ᐂᓮᐊᓯᐅᑉ ᐊᒡᓚᖏᑦ 32:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 32:13 Iomraidhean Croise

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 22:2

ᓂᐱᖅᑯᕐᑐᔪᐊᓘᓕᕋᑦᓯ, ᐅᐃᒪᔮᕐᑐᑦ ᐃᒡᓗᒐᓴᒡᔪᐊᕐᒥᐅᑦ ᓂᐱᖏᑎᑐᑦ, ᖁᕕᐊᓱᕕᒡᔪᐊᕐᑐᑎᑐᑦ ᓄᓇᓕᒡᔪᐊᒥ, ᑐᖁᑕᐅᓯᒪᔪᑦ ᐃᓕᑦᓯᓐᓂᑦ ᓴᕕᒡᔪᐊᒧᑦ ᑐᖁᕋᕐᑕᐅᓐᖏᓚᑦ ᐅᓇᑕᕐᓂᕐᒧᓪᓘᓐᓃᑦ ᑐᖁᕋᕐᑕᐅᓐᓂᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 23:7

ᑖᒃᑯᐊᖑᕚᑦ ᐃᒡᓗᒐᓴᒡᔪᐊᕐᒥᐅᑦ ᖁᕕᐊᓱᒃᐸᓚᐅᕐᑐᑦ ᑍᑦᓱᒪᓂᐊᓗᖕᓂᑦ ᐃᒡᓗᒐᓴᒡᔪᐊᖑᓕᕐᑐᑦ? ᑖᒃᑯᐊ ᑕᕝᕙ ᐃᓄᖁᑎᒥᖕᓂᒃ ᐊᐅᓪᓚᕐᑎᑦᓯᕙᓚᐅᕐᑐᑦ ᓄᓇᓕᖁᑎᑖᕆᐊᕐᑐᕐᓗᑏᒃ?

ᐂᓮᐊᓯᐅᑉ ᐊᒡᓚᖏᑦ 23:9

ᐊᑕᓂᐅᑉ ᐊᔪᒐᖄᖏᑦᑑᑉ ᑕᒪᓐᓇ ᐃᓱᒪᓕᐊᕆᓚᐅᕐᐹ, ᐱᔪᓐᓇᕋᓱᒋᓗᐊᕐᓂᖏᑦ ᓇᕐᕈᓇᕐᓯᖁᓪᓗᒋᑦ, ᐃᓄᖏᑕᓗ ᐅᐱᒋᔭᐅᓗᐊᕐᓂᖏᑦ ᑕᒪᕐᒥᒃ ᓇᓗᖅᑯᑎᑦᔪᑎᒃᓴᓐᖑᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:11

ᐊᖅᑯᑎᓂ ᕾᒐᓛᕐᑐᑦ ᑐᓴᕐᓴᐅᕗᑦ ᕔᓂᒥᒃ ᐃᒥᒐᒃᓴᒥᒃ ᐊᔪᕐᓇᕐᓯᖕᒪᑦ, ᖁᕕᐊᓇᕐᑐᖃᓚᐅᕐᓯᒪᑦᔮᖏᑦᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒥ ᖁᕕᐊᓇᕐᑐᖃᕈᓐᓃᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 27:10

ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 34:13

ᐅᕐᐱᒊᑦ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ ᐊᖓᔪᖅᑳᕐᔪᐊᒃᑯᕕᕕᓂᕐᓂ, ᐃᒡᓗᖃᕐᕕᕕᓂᖏᓐᓂ ᐱᕈᕐᑐᑦ ᐅᖏᓚᖕᓇᕐᑐᑦ ᑲᑭᓪᓚᕐᓇᕐᑐᓪᓗ ᐱᕈᕈᒫᕐᐳᑦ. ᐃᒡᓗᒐᓮᓪᓗ ᐆᒪᔪᓄᑦ ᕿᒻᒥᐅᔮᕐᑐᓄᑦ ᔮᑯᓄᑦ, ᐋᔅᑐᕆᑦᓯᓄᓪᓗ ᑎᖏᔪᓐᓇᖏᑦᑐᓄᑦ ᓇᔪᒐᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:10

ᐱᕈᕐᓰᕖᑦ ᕔᓂᒃᓴᕐᑕᓖᑦ ᐊᖏᓂᖃᕐᑐᑦ ᐃᒡᓗᓕᐅᕐᕕᐅᔪᓐᓇᕐᑐᒧᑦ 40ᓂᒃ ᕔᓂᑖᕐᕕᐅᔪᒫᕐᐳᖅ ᖃᓪᓗᑎᓂᒃ ᑕᓪᓕᒪᓂᒃ, ᐱᕈᕐᓯᐊᒃᓮᓪᓗ ᑲᓐᖓᕐᓲᑎᒃᓴᖏᑦ ᖃᑦᑕᐅᔧᑦ 10 ᐱᕈᕐᑎᑦᓯᔪᒫᕐᐳᑦ ᖃᑦᑕᒧᑦ ᐊᑕᐅᓯᕐᒧᑦ ᓈᒻᒪᒃᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 55:13

ᐅᕐᐲᑦ ᑲᑭᓐᓇᕐᑐᓖᑦ ᐃᓇᖏᕐᑕᐅᔪᕐᒫᕐᐳᑦ ᓇᐹᕐᑐᓪᓚᕆᖕᓂᒃ ᐱᕈᕐᑐᓕᖕᓂᒃ; ᐊᕚᓚᕿᐊᑦ ᐃᓇᖏᕐᑕᐅᔪᒫᕐᐳᑦ ᐱᕈᕐᑐᓕᖕᓂᒃ ᓇᐹᕐᑐᑦᓯᐊᓂᒃ ᒨᕐᑐᓂᒃ ᐅᖃᐅᔭᕆᒃᑐᓂᒃ; ᑕᒪᒃᑯᐊ ᐊᑕᓂᐅᑉ ᐃᓕᑕᕆᔭᐅᑦᔪᑎᒃᓴᕆᓪᓗᒋᑦ, ᓇᓗᓁᒃᑯᑕᐅᑎᑦᓱᒫᕐᐰᑦ ᐃᓱᖃᖏᑦᑐᒧᑦ ᓱᕋᒃᑕᐅᔪᓐᓇᖏᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 33:4

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᔫᑕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᒡᓗᖏᑦ ᐱᓪᓗᒋᑦ ᑖᒃᑯᐊ ᓯᖁᑦᑎᕐᑕᐅᔪᒫᕐᐳᑦ ᐅᓇᑕᕐᑐᓄᑦ ᑎᑭᑕᐅᒃᐸᑕ.

ᔨᕆᒤᐊᐅᑉ ᐊᒡᓚᖏᑦ 39:8

ᑲᐅᓪᑎᐊᒥᐅᓪᓗ ᐊᖓᔪᖅᑳᕐᔪᐊᑉ ᐃᒡᓗᖓ ᐃᑯᐊᓪᓚᒃᐹᑦ ᐃᓄᐃᓪᓗ ᐃᒡᓗᖏᑦ, ᔨᕉᓴᓕᐅᓪᓗ ᐊᕙᓗᕐᔪᐊᖏᑦ ᓯᖁᑦᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.