ᐂᓮᐊᓯᐅᑉ ᐊᒡᓚᖏᑦ 30:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:23 Iomraidhean Croise

ᒨᓯᓯ ᓯᕗᓪᓖᑦ 41:18

ᑕᑯᕗᖓ ᑰᒑᓗᖕᒥᑦ ᓁᓕᒥᑦ ᖃᑭᔪᓂᒃ ᐃᒻᒧᒃᓯᐅᒐᕐᓂᒃ 7ᓂᒃ, ᑕᑯᒥᓇᕐᑐᓂᒃ ᖁᐃᓂᑦᓯᐊᕐᑐᓂᒡᓗ; ᑖᒃᑯᐊᓗ ᓂᕆᓕᕐᐳᑦ ᐃᕕᒃᓱᒐᕐᓂᒃ;

ᒨᓯᓯ ᓯᕗᓪᓖᑦ 41:26

ᑖᒃᑯᐊ 7ᐃᑦ ᐃᒻᒧᒃᓯᐅᒊᑦ ᐱᐅᔪᑦ ᑐᑭᖃᕐᐳᑦ ᐊᕐᕌᒍᓂᒃ 7ᓂᒃ, ᑖᒃᑯᐊᓗ ᓂᐊᖂᔭᒃᓮᑦ ᓂᐊᖁᖏᑦ ᐱᕈᑦᓯᐊᕐᑐᑦ 7ᐃᑦ ᑐᑭᖃᕐᐳᑦ ᐊᕐᕌᒍᓂᒃ 7ᓂᒃ; ᓯᓐᓇᒃᑑᒪᓃᒃ ᑖᒃᑯᐊᑦᓮᓐᓇᐅᕘᒃ.

ᒨᓯᓯ ᓯᕗᓪᓖᑦ 41:47

ᐊᕐᕌᒍᓂ 7ᓂ ᐱᕈᕐᑐᖃᑦᓯᐊᕐᓇᕐᑐᓂ ᓄᓇ ᐱᕈᕐᑎᑦᓯᓚᐅᕐᐳᖅ ᐊᒥᒐᖏᑦᑐᕐᔪᐊᓂᒃ,

ᐃᓐᖏᕈᑎᑦ 36:8

ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ, ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.

ᐃᓐᖏᕈᑎᑦ 67:7

ᒎᑎᐅᑉ ᓮᒻᒪᕐᑎᓚᐅᕐᐹᑎᒍᑦ, ᓄᓇᕐᔪᐊᓕᒫᓪᓗ ᐃᓱᐊ ᑎᑭᓪᓗᒍ ᓯᕘᕋᒋᔭᒃᓴᕆᕚᑦ.

ᐂᓮᐊᓯᐅᑉ ᐊᒡᓚᖏᑦ 10:27

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᓇᖕᒪᒃᑎᑦᓯᓂᖏᑕ ᐲᕐᑕᐅᕕᒃᓴᖓ ᑐᐃᑦᓯᓐᓂᑦ, ᓇᖕᒪᐅᑕᖏᑕᓗ ᓯᖁᒥᑕᐅᓂᖏᑦ ᖁᖓᓯᑦᓯᓐᓂᑦ, ᓇᖕᒪᐅᑍᑦ ᓄᖑᑎᑕᐅᔪᒫᕐᐳᑦ ᐅᕐᓱᖅ ᒥᖑᐊᕈᑕᐅᔪᖅ ᐱᑦᔪᑎᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 32:20

ᖁᕕᐊᓱᒍᑎᒃᓴᖃᕐᐳᓯᓕ ᐃᒪᐅᑉ ᓯᓈᓄᑦ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓯᒪᔪᓯ, ᐆᒪᔪᖁᑎᓯᓗ ᐃᓱᒤᓐᓇᕐᕆᓗᑎᒃ ᓄᓇᖁᑎᑦᓯᓐᓂ ᓂᕆᓇᓱᐊᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 65:21

ᓇᖕᒥᓂᒃᓴᒥᖕᓂᒃ ᐃᒡᓗᓕᐅᖃᑦᑕᕈᒫᕐᐳᑦ ᐃᓂᒋᓂᐊᕐᑕᒥᖕᓂᒃ; ᐱᕈᕐᓰᕕᓕᐅᕈᒫᕐᐳᑦ ᐸᐅᕐᖓᖃᐅᑎᒃᓴᓂᒃ ᐸᐅᕐᖓᖏᓪᓗ ᓂᕿᒋᕙᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᕼᐆᓯᐊᑉ ᐊᒡᓚᖏᑦ 4:16

ᐃᓴᕆᐊᓕᒥᐅᑦ ᓯᐅᑎᖁᕐᑐᔪᑎᑐᑦ ᐱᔭᕐᓃᑦᑑᑎᒋᕗᑦ; ᖃᓄᕐᓕ ᐊᑕᓂᕐᒧᑦ ᓂᕆᑎᑕᐅᔪᓐᓇᕐᐸᑦ ᓰᐲᑦ ᓄᕐᕋᖏᑎᑐᑦ ᓂᕿᒃᓴᓕᖕᒦᑦᑐᑎᑐᑦ?

ᒨᓯᓯ ᐱᖓᔪᖏᑦ 25:19

ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.

ᒨᓯᓯ ᐱᖓᔪᖏᑦ 26:3

“ᐱᖁᔭᒃᑲ ᒪᓕᒡᓗᒋ ᐃᓅᒍᑦᓯ, ᒪᓕᒐᒃᓴᐅᖁᔭᒃᑲᓗ ᓈᓚᑦᓯᐊᕈᓯᒋᒃ,

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᓴᑲᕅᐊᐅᑉ ᐊᒡᓚᖏᑦ 10:1

ᐊᑕᓂᖅ ᐅᐱᕐᖔᒃᑯᑦ ᓯᓚᓗᖁᔨᖁᓯᐅᒃ, ᑕᕝᕙ ᓄᕗᔭᖃᕐᑎᓐᓂᐊᕐᐹ ᓯᓚᕈᔪᒃᓯᐅᑎᓂᒃ ᓯᓚᓗᓕᕐᓗᓂ, ᐃᓄᓕᒫᓄᑦ ᐱᕈᕐᓰᕕᖁᑎᓕᒫᖏᓐᓄᓪᓗ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᒨᓯᓯ ᑕᓪᓕᒪᖏᑦ 11:14

ᑍᒤᑐᐊᕈᕕᑦ ᑕᕝᕙ, ᓄᓇᒋᔭᕐᓄᑦ ᓯᓚᓗᒃᑕᐅᑎᑦᓯᖃᑦᑕᕐᓂᐊᕐᐳᖅ ᐱᔭᕆᐊᖃᓕᕌᖓᑦ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ, ᓂᕿᒃᓴᖃᑦᓯᐊᖁᓪᓗᑎᑦ ᓂᐊᖂᔭᒃᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.