ᐂᓮᐊᓯᐅᑉ ᐊᒡᓚᖏᑦ 30:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 30:6 Iomraidhean Croise

ᒨᓯᓯ ᓯᕗᓪᓖᑦ 12:9

ᐂᑉᕋᒻᓗ ᑕᕝᕙᓐᖓᑦ ᐊᐅᓪᓚᕐᐳᖅ, ᓱᓕ ᓇᔪᕐᑕᖓᑕ ᓯᕿᓂᖓᑕ ᓇᓛᓄᑦ ᓂᒋᑉᒧᑦ.

ᐊᑕᓃᑦ ᓯᕗᓪᓖᑦ 10:2

ᔨᕉᓴᓕᒧᐊᕐᐳᖅ ᐃᓚᖃᕐᓗᓂ ᐅᓄᕐᑐᓂᒃ, ᑳᒥᓖᓪᓗ ᓇᖕᒪᒃᑎᓪᓗᓂᒋᑦ ᓂᕿᒧᑦ ᒪᒪᕐᓴᐅᑎᓂᒃ ᑕᑯᒥᓇᕐᓴᐅᑎᓂᒡᓗ ᒎᓗᓂᒡᓗ ᐊᖏᔪᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᓲᓗᒨᓂᒥᒃ ᑲᑎᓯᒐᒥ ᐅᖃᓪᓚᒡᕕᒋᕚ ᐃᓱᒪᒋᓯᒪᔭᓕᒫᒥᓂᒃ.

ᑯᕉᓂᑲ ᐂᑉᐸᖏᑦ 16:2

ᑕᕝᕙ ᐂᓴ ᓯᐅᓪᕕᕆᓂᒃ ᒎᓗᓂᒡᓗ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓂᑦ ᐱᓪᓗᓂ ᐱᖁᑎᓂᒃ, ᑖᒃᑯᐊ ᓇᒃᓯᐅᑎᕔᑦ ᐱᓐ-ᕼᐊᑖᑦᒧᑦ ᓯᕆᐊᑉ ᐊᖓᔪᖅᑳᕐᔪᐊᖓᓄᑦ, ᑕᒫᓯᑰᓯᒦᑦᑐᒧᑦ, ᐅᖃᕐᓗᓂ,

ᑯᕉᓂᑲ ᐂᑉᐸᖏᑦ 9:1

ᓰᐸᒥᐅᑦ ᐊᖓᔪᖅᑳᕐᔪᐊᖓ ᑯᐃᓐ ᑐᓴᕋᒥ ᓲᓗᒨᓂᐅᑉ ᐅᓂᒃᑲᐅᓯᐅᑦᓯᐊᕐᓂᖓᓂᒃ, ᔨᕉᓴᓕᒧᐊᕐᐳᖅ ᓲᓗᒨᓂᒥᒃ ᐆᒃᑐᕈᒪᓪᓗᓂ ᐊᐱᕐᓱᕐᓗᓂᐅᒃ ᐱᔭᕐᓂᖏᑦᑐᓂᒃ, ᓇᒃᓴᕐᓗᓂ ᐅᓄᕐᑐᓂᒃ ᐆᒪᔪᓂᒃ, ᑳᒥᓕᖕᓂᒃ ᓇᖕᒪᒃᑐᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ, ᒎᓗᓂᒡᓗ ᐊᖏᔪᓂᒃ, ᐅᔭᕋᖕᓂᒡᓗ ᑕᑯᒥᓇᕐᑐᓂᒃ. ᓲᓗᒨᓂᒧᐅᕋᒥᓗ, ᐊᐱᕐᓱᕐᐹ ᐃᓱᒪᒋᔭᓕᒫᒥᓂᒃ.

ᔫᐱᐅᑉ ᐊᒡᓚᖏᑦ 39:11

ᓴᓐᖏᓂᖓ ᐊᔪᖏᓐᓂᖓᓗ ᑕᑎᒋᓕᕋᔭᕐᐱᐅᒃ? ᐱᓇᓱᐊᒐᒃᓴᑎᓪᓗ ᑖᑦᓱᒧᖓ ᐱᓇᓱᐊᕐᑕᐅᑎᓕᕋᔭᕐᐱᒋᑦ?

ᒨᓯᓯ ᐂᑉᐸᖏᑦ 1:14

ᐃᒡᓗᓂᒃ ᓴᓇᑎᓪᓗᓂᑦᔪᒃ ᐱᕈᕐᓰᕕᖕᓂᒡᓗ, ᐊᑦᑕᕆᓚᐅᓐᖏᓔᓪᓗ.

