ᐂᓮᐊᓯᐅᑉ ᐊᒡᓚᖏᑦ 30:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:30 Iomraidhean Croise

ᔫᐱᐅᑉ ᐊᒡᓚᖏᑦ 38:22

ᖃᓐᓂᒃᓮᑦ ᐊᐳᑎᑦ ᐃᓂᖏᓐᓄᑦ ᐃᑎᓚᐅᕐᓯᒪᕖᑦ, ᐅᕝᕙᓗ ᓇᑕᖅᑯᕐᓁᑦ ᐃᓂᖏᓐᓂᒃ ᑕᑯᓚᐅᕐᓯᒪᕕᑦ?

ᔫᐱᐅᑉ ᐊᒡᓚᖏᑦ 38:23

ᑕᕝᕙᓃᑎᑉᐸᒃᑲ ᐊᑲᐅᖏᑦᑐᕐᑕᖃᓕᕐᑐᒧᑦ ᖁᒥᐅᑎᒋᓪᓗᒋᑦ, ᐅᓇᑕᕐᓂᐅᑉ ᐅᓇᑕᕐᓂᕐᔪᐊᓪᓗ ᐅᓪᓗᖓᓄᑦ.

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᐃᓐᖏᕈᑎᑦ 2:5

ᑕᕝᕙ ᓂᓐᖓᒃᓯᒪᓂᕐᒥᓂᒃ ᐅᖃᕐᕕᒋᔪᒫᕐᐰᑦ, ᑲᑉᐱᐊᓱᒃᑎᓪᓗᒋᓪᓗ ᖁᕕᐊᓱᖏᓐᓂᕐᔪᐊᒥᓄ ᐅᖃᕐᓗᓂ,

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 98:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᐂᑉᐸᖏᑦ 9:23

ᑕᕝᕙ ᒨᓯᓯᐅᑉ ᐊᔭᐅᑉᐱᐊᖅ ᕿᓚᖕᒧᑦ ᐃᓴᐅᑎᕚ; ᐊᑕᓂᕐᓗ ᖃᐅᒻᒪᓪᓚᖕᒥᒃ ᓇᑕᖅᑯᕐᓇᓂᒡᓗ ᑎᑭᑎᑦᓯᕗᖅ, ᐃᑯᒤᓪᓗ ᓄᓇᒧᑦ ᑲᑕᒐᓕᕐᐳᑦ. ᐊᑕᓂᕐᓗ ᐄᑦᔨᑉᑎᐅᑉ ᓄᓇᖓᓄᑦ ᓇᑕᖅᑯᕐᓇᕐᓂᒃ ᑲᑕᒐᓕᕐᑎᑦᓯᕗᖅ;

ᒨᓯᓯ ᐂᑉᐸᖏᑦ 9:24

ᑕᕝᕙ ᓇᑕᖅᑯᕐᓇᓕᕐᐳᖅ, ᐃᑯᒪᓂᒃ ᐊᑯᓕᖃᕐᑐᑦ ᑲᑕᒐᓕᕐᐳᑦ ᓇᑕᖅᑯᕐᓁᑦ, ᓇᑕᖅᑯᕐᓁᓪᓗ ᐅᖁᒤᑦᑐᕐᔪᐊᖑᕗᑦ, ᑕᒪᑐᒪᓗ ᓯᕗᓂᖓᒍᑦ ᑍᒤᑦᑐᖃᓚᐅᕐᓯᒪᓐᖏᓚᖅ ᓄᓇᒥ ᐄᑦᔨᑉᑎᒥ ᑍᒪᓐᖓᑦ ᐃᓄᖃᓕᓚᐅᕐᓂᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 10:26

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓱᒋᐊᕐᓯᑦᔪᑎᓂ ᐊᑐᓕᕈᒫᕐᐹ ᑖᒃᑯᓄᖓ, ᑐᖁᕅᓚᐅᕐᓂᕐᒥᑐᑦ ᒥᑎᐊᓂᒥᐅᓂᒃ ᕾᕐᓱᒥ ᐅᕆᐱᒥ; ᑖᑦᓱᒪᓗ ᐊᓇᐅᑕᓂ ᐃᒪᐅᑉ ᓇᓛᓄᐊᕐᑎᑦᓱᒫᕐᐹ, ᑭᕕᒡᓗᒍᓗ ᓲᕐᓗ ᐄᑦᔨᑉᑎᒥᐅᓄᑦ ᐱᓇᓱᐊᓚᐅᕐᓂᕐᒥᑐᑦ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 28:2

