᑭᓪᓗᒍ. (ᑖᓐᓇ ᐃᒡᓗᒐᓴᐅᑉ ᐃᓗᐊᓂ ᑍᔭᐅᔪᖅ ᐅᐱᐅᓪᒥᒃ, ᑖᒃᑯᐊ ᑐᒃᓯᐊᕐᕕᒡᔪᐊᒥ ᓴᓇᔩᑦ ᐊᖏᕐᕋᖓᓂ.)

ᐃᓐᖏᕈᑎᑦ 104:11

ᐃᒥᕐᑎᑦᓯᖁᓪᓗᒋᑦ ᐆᒪᔪᓕᒫᓂᒃ ᓇᑎᕐᓇᒦᑦᑐᓂᒃ; ᓯᐅᑎᖅᑯᕐᑐᔪᑦ ᓄᔪᐊᕐᑐᑦ ᐃᒻᒥᖕᓂᒃ ᐃᒥᕈᐃᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 22:2

ᓂᐱᖅᑯᕐᑐᔪᐊᓘᓕᕋᑦᓯ, ᐅᐃᒪᔮᕐᑐᑦ ᐃᒡᓗᒐᓴᒡᔪᐊᕐᒥᐅᑦ ᓂᐱᖏᑎᑐᑦ, ᖁᕕᐊᓱᕕᒡᔪᐊᕐᑐᑎᑐᑦ ᓄᓇᓕᒡᔪᐊᒥ, ᑐᖁᑕᐅᓯᒪᔪᑦ ᐃᓕᑦᓯᓐᓂᑦ ᓴᕕᒡᔪᐊᒧᑦ ᑐᖁᕋᕐᑕᐅᓐᖏᓚᑦ ᐅᓇᑕᕐᓂᕐᒧᓪᓘᓐᓃᑦ ᑐᖁᕋᕐᑕᐅᓐᓂᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 24:10

ᐃᒡᓗᒐᓴᒡᔪᐊᕐᒥᐅᓂ ᐃᓄᖏᑦ ᑐᑮᕈᑎᓕᕐᐳᑦ, ᐃᓄᐃᑦ ᐃᒡᓗᒥᖕᓂ ᑮᒍᑎᓯᒪᕙᓕᕐᐳᑦ ᓴᐳᑎᓯᒪᓇᓱᒃᓗᑎᒃ ᐃᒻᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 24:12

ᐃᒡᓗᒐᓴᒡᔪᐊᕕᓂᐅᒐᓗᐊᑦ ᓯᖁᒻᒪᑰᓕᕐᐳᑦ, ᐃᑎᕐᑕᕐᕕᒡᔪᐊᖏᑕ ᐅᒃᑯᐊᕐᔪᐊᖏᑦ ᓯᖁᑦᑎᕐᓯᒪᓕᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 25:2

ᐃᒡᓗᒐᓴᒡᔪᐊᑦ ᓱᓇᐅᔪᓐᓃᕐᑎᖃᑦᑕᕐᓯᒪᒐᕕᒋᑦ, ᐊᕙᓗᕐᔪᐊᓕᐅᕐᓯᒪᔫᒐᓗᐊᓪᓗ ᐊᓯᕈᕐᑕᐅᑎᖃᑦᑕᕐᓯᒪᓪᓗᒋᑦ, ᐊᑭᕅᑦ ᐊᖓᔪᖅᑳᕐᔪᐊᒥᖕᓄᑦ ᐃᒡᓗᕐᔪᐊᓕᐊᕆᓚᐅᕐᑕᖏᑦ ᓇᑉᐸᒃᑲᓐᓂᕐᓂᐊᕈᓐᓃᕐᑐᒥᒃ ᐅᕐᕉᕋᕐᑎᓯᒪᕙᑎᑦ.

ᐂᓮᐊᓯᐅᑉ ᐊᒡᓚᖏᑦ 27:10

ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:9

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᓵᑎᓪᓗᖓ ᐅᖃᓚᐅᕐᐳᖅ: “ᐃᓛᒃ, ᐃᒡᓗᐃᑦ ᐅᓄᕐᑐᑦ ᕿᒪᒃᑕᐅᔪᒫᕐᐳᑦ, ᐊᖏᔪᑦ ᑕᑯᒥᓇᕐᑐᓪᓗ ᐃᒡᓗᐃᑦ, ᐃᓄᖃᕈᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 14:6

ᓯᐅᑎᖅᑯᕐᑐᔪᑦ ᓄᔪᐊᕐᑐᑦ ᖃᖅᑲᓂ ᓂᑯᕕᖓᕗᑦ, ᐊᒪᕉᔮᕐᑐᑎᑐᓪᓗ ᑲᑦᔭᑎᑐᑦ ᐊᕐᖓᔪᖅᑭᑉᐳᑦ ᐅᖃᖏᑦ ᓄᐃᑕᓪᓗᑎᒃ ᑕᐅᑐᑦᓯᐊᕈᓐᓃᕐᓗᑎᒡᓗ ᓂᕿᒃᓴᖃᖏᓐᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 33:4

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᔫᑕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᒡᓗᖏᑦ ᐱᓪᓗᒋᑦ ᑖᒃᑯᐊ ᓯᖁᑦᑎᕐᑕᐅᔪᒫᕐᐳᑦ ᐅᓇᑕᕐᑐᓄᑦ ᑎᑭᑕᐅᒃᐸᑕ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 6:5

ᐅᓐᓄᐊᖔᒃᑯᑦ ᐅᓇᑕᕆᐊᕐᕕᒋᓂᐊᕐᐸᕗᑦ, ᐊᕙᓗᕐᔪᐊᖏᓪᓗ ᓱᕋᒃᑎᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 2:7

ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 21:20

“ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”