ᐂᓮᐊᓯᐅᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 3:8 Iomraidhean Croise

ᑯᕉᓂᑲ ᐂᑉᐸᖏᑦ 28:18

ᐱᓕᔅᑍᓂᒥᐅᓪᓗ ᑎᑭᑉᐳᑦ ᐃᒡᓗᒐᓴᖕᓄᑦ ᓄᓇᓄᑦ ᐊᑦᑎᖕᓂᕐᓴᓃᑦᑐᓄᑦ ᔫᑕᐅᓪᓗ ᓯᕿᓂᐊᓃᑦᑐᓄᑦ, ᓄᓇᓖᓪᓗ ᐅᑯᐊ ᑎᒍᕔᑦ ᐱᑦ-ᓯᒥᔅ, ᐂᔭᓚᓐ, ᒋᑎᕉᑎ, ᓲᑯ ᓄᓇᓕᖏᓪᓗ, ᑎᒻᓇ ᓄᓇᓕᖏᓪᓗ, ᒋᒻᔪ ᓄᓇᓕᖏᓪᓗ, ᑍᑲᓂᓗ ᓄᓇᑖᕐᓗᑎᒃ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:27

ᓇᓪᓕᐊᑦ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᐅᔭᕋᒡᔪᐊᒥᒡᓗ ᐊᒃᓴᑳᑎᑦᓯᔪᖅ ᐊᒃᓴᑲᕐᕕᐅᓂᐊᕆᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 49:19

ᓄᓇᖁᑎᓯ ᓯᖁᑦᑎᕐᑕᐅᓯᒪᔪᖅ ᐃᓄᖃᕈᓐᓃᕐᓯᒪᔪᕐᓗ, ᓱᓇᒃᓴᐅᔪᓐᓃᕐᑎᑕᐅᓯᒪᓪᓗᓂ, ᓄᓇᑖᕐᑐᕐᑐᓄᑦ ᓄᓇᑭᒃᓴᓕᕈᒫᕐᐳᓯ; ᐃᓕᑦᓯᓐᓂᒡᓗ ᓄᖑᕈᑦᔨᓚᐅᕐᑐᑦ ᐅᖓᓯᒃᑐᐊᓗᖕᒦᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 57:4

ᑭᓇᒥᒃ ᒥᑕᐅᑎᖃᕐᐱᓰ? ᑭᓇᒧᓪᓗ ᐱᔮᕐᓱᕐᓗᓯ ᖃᓂᓯ ᐂᑦᑕᕐᑎᑉᐱᓯᐅᒃ ᐅᖃᓯ ᓄᐃᑦᑕᕐᑎᓪᓗᒋᑦ? ᐊᔪᕐᑐᓕᔪᓄᑦ ᕿᑐᕐᖓᐅᓐᖏᓚᓰ, ᐅᐃᕕᕐᕆᒃᓯᔩᑦ ᑭᖑᕚᖏᑦ,

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 23:36

‘ᐊᑕᓂᐅᑉ ᐅᖁᒤᒋᔭᖓᓂᒃ,’ ᐅᖃᖃᑦᑕᕆᐊᖃᕈᓐᓃᕐᐳᓯ, ᐃᓄᐃᑦ ᐅᖁᒤᒋᔭᒥᖕᓂᒃ ᐅᖃᖃᑦᑕᕐᒪᑕ, ᑐᑮᕈᑎᑎᑦᓯᑐᐃᓐᓇᖃᑕᓕᕋᑦᓯ ᒎᑎᐅᑉ ᐆᒪᔫᑉ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ, ᒎᑎᑦᑕ ᐅᖃᐅᓯᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 4:13

ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᐃᓯᑭᐊᓕᐅᑉ ᐊᒡᓚᖏᑦ 8:12

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᐃᔨᕋᕐᑐᕐᓗᑎᒃ ᖃᓄᐃᓕᐅᕐᐸᖕᓂᖏᓐᓂᒃ, ᐃᒡᓗᕈᓯᕐᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᕐᐳᑦ; ᐅᖃᖃᑦᑕᕐᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᕐᐹ.’”

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᕼᐆᓯᐊᑉ ᐊᒡᓚᖏᑦ 5:5

ᐃᓴᕆᐊᓕᒥᐅᑦ ᐱᐅᔪᕆᓂᖏᑕ ᑖᑦᓱᒪ ᑮᓇᖓ ᐊᑭᕋᕐᑐᕐᐹᑦ; ᐃᕗᕅᒥ ᐸᓯᔭᒃᓴᐅᓂᕐᒥᓄᑦ ᐹᓪᓚᒍᒫᕐᐳᖅ ᐅᕐᕈᓗᓂ; ᔫᑕᐅᓪᓗ ᐃᓄᖏᑦ ᐅᕐᕈᖃᑕᐅᔪᒫᕐᐳᑦ ᑖᒃᑯᓄᖓ.

ᕼᐆᓯᐊᑉ ᐊᒡᓚᖏᑦ 7:16

ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᕼᐊᐸᑲᐅᑉ ᐊᒡᓚᖏᑦ 1:13

ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᔫᑎᐅᑉ ᐊᒡᓚᖏᑦ 1:15

ᑕᒤᓐᓂᒃ ᐃᖅᑲᕐᑐᐃᔭᕐᑐᕐᓗᓂ, ᐅᒃᐱᖏᑦᑐᑦ ᐱᓂᐊᕐᓂᓕᒫᖏᑦ ᓴᖅᑭᑎᓚᐅᕐᑕᖏᓪᓗ ᓱᒋᐊᕆᐊᕐᑐᓕᕐᓗᒋᑦ, ᐅᖃᕐᓂᕐᓗᖃᑦᑕᕐᓯᒪᔪᓪᓗ ᐅᒃᐱᖏᑦᑐᑦ ᐊᔪᕐᑐᓕᔪᓪᓗ ᐊᑭᕋᕐᑐᕐᓗᑎᒃ ᑖᑦᓱᒥᖓ!”