ᐂᓮᐊᓯᐅᑉ ᐊᒡᓚᖏᑦ 31:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 31:1 Iomraidhean Croise

ᒨᓯᓯ ᓯᕗᓪᓖᑦ 47:17

ᑕᕝᕙ ᐃᒻᒧᒃᓯᐅᒐᖁᑎᒥᖕᓂᒃ ᔫᓯᐱᒧᐊᕈᑦᔨᕗᑦ; ᔫᓯᐱᐅᓪᓗ ᓂᕿᒃᓴᓂᒃ ᑐᓂᓯᕕᒋᕔᑦ ᑕᐅᕐᓯᐅᑎᓪᓗᒋᑦ ᕿᒻᒥᕐᔪᐊᓄᑦ, ᐆᒪᔪᖁᑎᓄᓪᓗ ᑲᑎᓐᖓᔪᓄᑦ, ᐅᓄᕐᑐᕐᔪᐊᖑᔪᓄᑦ, ᓯᐅᑎᖅᑯᕐᑐᔪᓄᓪᓗ. ᓂᕿᒃᓴᓄᓪᓗ ᑕᒪᒃᑯᐊ ᐆᒪᔪᖁᑎᖏᑦ ᑕᐅᕐᓯᐅᑎᓚᐅᕐᐰᑦ ᑕᒫᓂ ᐊᕐᕌᒍᒥ.

ᑯᕉᓂᑲ ᐂᑉᐸᖏᑦ 16:7

ᑍᑦᓱᒪᓂᐅᑎᓪᓗᒍ ᕼᐊᓇᓁ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᕗᖅ ᐂᓴᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᑕᑎᖃᓚᐅᕋᕕᑦ ᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᐊᑕᓂᕐᒥᒃ ᒎᑎᖕᓂᒃ ᑕᑎᖃᓚᐅᕐᓇᒃ, ᑍᒤᒻᒪᑦ ᓯᕆᐊᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐃᓕᖕᓂᒃ ᕿᒤᕗᑦ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᔫᐱᐅᑉ ᐊᒡᓚᖏᑦ 39:11

ᓴᓐᖏᓂᖓ ᐊᔪᖏᓐᓂᖓᓗ ᑕᑎᒋᓕᕋᔭᕐᐱᐅᒃ? ᐱᓇᓱᐊᒐᒃᓴᑎᓪᓗ ᑖᑦᓱᒧᖓ ᐱᓇᓱᐊᕐᑕᐅᑎᓕᕋᔭᕐᐱᒋᑦ?

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 10:17

ᐃᓴᕆᐊᓕᒥᐅᑦ ᖃᐅᒪᓂᖓ ᐃᑯᒪᓐᖑᕈᒫᕐᐳᖅ, ᐃᑦᔪᕐᓁᑦᑐᖁᑎᖓᓗ ᐃᑯᐊᓚᔪᒫᕐᓗᓂ; ᐃᑯᐊᓪᓔᓗᓂ ᓄᖒᑦᓯᓗᓂᓗ. ᑲᑭᓪᓚᕐᓇᕐᑐᖁᑎᒥᓂᒃ ᐅᕐᐱᒐᖁᑎᒥᓂᒡᓗ ᐅᓪᓗᒥ ᐊᑕᐅᓯᕐᒥ.

ᐂᓮᐊᓯᐅᑉ ᐊᒡᓚᖏᑦ 2:7

ᓄᓇᖓᑦ ᑕᑕᑉᐳᖅ ᓯᐅᓪᕕᕆᓂᒃ ᒎᓗᓂᒡᓗ, ᐊᔪᕐᓴᖏᑦᔪᑎᒃᓴᖏᓪᓗ ᐊᒥᒐᖏᑦᑐᕐᔪᐊᖑᓪᓗᑎᒃ; ᓄᓇᖓᓪᓗ ᑕᑕᑉᐳᖅ ᕿᒻᒥᕐᔪᐊᓂᒃ, ᐊᖓᔪᖅᑳᕐᓯᐅᑎᓪᓗ ᐊᒃᓴᓗᐊᓖᑦ ᐊᒥᒐᖏᑦᑐᕐᔪᐊᖑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 20:5

ᐃᑎᐅᐱᐊᒥᐅᓂᒃ ᑕᑎᒃᓴᕐᐸᓚᐅᕐᑐᑦ ᐄᑦᔨᑉᑎᒥᐅᓂᒡᓗ ᐱᐅᓯᑎᑦᓯᓯᒪᓗᐊᕐᐸᓚᐅᕐᑐᑦ ᓯᕘᕋᓕᕈᒫᕐᐳᑦ ᓂᕆᐅᒋᔭᒃᓮᕈᑎᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 22:11