ᐂᓮᐊᓯᐅᑉ ᐊᒡᓚᖏᑦ 14:29

“ᖁᕕᐊᓱᒋᐊᖃᓐᖏᓚᓯ, ᐱᓕᔅᑎᐊᒥᐅᑕᐅᔪᓯ ᐃᓕᑦᓯᓐᓂᒃ ᐊᓇᐅᓕᕈᑕᐅᓚᐅᕐᑐᖅ ᓇᐱᓯᒪᖕᒪᑦ, ᖁᒡᓗᒋᐊᕐᔪᐊᖅ ᑐᖁᒐᓗᐊᕐᐸᑦ ᑭᖑᕚᖃᕈᒫᕐᐳᖅ ᖁᒡᓗᒋᐊᒥᒃ ᑐᖁᓐᓇᕐᑐᓕᖕᒥᒃ, ᓴᖅᑭᑎᑦᓯᓗᓂᓗ ᖁᒡᓗᒋᐊᒥᒃ ᖃᖓᑕᔪᓐᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 15:7

ᑍᒤᒻᒪᑦ ᐊᔪᕐᓴᖏᓐᓂᕐᔪᐊᑦ ᐱᓯᒪᓚᐅᕐᑕᑎᒃ, ᑲᑎᕐᓱᓚᐅᕐᑕᑎᒡᓗ ᐊᐅᓪᓚᕈᑎᕔᑦ ᑰᑉ ᐅᕐᐱᓕᐅᑉ ᐊᑭᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 19:4

ᐄᑦᔨᑉᑎᒥᐅᑦ ᐊᐅᓚᑕᐅᑎᑦᓱᒫᕐᐸᒃᑲ ᐊᖓᔪᖅᑳᕐᔪᐊᕐᒧᑦ ᐊᒃᓱᕈᕐᓇᕐᑐᒦᑎᑦᓯᔪᒧᑦ; ᐊᖓᔪᖅᑳᕐᔪᐊᕐᒧᓪᓗ ᑲᑉᐱᐊᓱᒃᑎᑦᓯᔪᒧᑦ ᐊᖓᔪᖅᑲᐅᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.

ᐂᓮᐊᓯᐅᑉ ᐊᒡᓚᖏᑦ 35:9

ᐊᖅᑯᒻᒥ ᑕᒫᓂ ᓛᔭᑕᖃᕈᒫᓐᖏᓚᖅ, ᐆᒪᔪᓂᒡᓗ ᐃᕐᓯᓇᕐᑐᓂᑦ ᑎᑭᑕᐅᔪᒫᓐᖏᓚᖅ; ᑍᒤᑦᑐᑦ ᑕᒫᓂ ᐱᑕᖃᕈᒫᖏᒻᒪᑕ, ᐱᐅᓕᔭᐅᓯᒪᔪᓪᓕ ᑕᒪᐅᓇ ᐃᖏᕐᕋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:30

ᐃᕐᓯᓵᕐᕕᒋᔪᒫᕐᐰᑦ ᑕᒪᓐᓇ ᓇᓪᓕᐅᑎᒃᐸᑦ, ᐃᒪᕐᔪᐊᑉ ᑕᕆᐅᑉ ᓄᓇᒧᑦ ᓂᐱᕐᔪᐊᖃᕐᓂᖓᑐᑦ. ᓄᓇ ᑕᑯᔭᐅᒐᔭᕐᐸᑦ ᓇᓪᓕᐊᓐᓄᑦ, ᑕᑯᔭᐅᒐᔭᕐᐳᖅ ᑖᕐᑐᐊᓗᒃ ᑲᑉᐱᐊᓇᕐᑐᕐᓗ; ᖃᐅᒪᔪᕐᓗ ᑖᕐᓯᑎᑕᐅᕗᖅ ᓄᕗᔭᓄᑦ.

ᐂᓮᐊᓯᐅᑉ ᐊᒡᓚᖏᑦ 57:9

ᐂᓚᐅᕐᐳᓯ ᒧᓕᑭᒧᑦ ᐅᕐᓱᒥᒃ ᓇᒃᓴᕐᓗᓯ ᑎᐱᑦᓯᐊᕆᒃᓴᐅᑎᓯ ᐅᓄᕐᓯᑎᓪᓗᒋᑦ; ᐊᐅᓪᓚᕐᑎᑦᓯᓚᐅᕐᐳᓯ ᐃᓚᑦᓯᓐᓂᒃ, ᐅᖓᓯᑦᑐᒥᐅᓄᑦ, ᐊᒡᓛᑦ ᑐᖁᓯᒪᔪᑦ ᐃᓂᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 8:22

ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:46

“ᐃᓅᑉ ᐃᕐᓂᖓ ᐅᓪᓗᓗᐊᑉ ᓇᓛᓄᑦ ᓵᓪᓗᑎᑦ, ᐅᓪᓗᓪᓗᐊᑉ ᓇᓛᓃᑦᑐᑦ ᓈᒻᒪᒋᖏᓪᓗᒋᑦ ᐊᔪᕆᕐᑐᒃᑭᑦ, ᓂᒋᑉᒧᓪᓗ ᓇᐹᕐᑐᒐᓴᓕᖕᒧᑦ ᐱᔪᒫᕐᑐᒃᓴᓂᒃ ᐅᖃᓪᓚᒋᑦ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 12:2

ᐊᑕᓂᖅ ᔫᑕᒧᑦ ᐃᖅᑲᕐᑐᐃᑦᔪᑎᒃᓴᖃᕐᐳᖅ, ᔧᑯᓗ ᓱᒋᐊᕐᓂᐊᕐᐹ ᐊᑐᕐᑕᖏᑦ ᒪᓕᒡᓗᒋᑦ, ᐊᑭᓕᕐᓂᐊᕐᐹᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᒤᑲᐅᑉ ᐊᒡᓚᖏᑦ 6:14

ᓂᕆᒐᓗᐊᕈᑦᓯ ᐊᕿᐊᑦᑐᕈᓐᓁᓪᓕᓂᐊᕐᐳᓯ, ᑳᖏᓐᓇᓕᕐᓗᓯ ᐊᕿᐊᕈᓯ ᓂᒪᑐᐃᓐᓇᓕᕐᓗᓂ; ᐱᖁᑎᓪᓗ ᑲᑎᕐᓱᕐᑕᕋᓗᐊᓯ ᐊᓯᐅᔨᕙᓪᓕᐊᓗᒋᑦ, ᐱᐅᓕᐊᕋᓗᐊᓯᓗ ᐊᑭᕋᑦᓯᓐᓄᑦ ᐱᔭᐅᔪᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 6:6

“ᐊᒃᓴᓗᐊᓕᖕᓂᒃ ᕿᕐᓂᕐᑕᓂᒃ ᕿᒻᒥᕐᔪᐊᖃᕐᑐᑦ ᐅᓐᓄᐊᑉ ᓇᓛᓄᑦ ᐊᐅᓪᓚᕐᐳᑦ, ᖃᑯᕐᑕᓂᒃᓗ ᕿᒻᒥᕐᔪᐊᖃᕐᑐᑦ ᓯᕿᓂᐅᑉ ᓂᐱᕕᐊᑕ ᓇᓛᓄᑦ ᐊᐅᓪᓚᕐᐳᑦ, ᐅᑭᓕᕆᐊᓂᒡᓗ ᕿᒻᒥᕐᔪᐊᖃᕐᑐᑦ ᐅᓪᓘᑉ ᓇᓛᓄᑦ ᐊᐅᓪᓚᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒨᓯᓯ ᓯᑕᒪᖏᑦ 21:8

ᑕᕝᕙ ᐊᑕᓂᐅᑉ ᒨᓯᓯ ᐅᖃᐅᑎᕚ, “ᖁᒡᓗᒋᐊᓐᖑᐊᒥᒃ ᓴᓇᓚᐅᕆᑦ, ᓇᐸᔪᒧᓪᓗ ᐃᓕᓗᒍ; ᑍᒃᑯᐊ ᖁᒡᓗᒋᐊᓄᑦ ᑮᔭᐅᔪᑦ, ᑖᑦᓱᒥᖓ ᑕᑯᒍᑎᒃ, ᐃᓅᓂᐊᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 4:20

ᐃᓕᑦᓯᓕ ᑖᑦᓱᒪ ᐄᑦᔨᑉᑎᒥᑦ ᐱᐅᓕᓚᐅᕐᐹᓯ, ᑕᕝᕙᓐᖓᑦ ᐅᖅᑰᓯᓴᐅᑎᐊᓗᒃᑎᑐᑦ ᐃᑯᒪᔪᑎᑐᑦ ᑍᒤᑦᑐᒥᑦ. ᑕᕝᕙᓐᖓᑦ ᐊᓂᑎᓚᐅᕐᐹᓯ ᓇᖕᒥᓂᕆᓗᓂᓯ ᐃᓄᖁᑎᑖᕆᔪᒪᓪᓗᓂᓯ, ᓲᕐᓗ ᐅᓪᓗᒥ ᐃᓄᖁᑎᒋᔭᐅᒐᑦᓯ ᑖᑦᓱᒧᖓ.

ᒨᓯᓯ ᑕᓪᓕᒪᖏᑦ 8:15

ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.