ᐂᓮᐊᓯᐅᑉ ᐊᒡᓚᖏᑦ 31:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 31:4 Iomraidhean Croise

ᑯᕉᓂᑲ ᐂᑉᐸᖏᑦ 20:15

ᐅᖃᕐᐳᕐᓗ, “ᓈᓚᒋᑦᓯ, ᔫᑕᒥᐅᓕᒫᑦ ᔨᕉᓴᓕᒥᐅᓕᒫᓪᓗ, ᐊᖓᔪᖅᑳᕐᔪᐊᕐᓗ ᔨᕼᐆᓴᐸᑦ: ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ, ‘ᑲᑉᐱᐊᓱᖏᓪᓗᓯ, ᓴᐱᖏᓪᓗᓯᓗ ᐃᓄᒋᐊᒃᑐᕐᔪᐊᓂᒃ; ᐃᓕᑦᓯ ᑕᒪᓐᓇ ᐅᓇᑕᕐᓂᕆᖏᓐᓇᑦᓯᐅᒃ, ᒎᑎᐅᓪᓕ.

ᒨᓯᓯ ᐂᑉᐸᖏᑦ 14:14

ᐊᑕᓂᐅᑉ ᐅᓇᑕᖔᕐᓂᐊᕐᒪᒋᑦ ᐊᑭᕋᓯ, ᐃᓕᑦᓯᓕ ᓱᓇᒥᒃ ᐱᓇᓱᐊᕆᐊᖃᓐᖏᓚᓯᓘᓐᓃᑦ.”

ᒨᓯᓯ ᐂᑉᐸᖏᑦ 14:25

ᕿᒧᒃᓯᐅᑎᖏᑕᓗ ᐊᒃᓴᓗᐊᖏᑦ ᐊᔪᕐᓯᑦᑕᕐᑎᓕᕐᐰᑦ ᐃᖏᕐᕋᑦᓯᐊᕈᓐᓃᕈᑎᒋᓪᓗᓂᑦᔪᒃ. ᐄᑦᔨᑉᑎᒥᐅᓪᓗ ᐅᖃᕐᐳᑦ, “ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᐅᑎᓕᕐᐰᑦ ᐅᕙᑦᑎᓐᓂᒃ, ᐊᑏ ᕿᒫᖔᓕᕐᑕ ᑕᒫᓐᖓᑦ.”

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:32

ᐊᑕᓂᐅᑉ ᐱᒋᐊᕐᓯᖃᑦᑕᕐᓂᖏᑦ ᑖᒃᑯᓂᖓ, ᓂᐱᖃᕈᒫᕐᐳᖅ ᓯᕙᓂᕋᐅᑎᓂᒃ ᕼᐊᕐᐱᓂᒡᓗ ᓂᓪᓕᐊᑎᑦᓯᔪᑎᑐᑦ; ᐅᓇᑕᕐᓗᓂ ᑖᒃᑯᓂᖓ ᑕᓕᕐᒥᓄᑦ ᐱᒋᐊᕐᑕᕐᓗᓂ ᐅᓇᑕᕈᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:13

ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 3:8

“ᓛᔭ ᓂᓪᓕᐊᓗᓂ ᐃᕐᓯᓵᕐᐸᑦ! ᑭᓈ ᓯᕘᕋᒐᔭᓐᖏᓛᖅ? “ᐊᑕᓂᖅ ᒎᑎ ᐅᖃᓚᒃᐸᑦ; ᑭᓇ ᐅᖃᐅᓯᖃᕐᑍᓕᔪᓐᓇᕐᐹ?”

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 14:3

ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᐅᓇᑕᕆᐊᕐᑐᕐᓯᒪᔪᑦ ᐅᓇᑕᕐᕕᒋᓕᕈᒫᕐᐰᑦ, ᐅᓇᑕᕐᓂᕐᒥ ᐅᓇᑕᐅᑦᔨᖃᑦᑕᕐᓯᒪᒐᒥ.

ᓴᑲᕅᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 9:15

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐃᓄᖁᑎᓂ ᓴᐳᑎᔪᒫᕐᐰᑦ; ᑖᒃᑯᐊ ᐊᑭᕋᒥᖕᓂᒃ ᓄᖒᑦᓯᓗᑎᒃ ᓵᓚᖃᕈᒫᕐᐳᑦ, ᐅᔭᖅᑲᓄᑦ ᐃᓪᓘᕐᐸᒡᓗᒋᑦ; ᐃᒥᕈᒫᕐᐳᑦ, ᓂᓪᓕᐊᓗᑎᒡᓗ ᐋᖓᔮᕐᑐᑎᑐᑦ, ᑕᑕᑦᓱᒫᕐᐳᑦ ᐅᐊᓴᕐᕕᒃᑎᑐᑦ, ᑯᕕᓗᑎᒡᓗ ᐆᒪᔪᓂᒃ ᑐᓂᕐᕈᓯᕐᕕᐅᑉ ᑎᕆᖅᑯᖏᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 9:8

ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:3

ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ, ᓔᔭᐅᑉ ᓂᓪᓕᐊᓂᖓᑐᑦ; ᓂᓪᓕᕇᕐᒪᑦ, ᑲᓪᓗᐃᑦ 7 ᑐᓴᕐᓴᕉᑎᕗᑦ ᐃᒃᑑᓕᔮᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:5

ᑕᕝᕙ ᐊᖓᔪᖅᑳᑉ ᐃᓚᖓᑦᑕ ᐅᖃᐅᑎᕚᖓ, “ᕿᐊᖏᓪᓗᑎᑦ; ᑕᑯᒋᑦ, ᓔᔭᓐᑕᖃᕐᐳᖅ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑍᕕᑎᐅᑉ ᑭᖑᕚᖓᓂᒃ, ᓵᓚᖃᕐᓯᒪᔪᒥᒃ, ᑖᑦᓱᒪ ᓇᕿᑦᔪᑏᑦ 7 ᐲᕈᓐᓇᕐᐰᑦ ᐊᒡᓔᓪᓗ ᐃᒧᓯᒪᔪᑦ ᐃᓯᕕᓪᓗᒋᑦ.”