ᐃᒥᕐᑕᕐᕕᒡᔪᐊᓕᐅᕐᐳᓯ ᐊᕙᓗᕐᔪᐊᑉ ᐃᑭᐊᖓᒍᑦ ᐃᒥᕐᑕᕐᕕᑐᖃᕐᒥᑦ ᐃᒻᒥᕐᐸᓪᓕᐊᔪᓐᓇᖁᓪᓗᒍ, ᐃᓱᒪᖃᓚᐅᓐᖏᓚᓯᓕ ᐱᓇᓱᐊᕐᑎᑦᓯᓚᐅᕐᑐᒥᒃ, ᑕᑯᓴᓚᐅᓐᖏᓚᓯᓘᓐᓃᑦ ᐃᓱᒪᓕᐅᕆᓚᐅᕐᑐᒥᒃ ᓯᕗᓂᑐᖃᖓᓂᑦ ᑍᒤᓕᖓᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 36:6

ᑕᑯᒋᑦ, ᐄᑦᔨᑉᑎᒥᐅᓄᑦ ᐃᑲᔪᕐᑕᐅᓂᐊᕋᓱᒋᒐᓗᐊᕐᑐᑎᑦ, ᑍᓐᓇᓕ ᕿᔪᒃ ᓱᓪᓗᓕᒃ ᐊᔭᐅᑉᐱᐊᖅ ᓇᕕᒃᓯᒪᕗᖅ, ᐊᒡᒐᖕᒥᒃ ᐳᑐᓯᒐᔭᕐᑐᖅ ᐄᒐᕐᕕᐅᒍᓂ. ᐰᕉ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦ ᑍᒤᑦᑑᖕᒪᑦ ᐃᑲᔪᕐᑎᒋᔭᐅᔪᒪᓕᕌᖓᒥ.

ᐂᓮᐊᓯᐅᑉ ᐊᒡᓚᖏᑦ 36:9

ᖃᓄᖅ ᓇᓪᓕᐅᒻᒪᑎᔪᓐᓇᕐᐱᓰ ᐊᓯᕆᐊᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᐊᔪᕐᓂᕐᐹᕋᓗᐊᖏᓐᓄᑦ, ᑕᑎᖃᕋᓱᒃᑲᓗᐊᕈᑦᓯ ᐄᑦᔨᑉᑎᒥᐅᑦ ᕿᒻᒥᕐᔪᐊᖏᑕ ᐊᒃᓴᓗᐊᓕᖁᑎᖏᓐᓂᒃ ᕿᒻᒥᕐᔪᐊᖏᓐᓂᓗ ᐃᑭᒪᔪᓂᒃ?

ᐂᓮᐊᓯᐅᑉ ᐊᒡᓚᖏᑦ 43:15

ᐅᕙᖓᐅᕗᖅ ᐊᑕᓂᖅ, ᐃᑦᔪᕐᓁᑦᑐᖁᑎᓯ, ᐃᓴᕆᐊᓕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᐊᖓᔪᖅᑳᕐᔪᐊᓯ.”

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 57:9

ᐂᓚᐅᕐᐳᓯ ᒧᓕᑭᒧᑦ ᐅᕐᓱᒥᒃ ᓇᒃᓴᕐᓗᓯ ᑎᐱᑦᓯᐊᕆᒃᓴᐅᑎᓯ ᐅᓄᕐᓯᑎᓪᓗᒋᑦ; ᐊᐅᓪᓚᕐᑎᑦᓯᓚᐅᕐᐳᓯ ᐃᓚᑦᓯᓐᓂᒃ, ᐅᖓᓯᑦᑐᒥᐅᓄᑦ, ᐊᒡᓛᑦ ᑐᖁᓯᒪᔪᑦ ᐃᓂᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:12

ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 37:7

“ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᕙᓐᓄᑦ ᑐᒃᓯᐊᕐᕕᖃᖁᔨᓚᐅᕐᑐᖅ ᐅᖃᐅᑎᒍᒃ, ‘ᑕᑯᒋᑦ, ᐰᕉᑉ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᑎᒃ ᐄᑦᔨᑉᑎᒥᑦ ᐊᐅᓪᓚᕐᑑᒐᓗᐊᑦ, ᓄᓇᒥᖕᓄᑦ ᐄᑦᔨᑉᑎᒧᑦ ᐅᑎᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 42:14