ᑕᑯᒋᑦ, ᐊᑕᓂᖅ ᓂᕈᐊᕐᓯᓯᒪᓕᕇᕐᐳᖅ ᓴᓐᖏᔪᕐᔪᐊᒥᒃ ᓯᕘᕋᔪᐃᑦᑐᒥᒃ; ᑎᑭᑲᓪᓚᒍᓐᓇᕐᑐᒥᒃ ᓇᑕᖅᑯᕐᓇᓕᕐᑐᑎᑐᑦ ᐊᖅᑯᓇᕐᔪᐊᑎᑐᓪᓗ, ᓯᓚᓗᕕᒡᔪᐊᕐᑐᑎᑐᓪᓗ, ᐅᓗᑦᔭᐅᔪᑐᓪᓘᓐᓃᑦ, ᑖᑦᓱᒪ ᓄᓇᕐᔪᐊᖅ ᑕᒪᒃᑯᓂᖓ ᑎᑭᑕᐅᑎᑦᓱᒫᕐᐹ ᑲᑉᐱᐊᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 30:31

ᐊᓯᕆᐊᒥᐅᑦ ᖁᐊᕐᓵᖓᓗᑎᒃ ᑲᑉᐱᐊᓱᖕᓂᖃᕈᒫᕐᐳᑦ ᐊᑕᓂᐅᑉ ᓂᐱᖓᓂᒃ ᑐᓴᓕᕈᑎᒃ, ᐊᔭᐅᑉᐱᐊᒥᓄᑦ ᐊᓇᐅᓯᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 32:19

ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᐂᓮᐊᓯᐅᑉ ᐊᒡᓚᖏᑦ 4:6

ᑖᓪᓖᖁᓪᓗᒍᓗ ᐅᓪᓗᒃᑯᑦ ᐅᖅᑰᓗᐊᖁᓇᒍ, ᕿᒫᕕᒃᓴᐅᖁᓪᓗᒍ, ᐅᖅᑯᐃᕝᕕᒃᓴᐅᓗᓂᓗ ᐊᓄᕆᑎᓪᓗᒍ ᓯᓚᓗᒃᑎᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᐂᓮᐊᓯᐅᑉ ᐊᒡᓚᖏᑦ 66:16

ᐃᑯᒪᒧᑦ ᐱᓂᐊᕐᓂᖃᕈᒫᕐᐳᖅ ᐃᖅᑲᕐᑐᐃᓂᕐᒥᒃ, ᓴᕕᒡᔪᐊᒥᓄᓪᓗ ᐃᓅᔪᓕᒫᓂᒃ ᐱᓇᓱᐊᕐᕕᖃᕈᒫᕐᐳᖅ; ᑐᖁᑕᐅᔪᓪᓗ ᐊᑕᓂᕐᒧᑦ ᐅᓄᕐᑐᐊᓘᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:32

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᐊᓯᕈᕐᑕᐅᓂᖅ ᓯᐊᒻᒪᕐᐸᓪᓕᐊᓕᕐᐳᖅ, ᐃᓅᖃᑎᒌᒡᔪᐊᓂᑦ ᐃᓅᖃᑎᒌᒡᔪᐊᓄᑦ, ᐊᓄᕆᕐᔪᐊᖅ ᓴᖅᑭᓕᕐᐳᖅ ᓯᓚᕐᔪᐊᑉ ᑭᒡᓕᖓᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 13:13

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᓐᖓᐅᒪᓂᓐᓄᑦ ᐊᓄᕆᕐᔪᐊᖃᕐᑎᑦᓯᔪᒫᕋᒪ; ᓯᓚᓗᒡᔪᐊᕐᓗᓂᓗ ᓇᑕᖅᑯᕐᓇᕐᓗᓂᓗ ᓂᓐᖓᐅᒪᓂᓐᓄᑦ ᓯᖁᑦᑎᕈᒫᕐᐳᖅ.

ᔪᐃᓕᐅᑉ ᐊᒡᓚᖏᑦ 2:5

ᐅᓇᑕᐅᑎᑐᑦ ᐊᒃᓴᓗᐊᓕᒃᑎᑐᑦ ᑍᒫᒃ ᓂᐱᖅᑯᕐᑐᑎᒋᕗᑦ, ᒥᓯᒃᑕᕐᐳᑦ ᖃᖅᑲᐅᑉ ᖄᖏᑎᒍᑦ; ᐃᕕᒃᑎᑐᑦ ᐃᑯᒪᔪᑐᑦ ᓂᓪᓕᐊᕗᑦ, ᓯᐊᒻᒪᒃᐳᑦ ᐅᓇᑕᕐᑐᒃᓴᕐᔪᐊᑎᑐᑦ ᐅᓇᑕᕆᐊᕐᑐᕐᑐᑎᑐᑦ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᒤᑲᐅᑉ ᐊᒡᓚᖏᑦ 1:4

