ᐂᓮᐊᓯᐅᑉ ᐊᒡᓚᖏᑦ 31:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐄᑦᔨᑉᑎᒥᐅᑦ ᐃᓄᑐᐃᓐᓇᐅᖕᒪᑕ, ᒎᑎᐅᓇᑎᒃ; ᕿᒻᒥᕐᔪᐊᖁᑎᖏᓪᓗ ᐆᒪᔪᑐᐃᓐᓇᐅᕗᑦ ᐊᓂᕐᓂᐅᓇᑎᒃ, ᐊᑕᓂᕐᓕ ᐱᔪᓐᓇᕐᓂᕐᒥᓄᑦ ᐱᒋᐊᕐᐸᑦ ᐃᑲᔪᕐᑐᕋᓱᐊᕐᑐᑦ ᐅᕐᕈᓂᐊᕐᐳᑦ, ᐃᑲᔪᕐᑕᐅᓇᓱᐊᕐᑐᓪᓗ ᐅᕐᕈᓂᐊᕆᕗᑦ; ᑕᒪᕐᒥᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 31:3 Iomraidhean Croise

ᑯᕉᓂᑲ ᐂᑉᐸᖏᑦ 32:8

ᐱᔪᓐᓇᐅᑎᖃᕐᒪᑦ ᑎᒥᒃᑯᑦ ᐅᓇᑕᕐᑎᓂᒃ; ᐅᕙᒍᓪᓕ ᐱᔪᓐᓇᐅᑎᖃᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᐃᑲᔪᕐᓂᐊᕐᑐᖅ ᐅᓇᑕᐅᑦᔨᓗᓂᓗ ᐅᕙᑦᑎᓐᓂᒃ.” ᐃᓄᐃᓪᓗ ᓴᐱᕈᓐᓃᕐᑎᑕᐅᕗᑦ ᕼᐃᓯᑬᐊᐅᑉ ᔫᑕᒥ ᐊᖓᔪᖅᑳᕐᔪᐊᑉ ᐅᖃᐅᓯᖏᓐᓄᑦ.

ᐃᓐᖏᕈᑎᑦ 118:8

ᐱᐅᓂᕐᓴᐅᕗᖅ ᐊᑕᓂᖅ ᑕᑎᒋᓗᒍ ᐃᓄᖕᒥᒃ ᐃᑲᔪᕐᑎᖃᕋᓱᖕᓂᕐᒥᑦ.

ᐃᓐᖏᕈᑎᑦ 33:17

ᕿᒧᒃᓯᐅᑎ ᓴᐳᑎᔭᐅᑦᔪᑎᒋᓇᓱᐊᕐᓗᒍ ᓱᕙᓕᑭᐊᖑᕗᖅ; ᓴᐳᑦᔨᓂᐊᓐᖏᓚᕐᓗ ᑭᓇᒥᒡᓘᓐᓃᑦ ᓴᓐᖏᔪᕐᔪᐊᖑᓂᕐᒥᓄᑦ.

ᐃᓐᖏᕈᑎᑦ 9:20

ᐆ, ᐊᑕᓃᖅ, ᓯᕘᕋᓂᕐᒦᑎᓚᐅᒃᑭᑦ, ᐃᓅᖃᑎᒌᒡᔪᐊᑦ ᐃᓄᑐᐃᓐᓇᐅᓂᕐᒥᖕᓂᒃ ᖃᐅᔨᒪᖁᓪᓗᒋᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᐂᓮᐊᓯᐅᑉ ᐊᒡᓚᖏᑦ 20:4

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᒍᔭᓂ ᐊᐅᓪᓚᕈᑎᔪᒫᕐᐰᑦ ᓄᓇᓕᖕᓂᑦ ᐃᑎᐅᐱᐊᒥᐅᓂᑦ ᒪᕐᕈᐃᖑᑎᓪᓗᒋᑦ ᐃᓐᓁᓪᓗ ᓄᑕᖅᑲᓪᓗ ᐱᓱᒍᒫᕐᐳᑦ ᐃᑎᒐᒍᑎᖃᖏᓪᓗᑎᒃ ᐊᓐᓄᕌᖃᖏᓪᓗᑎᒡᓗ ᐅᒃᐸᑎᖏᑦ ᓴᖅᑭᔮᕈᒫᕐᐳᑦ ᑲᓐᖑᓲᑎᒃᓴᐅᔪᒫᕐᐳᕐᓗ ᑕᒪᓐᓇ ᐄᑦᔨᑉᑎᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 20:6

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᐱᓕᔅᑎᐊᑉ ᓄᓇᖓᑕ ᓯᒡᔭᒥᐅᖁᑎᖏᑦ ᐅᖃᕈᒫᕐᐳᑦ, ᑕᑯᒋᑦ ᓴᐳᑦᔨᔨᒋᓂᐊᕋᓱᒋᓚᐅᕐᑕᕗᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ ᖃᓄᕐᓕ ᐃᓅᔪᒫᓕᕐᐱᑕ?”