ᐅᖃᓕᕐᓗᓯᓗ, ‘ᐋᒃᑲᓕ ᐄᑦᔨᑉᑎᒥ ᓄᓇᖃᕆᐊᕐᑐᖔᕐᓂᐊᕐᐳᒍᑦ, ᐅᓇᑕᕐᑐᓂᒃ ᑕᑯᕙᖕᓂᐊᕈᓐᓃᕋᑦᑕ, ᐅᓇᑕᕆᐊᓕᕐᑐᓪᓗ ᑎᑦᑐᓚᐅᑎᖏᓐᓂᒃ ᑐᓵᕙᒍᓐᓃᕐᓗᑕ, ᑳᒃᐸᒍᓐᓃᕐᓗᑕᓗ ᑍᑲᓂ ᓄᓇᖃᕐᓂᐊᕐᐳᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 17:15

ᑖᓐᓇᓕ ᐊᖓᔪᖅᑳᕐᔪᐊᖅ ᑖᑦᓱᒥᖓ ᐊᑭᕋᕐᑐᓕᕋᒥ ᐄᑦᔨᑉᑎᒥᐅᓄᑦ ᑎᓕᓯᓚᐅᕐᐳᖅ ᐅᖃᕐᑎᒋᓂᐊᕐᑕᒥᓂᒃ, ᑐᓂᓯᕕᐅᔪᒪᓪᓗᓂ ᕿᒻᒥᕐᔪᐊᓂᒃ ᐅᓇᑕᕐᑎᒐᓴᒡᔪᐊᓂᒡᓗ. ᓵᓚᖃᕈᓐᓇᕐᐹ? ᑍᒤᓕᐅᕐᑐᖅ ᐊᓐᓇᒍᓐᓇᕐᐹ? ᐊᖏᖃᑎᒌᒍᑎᓕᐊᕆᓚᐅᕐᑕᒥᓂᒃ ᓯᖁᑦᑎᕆᓯᒪᔪᖅ ᐊᓐᓇᒍᓐᓇᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 29:16

ᐄᑦᔨᑉᑎᒥᐅᓪᓗ ᑕᑎᒋᔭᐅᓇᓱᐊᒃᑲᓐᓂᕈᒫᓐᖏᓚᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐄᑦᔨᑉᑎᒥᐅᓂᒃ ᑕᑎᒃᓴᕋᓱᐊᕐᐸᒡᓗᑎᒃ ᑕᒻᒪᓚᐅᕐᓯᒪᓂᕕᓂᕐᒥᖕᓂᒃ ᑐᑭᓯᔪᒫᕐᒪᑕ. ᑕᕝᕙ ᑐᑭᓯᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.”

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᕼᐆᓯᐊᑉ ᐊᒡᓚᖏᑦ 11:5

ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ.

ᕼᐆᓯᐊᑉ ᐊᒡᓚᖏᑦ 11:9

ᓂᓐᖓᐅᒪᓂᕐᒪ ᓂᑲᒍᓱᖏᓐᓂᖓ ᑲᔪᓯᑎᓐᓂᐊᓐᖏᓚᕋ, ᐃᕗᕅᒥᓗ ᐊᓯᕈᒃᑲᓐᓂᕐᓂᐊᕈᓁᕐᐸᕋ, ᒎᑎᐅᒐᒪ ᐃᓄᑐᐃᓐᓇᐅᓇᖓᓗ, ᐃᑦᔪᕐᓁᑦᑐᑐᐊᖅ ᐊᑯᓐᓇᑦᓯᓐᓂ, ᕾᓂᐊᓐᖏᓚᖓ ᐊᓯᕈᐃᔭᕐᑐᕐᖓ.

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᕼᐆᓯᐊᑉ ᐊᒡᓚᖏᑦ 7:7

“ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᕼᐊᐸᑲᐅᑉ ᐊᒡᓚᖏᑦ 3:3

ᒎᑎ ᑎᑭᑉᐳᖅ ᑏᒪᓂᒥᑦ; ᐃᑦᔪᕐᓁᑦᑐᖅ ᐸᕌᓂᐅᑉ ᖃᖅᑲᖓᓂᑦ. ᑖᑦᓱᒪ ᓂᕐᑐᕐᓇᕐᓂᖓᑕ ᕿᓚᒃ ᐅᓕᒃᓯᒪᕚ, ᓄᓇᕐᔪᐊᓕᒫᕐᓗ ᑕᑕᑉᐳᖅ ᑖᑦᓱᒥᖓ ᓂᕐᑐᐃᓂᕐᒥᒃ. ᓰᓚ

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.