ᐂᓮᐊᓯᐅᑉ ᐊᒡᓚᖏᑦ 31:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᓯᕆᐊᒥᐅᑦ ᐊᓯᕈᕐᑕᐅᔪᒫᕐᐳᑦ ᐅᓇᑕᕐᓂᕐᔪᐊᕐᒧᑦ, ᐃᓄᒃᑎᒍᑦ ᐱᖏᑦᑐᒧᑦ; ᓴᕕᒡᔪᐊᒧᑦ ᐃᓄᖕᒥᑦ ᐱᖏᑦᑐᒧᑦ, ᓄᖑᑕᐅᔪᒫᕐᐳᑦ; ᓴᕕᒡᔪᐊᒥᑦ ᕿᒫᔪᒫᕐᐳᑦ, ᐅᕕᒐᕐᑐᖁᑎᖏᓪᓗ ᐊᒃᓱᕈᕐᑎᑕᐅᓗᑎᒃ ᐱᓇᓱᐊᕐᑎᒋᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 31:8 Iomraidhean Croise

ᒨᓯᓯ ᓯᕗᓪᓖᑦ 49:15

ᑕᑯᓚᐅᕋᒥᐅᒃ ᑕᕾᕐᓯᕐᕕᐅᑉ ᐱᐅᓂᖓ, ᓄᓇᓗ ᓮᓕᓇᕐᓗᓂ; ᑕᕝᕙ ᐅᑯᕗᖅ ᓇᖕᒥᕐᑕᐅᔪᒪᓪᓗᓂ, ᓯᐊᓛᕐᑕᕆᔭᐅᓪᓗᓂᓗ ᐊᒃᓱᕉᑦᔭᐅᓪᓗᓂ ᐱᓇᓱᐊᕐᑎᑕᐅᓕᕐᐳᖅ.

ᑯᕉᓂᑲ ᐂᑉᐸᖏᑦ 32:21

ᐊᑕᓂᕐᓗ ᑎᓕᓯᕗᖅ ᐂᖏᓕᒥᒃ, ᑖᑦᓱᒪ ᑐᖁᑉᐰᑦ ᐊᖑᑎᓕᒫᑦ ᓯᕘᕋᖏᑦᑐᑦ ᐊᖓᔪᖅᑳᖏᓪᓗ, ᐊᖓᔪᖅᑳᐅᔪᓪᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᑕᖕᒫᕐᓯᒪᕕᖓᓃᑦᑐᑦ. ᑍᒤᒻᒪ ᓇᖕᒥᓂᖅ ᓄᓇᒥᓄᑦ ᐅᑎᕐᐳᖅ ᑲᓐᖑᓱᒡᓗᓂ. ᒎᑎᖓᑕᓗ ᑐᒃᓯᐊᕐᕕᖁᑎᖓᓄᐊᕋᒥ, ᓇᖕᒥᓂᖏᑕ ᐃᕐᓂᖏᑕ ᑐᖁᑉᐹᑦ ᓴᕕᒡᔪᐊᒧᑦ ᑕᕝᕙᓂ ᓇᔪᕐᑕᖓᓂ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 10:25

ᐊᑯᓂᐅᖏᑦᑐᖅ ᓂᓐᖓᐅᒪᓂᕋ ᐃᓱᓕᑦᓱᒫᕐᒪᑦ, ᑕᕝᕙ ᓂᓐᖓᐅᒪᓂᕋ ᑐᕌᖔᓕᕈᒫᕐᐳᖅ ᑍᒃᑯᓄᖓ ᐊᓯᕈᕐᑕᐅᓂᒃᓴᖏᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᐂᓮᐊᓯᐅᑉ ᐊᒡᓚᖏᑦ 14:25