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 30:5

ᐃᓘᓐᓇᑎᒃ ᑲᓐᖑᓇᕐᑐᒧᑦ ᑎᑭᑉᐳᑦ ᐃᓄᐃᑦ ᐃᑲᔪᕈᓐᓇᖏᑦᑐᑦ ᐊᖅᑯᑎᒋᓪᓗᒋᑦ, ᐃᑲᔪᕈᓐᓇᖏᒻᒪᑕ ᐱᕙᓪᓕᕐᑎᑦᓯᔪᓐᓇᕋᑎᒡᓗ, ᑲᓐᖑᓇᕐᓯᑎᑦᓯᑐᐃᓐᓇᕐᐳᑦ ᓇᕐᕈᓇᕐᓯᑎᑦᓯᓪᓗᑎᒡᓗ.”

ᐂᓮᐊᓯᐅᑉ ᐊᒡᓚᖏᑦ 30:7

ᐄᑦᔨᑉᑎᒥᐅᑦ ᐃᑲᔪᕈᓐᓇᕐᓂᖓᑦ ᐊᑐᕐᓇᕐᓂᖃᖏᒻᒪᑦ, ᑍᒤᒻᒪᑦ ᐄᑦᔨᑉᑎᒥᐅᑦ ᑍᒎᓯᕐᑖᕐᑎᓯᒪᕙᒃᑲ, “ᕋᕼᐊᑉ-ᕼᐃᒻ-ᓯᐱᑎᒥᒃ ᐃᒃᓯᕙᑐᐃᓐᓇᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 36:6

ᑕᑯᒋᑦ, ᐄᑦᔨᑉᑎᒥᐅᓄᑦ ᐃᑲᔪᕐᑕᐅᓂᐊᕋᓱᒋᒐᓗᐊᕐᑐᑎᑦ, ᑍᓐᓇᓕ ᕿᔪᒃ ᓱᓪᓗᓕᒃ ᐊᔭᐅᑉᐱᐊᖅ ᓇᕕᒃᓯᒪᕗᖅ, ᐊᒡᒐᖕᒥᒃ ᐳᑐᓯᒐᔭᕐᑐᖅ ᐄᒐᕐᕕᐅᒍᓂ. ᐰᕉ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦ ᑍᒤᑦᑑᖕᒪᑦ ᐃᑲᔪᕐᑎᒋᔭᐅᔪᒪᓕᕌᖓᒥ.

ᐂᓮᐊᓯᐅᑉ ᐊᒡᓚᖏᑦ 36:9

ᖃᓄᖅ ᓇᓪᓕᐅᒻᒪᑎᔪᓐᓇᕐᐱᓰ ᐊᓯᕆᐊᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᐊᔪᕐᓂᕐᐹᕋᓗᐊᖏᓐᓄᑦ, ᑕᑎᖃᕋᓱᒃᑲᓗᐊᕈᑦᓯ ᐄᑦᔨᑉᑎᒥᐅᑦ ᕿᒻᒥᕐᔪᐊᖏᑕ ᐊᒃᓴᓗᐊᓕᖁᑎᖏᓐᓂᒃ ᕿᒻᒥᕐᔪᐊᖏᓐᓂᓗ ᐃᑭᒪᔪᓂᒃ?

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 28:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐊᖓᔪᖅᑳᖓ ᐅᖃᐅᑎᒍᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐆᒻᒪᑎᒃᑯᑦ ᐱᐅᔪᕆᒐᕕᑦ, ᐅᖃᓚᐅᕐᐳᑎᑦ, ‘ᒎᑎᐅᕗᖓ, ᒎᑏᑦ ᐃᒃᓯᕙᐅᑕᖏᓐᓂ ᐃᒃᓯᕚᕐᓗᖓ, ᐃᒪᕕᖕᓂᒃ ᐊᕙᑎᒥᐅᑕᖃᕐᑐᒥᒃ,’ ᐃᓄᑐᐃᓐᓇᐅᕗᑎᓪᓕ, ᒎᑎᐅᓇᑎᑦ, ᐃᓕᖕᓂᒃ ᒎᑎᑐᑦ ᓯᓚᑐᓇᓱᒋᒐᓗᐊᕐᐳᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᐂᒨᓯᐅᑉ ᐊᒡᓚᖏᑦ 2:15

ᐱᓯᒃᓯᓕᔭᕐᑐᓪᓗ ᓴᐳᑦᔨᓯᒪᔪᓐᓇᕐᓂᐊᓐᖏᓚᑦ, ᐅᕿᓚᔪᓪᓗ ᐊᓐᓇᒍᓐᓇᕐᓂᐊᓐᖏᓚᑦ, ᕿᒻᒥᕐᔪᐊᒦᑦᑐᓪᓗ ᕿᒫᔪᓐᓇᕐᓂᐊᕋᑎᒃ.

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”