ᖃᖅᑬᑦ ᐊᐅᒍᒫᕐᐳᑦ, ᐳᓐᓂᕐᑎᑐᑦ ᐃᑯᒪᒧᑦ ᐊᐅᒃᑐᑎᑐᑦ ᓇᕐᓮᓪᓗ ᐊᕕᒡᓗᑎᒃ, ᑰᒍᒫᕐᐳᖅ ᐃᒪᕐᑎᑐᑦ ᓯᕕᖓᔪᒃᑯᑦ ᑰᒃᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 24:7

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᓪᓗ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ ᐅᓇᑕᖃᑦᑕᐅᑎᔪᒫᕆᕗᑦ, ᑳᖕᓇᕐᑐᕐᔪᐊᖃᕈᒫᕐᐳᖅ ᓇᓂᑐᐃᓐᓇᖅ ᓄᓇ ᓇᐅᒃᑯᑐᐃᓐᓇᖅ ᓴᔪᒃᐱᓗᖃᑦᑕᕈᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 1:51

ᑕᓕᕐᒥᓄᑦ ᓲᖑᔪᒧᑦ ᐱᔪᓐᓇᕐᓂᓂ ᓴᖅᑭᑎᓚᐅᕐᐹ, ᐃᓱᒪᒥᒍᑦ ᐱᐅᔪᕆᔪᑦ ᓯᐊᒻᒪᕐᑎᑉᐰᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᔮᓱᐊᑉ ᐊᒡᓚᖏᑦ 10:10

ᐊᑕᓂᐅᓪᓗ ᐊᒧᕅᑎᒥᐅᑦ ᐅᐃᒪᔮᕐᑎᓚᐅᕐᐰᑦ ᑕᑯᑐᐊᕐᒪᑕ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᐃᓴᕆᐊᓕᒥᐅᓂᑦ ᒋᐱᐅᓂᒥ ᐅᓄᕐᑐᐊᓗᐃᑦ ᑐᖁᕋᕐᑕᐅᓚᐅᕐᐳᑦ, ᒪᓕᒃᑕᐅᓪᓗᑎᒡᓗ ᐊᖅᑯᑎᒃᑯᑦ ᖃᖅᑲᒥᑦ ᐱᑦ-ᕼᐅᕋᓐᒧᑦ ᑐᕌᕐᑐᒃᑯᑦ, ᐅᓇᑍᓐᓇᓚᐅᕐᐰᓪᓗ ᐊᔨᑲᒧᑦ ᒪᑮᑕᒧᓪᓗ ᑎᑭᓪᓗᑎᒃ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:15

ᐃᑎᒐᖏᑦ ᑲᓐᓄᔭᑎᑐᑦ ᑍᒤᑉᐳᑦ, ᐃᑯᒪᒧᑦ ᕿᓚᕆᒃᓴᕐᑕᐅᓯᒪᔪᑎᑐᑦ, ᓂᐱᖓᓗ ᒪᓕᐊᓗᐃᑦ ᐃᒃᑐᑑᕐᓂᖓᑎᑐᑦ ᑍᒤᑉᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᓴᒧᐃᓕ ᓯᕗᓪᓖᑦ 7:10

ᓴᒧᐃᓕᓕ ᐃᑯᐊᓚᑦᓯᓪᓗᓂ ᑐᓂᓯᑎᓪᓗᒍ ᑐᓂᕐᕈᑎᒥᓂᒃ, ᐱᓕᔅᑍᓂᒥᐅᑦ ᖃᒡᓕᕗᑦ ᐅᓇᑕᕆᐊᓕᕐᓗᑎᒃ ᐃᓴᕆᐊᓕᒥᐅᓄᑦ; ᐊᑕᓂᕐᓕ ᑲᓪᓕᓕᕐᑎᑦᓯᕗᖅ ᓂᐱᖅᑯᕐᑐᔪᕐᔪᐊᕐᒥᒃ ᐱᓕᔅᑍᓂᒥᐅᑦ ᐱᓪᓗᒋᑦ ᑖᒃᑯᐊᓗ ᐅᐃᒻᒪᑦᓯᐊᓚᐅᕐᐳ ᓇᓗᓕᕐᓗᑎᒡᓗ; ᕿᒪᒃᓯᓪᓗᑎᒡᓗ ᐃᓴᕆᐊᓕᒥᐅᓂᒃ.