ᐂᓮᐊᓯᐅᑉ ᐊᒡᓚᖏᑦ 32:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᕐᕌᒍ ᐊᓂᒍᕐᓯᒪᓕᕐᐸᑦ ᐅᓪᓗᐃᑦ ᐃᓚᖏᓐᓂ, ᓴᔪᒍᒫᕐᐳᓯ ᐃᓕᑦᓯ ᐊᕐᓁᑦ ᓈᒻᒪᑦᓯᐊᕐᑐᒥ ᐃᓂᖃᕐᑐᓯ; ᖁᐊᕐᓵᖓᓇᕐᑐᒧᑦ ᑎᑭᑦᓱᒫᕐᐳᓯ, ᐸᐅᕐᖎᑦ ᕔᓂᒃᓮᑦ ᐱᕈᕈᒫᖏᒻᒪᑕ, ᕔᓂᒃᓴᓂᒡᓗ ᑲᑎᕐᓱᐃᕕᒃ ᐱᑕᖃᕈᒫᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 32:10 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 16:10

ᖁᕕᐊᓱᖕᓂᖅ ᐊᓕᐊᓁᒍᓱᖕᓂᕐᓗ ᐲᕐᑕᐅᓯᒪᖕᒪᑎᒃ ᐱᕈᕐᓰᕕᖕᒥᑦ ᐱᕈᑦᓯᐊᕐᕕᐅᕙᓚᐅᕐᑐᒥᑦ; ᐱᕈᕐᓰᕕᖕᓂ ᕔᓂᒃᓴᓕᐅᕐᕕᖕᓂ ᐃᓐᖏᕐᑐᖃᕈᓐᓃᕐᒪᑦ, ᕾᒐᓛᕐᓂᖃᕈᓐᓃᕐᓗᓂᓗ; ᕔᓂᒃᓴᓂᒃ ᐃᑦᑏᔧᔪᖃᕈᓐᓃᕆᕗᖅ ᕔᓂᓕᐅᕐᕕᖕᓂ; ᖁᕕᐊᓱᒡᕙᓗᒃᑐᓂᖅ ᑐᓴᕐᓴᐅᔪᖃᕈᓐᓃᕐᐳᖅ ᕔᓂᓕᐅᕐᕕᖕᓂ.

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 8:13

“ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᔪᐃᓕᐅᑉ ᐊᒡᓚᖏᑦ 1:12

ᕔᓂᒃᓮᑦ ᐸᓂᕐᒪᑕ, ᓇᐹᕐᑐᐃᓪᓗ ᐸᐅᕐᖓᒃᓴᓖᑦ ᑐᖁᓕᖕᒪᑕ; ᓇᐹᕐᑐᐃᑦ ᐱᕈᕐᑐᓖᑦ ᐃᓘᓐᓇᑎᒃ ᑐᖁᓕᖕᒪᑕ, ᐃᓄᐃᑦ ᖁᕕᐊᓱᖕᓂᖏᑦ ᐊᓯᐅᕗᑦ.

ᔪᐃᓕᐅᑉ ᐊᒡᓚᖏᑦ 1:5

ᑐᐸᓕᕆᑦᓯ, ᐃᓕᑦᓯ ᐋᖓᔮᕐᑎᐅᔪᓯ, ᕿᐊᓗᓯᓗ; ᓂᐹᓕᕆᑦᓯ ᐃᓕᑦᓯ ᕔᓂᑐᕐᑎᐅᔪᓯ, ᕔᓂᐅᑉ ᐃᑦᓯᒃᓴᖏᑦ ᓄᑖᑦ ᐊᓯᕈᕐᑕᐅᖕᒪᑕ.

ᔪᐃᓕᐅᑉ ᐊᒡᓚᖏᑦ 1:7

ᕔᓂᓕᐅᕐᕕᕗᑦ ᐊᓯᕈᕐᑕᐅᖕᒪᑕ, ᓇᐹᕐᑐᐃᓪᓗ ᐸᐅᕐᖓᓖᑦ ᐱᒋᓕᖕᓂᒃ ᓂᕆᔭᐅᖕᒪᑕ, ᓇᐹᕐᑐᐃᑉ ᐊᒥᕅᔭᑦᓯᐊᕐᓗᒋᑦ ᐃᒋᑕᐅᕗᑦ; ᐊᕙᓚᖓᔪᖏᓪᓗ ᖃᑯᕐᓯᓪᓗᑎᒃ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᔨᐸᓁᐊᐅᑉ ᐊᒡᓚᖏᑦ 1:13

ᑍᒤᒻᒪᑦ ᐱᖁᑎᖏᑦ ᐊᕐᓵᕐᓂᒐᐅᔪᒫᕐᐳᑦ, ᐃᒡᓗᖏᓪᓗ ᓯᖁᑦᑎᕐᑕᐅᔪᒫᕐᐳᑦ ᓱᓇᐅᔪᓐᓁᕐᓗᑎᒃ. ᐃᒡᓗᓕᐅᕈᒫᕐᐳᑦ ᐃᓂᒋᓂᐊᓐᖏᑕᒥᖕᓂᒃ; ᕔᓂᒃᓴᓕᐅᕈᒫᕐᐳᑦ ᐃᒥᕐᓂᐊᓐᖏᑕᒥᖕᓂᒃ.”