ᐊᓯᕆᐊᒥᐅᑦ ᐊᓯᕈᕈᒫᕐᐸᒃᑲ ᓄᓇᖁᑎᓐᓂᑦ; ᖃᖅᑲᖁᑎᓐᓃᑦᑐᑦ ᑐᓪᓕᕋᕈᒫᕐᐸᒃᑲ, ᐃᓄᖁᑎᒃᑲ ᓴᒃᑯᑕᐅᑎᑦᓱᒫᕐᐸᒃᑲ ᐅᖁᒤᒃᓴᕐᑎᑕᐅᓂᖏᓐᓂᓪᓗ ᐲᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 21:15

ᑍᒃᑯᐊ ᕿᒫᓯᒪᖕᒪᑕ ᓴᕕᒡᔪᐊᓂᒃ ᑖᒃᑯᓂᖓ ᑐᖁᑦᓯᓇᓱᐊᕐᑐᓂᒃ, ᐱᑎᒃᓯᓂᓪᓗ ᑖᒃᑯᓄᖓ ᑐᕌᕐᑎᑕᐅᔪᓂᒃ, ᐅᓇᑕᕐᓂᕐᒧᓪᓗ ᑲᑉᐱᐊᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 27:7

ᐃᓴᕆᐊᓕᒥᐅᑦ ᓱᒋᐊᕐᑕᐅᓯᒪᓗᐊᖏᓐᓂᕐᓴᐅᕗᑦ ᐊᑭᕋᕐᒥᒃᑎᑐᑦ, ᐅᓇᑕᕐᑎᖁᑎᖏᓪᓗ ᐅᓄᕐᑐᕌᕐᑕᐅᓯᒪᖏᓐᓂᕐᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 37:7

ᑕᑯᒋᑦ, ᐊᓂᕐᓂᕐᒥᒃ ᐃᓗᒻᒥᕈᒪᕙᕋ, ᑕᒫᓐᖓᑐᐃᓐᓇᖅ ᑐᓴᕐᑕᒥᓂᒃ ᐱᑦᔪᑎᖃᕐᓗᓂ, ᓄᓇᒥᖕᓄᑦ ᐅᑎᕐᓂᐊᕐᒪᑦ; ᓄᓇᖓᓄᓪᓗ ᐅᑎᕐᓯᒪᓕᕐᐹᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᖅ ᓄᓇᒥᓂ.’”

ᐂᓮᐊᓯᐅᑉ ᐊᒡᓚᖏᑦ 66:16

ᐃᑯᒪᒧᑦ ᐱᓂᐊᕐᓂᖃᕈᒫᕐᐳᖅ ᐃᖅᑲᕐᑐᐃᓂᕐᒥᒃ, ᓴᕕᒡᔪᐊᒥᓄᓪᓗ ᐃᓅᔪᓕᒫᓂᒃ ᐱᓇᓱᐊᕐᕕᖃᕈᒫᕐᐳᖅ; ᑐᖁᑕᐅᔪᓪᓗ ᐊᑕᓂᕐᒧᑦ ᐅᓄᕐᑐᐊᓘᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 21:28

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᓯᖃᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐊᒧᓁᑎᒥᐅᓄᑦ, ᐃᓴᕆᐊᓕᒥᐅᓂᒃ ᐊᑭᕋᕐᑐᕐᓂᖏᓐᓄᑦ; ᑖᒃᑯᐊ ᐅᖃᐅᑎᒃᑭᑦ ᓴᕕᒡᔪᐊᖅ, ᓴᕕᒡᔪᐊᖅ ᐊᒧᔭᐅᕗᖅ ᑐᖁᕅᑦᔪᑕᐅᓂᐊᕐᑐᖅ, ᕿᓪᓕᕐᓴᕐᑕᐅᕗᖅ ᑐᖁᕅᑦᔪᑕᐅᖁᓪᓗᒍ ᕿᓪᓛᒡᒋᕐᑕᕐᐳᕐᓗ ᖃᐅᒻᒫᓪᓚᖃᑦᑕᕐᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”