ᐂᓮᐊᓯᐅᑉ ᐊᒡᓚᖏᑦ 3:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑕᕐᕋᕐᑑᑎᖏᑦ, ᐊᓐᓄᕌᖏᓪᓗ ᓵᑦᑐᑦ ᑕᑯᒃᓴᐅᓇᕐᑐᑦ, ᓵᑦᑐᓪᓗ ᐃᓗᓪᓖᑦ, ᓇᓴᐅᔭᖏᑦ ᓂᒻᒪᐅᑎᓯᒪᔪᑦ, ᒪᑐᐊᕆᓲᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 3:23 Iomraidhean Croise

ᒨᓯᓯ ᓯᕗᓪᓖᑦ 24:65

ᐱᔨᓗ ᐊᐱᕆᕚ, ᐅᖃᕐᓗᓂ, “ᑭᓈᓐᓇ ᐊᖑᑦ ᐱᕈᕐᓰᕕᒃᑯᑦ ᐱᓱᒃᐸ ᐅᕙᑦᑎᓐᓂᒃ ᐸᕐᕆᐊᕐᑐᖅ?” ᐱᔨᐅᑉ ᑭᐅᕚ, “ᐅᓇ ᐊᖓᔪᖅᑳᕋ.” ᑕᕝᕙ ᕇᐱᑲᐅᑉ ᑮᓇᕐᒥᓄᑦ ᑖᓗᑕᓂ ᑎᒍᓪᓗᒍ ᑮᓇᓂ ᒪᑐᐊᕐᐹ.

ᒨᓯᓯ ᓯᕗᓪᓖᑦ 41:42

ᑕᕝᕙ ᐰᕉᑉ ᕿᑎᕐᓯᕐᒥᐅᑕᓂ ᐊᑐᕐᑕᓂ ᐲᕐᓗᒍ ᔫᓯᐱ ᐊᑎᑎᑉᐹ, ᐅᓕᒡᔪᐊᒥᒡᓗ ᖃᓪᓗᓈᕐᑕᑦᓯᐊᕙᖕᒥᒃ ᐊᑎᑎᓪᓗᒍ, ᒎᓗᓂᒡᓗ ᖁᖓᓯᕐᒥᐅᑕᕐᓂᒃ ᐊᑎᑎᒃᑭᓪᓗᒍ;

ᑯᕉᓂᑲ ᓯᕗᓪᓖᑦ 15:27

ᑍᕕᑎ ᐊᓐᓄᕌᕐᓯᒪᓚᐅᕐᐳᖅ ᐅᓕᖕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ, ᓕᕔᑎᓕᒫᓪᓗ ᐊᑭᕋᕐᑐᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ ᑍᒤᑦᑐᓂᒃ ᐊᑐᓚᐅᕆᕗᑦ, ᐃᓐᖏᕐᑏᓪᓗ, ᓂᑦᔭᐅᓯᔭᕐᓂᕐᒧᓪᓗ ᐊᖓᔪᖅᑳᖓᑦ ᓯᓇᓁᐊ; ᑍᕕᑎᓗ ᓴᒡᕕᖕᒥᐅᑕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᐊᑐᓚᐅᕆᕗᖅ.

ᒨᓯᓯ ᐂᑉᐸᖏᑦ 38:8

ᐴᒍᑕᕐᒥᒃ ᑲᓐᓄᔭᒥᒃ ᓴᓇᒋᕗᖅ ᑲᓐᓄᔭᒥᒡᓗ ᐊᓪᓕᕋᖃᕐᓗᒍ ᐊᕐᓁᑦ ᑕᕐᕋᕐᑑᑎᖏᓐᓂᑦ ᓴᓇᓚᐅᕐᐳᖅ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕐᑕᕐᕕᖓᓂ ᐱᓇᓱᐊᕐᑎᐅᔫᑉ ᐱᖁᑎᕕᓂᖓᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 5:7

ᑕᕝᕙ ᐃᒡᓗᒐᓴᖕᓂ ᖃᐅᔨᓴᕐᑎᓄᑦ ᐅᐸᒃᑕᐅᕗᖓ, ᑖᒃᑯᓇᓐᖓᑦ ᐋᓐᓂᕐᓯᕐᑕᐅᓪᓗᖓ ᐃᑭᓕᕐᑕᐅᕗᖓ; ᖃᐅᔨᓴᕐᑏᑦ ᐊᕙᓗᕐᔪᐊᒥ ᐅᓕᓐᓂᒃ ᐊᕐᓵᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 3:22

ᐊᓐᓄᕌᖏᓪᓗ ᓇᓪᓕᐅᓐᓂᕐᓯᐅᕈᑏᑦ, ᐅᓕᒡᔪᐊᖏᓪᓗ, ᐊᓃᕐᑐᕐᓯᐅᑎᖏᓪᓗ ᐊᓐᓄᕌᑦ, ᐊᑐᐃᓐᓇᖃᐅᑎᖏᓪᓗ ᐴᑲᑕᖏᑦ;

ᐂᓮᐊᓯᐅᑉ ᐊᒡᓚᖏᑦ 3:24

ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 47:2

ᓯᖃᓪᓕᓯᐅᑎ ᓂᐊᖂᔭᒃᓴᒥᒃ ᑎᒍᓕᕈᒃ, ᓂᐊᖂᔭᒃᓴᓂᒡᓗ ᓯᖁᑦᑎᕆᓕᕆᑦ, ᑮᓇᕐᐱᑦ ᒪᑐᐊᖓ ᐲᓕᕈᒃ, ᐊᓐᓄᕌᑎᑦ ᐱᐅᔪᑦ ᐲᔭᕐᓗᒋᑦ, ᓂᐅᒃᑭᒃ ᓴᖅᑭᑎᒃᑭᒃ, ᑰᖕᒥᒡᓗ ᐃᑳᓕᕆᑦ.

ᐃᓯᑭᐊᓕᐅᑉ ᐊᒡᓚᖏᑦ 16:10

ᐊᓐᓄᕌᕐᑎᓚᐅᕐᐸᒋᑦ ᑕᕐᓯᕐᑐᕐᓯᒪᔪᒥᒃ ᑲᒥᒃᑎᓪᓗᑎᓪᓗ ᐃᖃᕐᑎᐅᔮᖕᓂᒃ, ᐊᓐᓄᕌᕐᑎᓪᓗᑎᓪᓗ ᖃᓪᓗᓈᕐᑕᑦᓯᐊᒥᒃ ᓵᑦᑐᒥᒃ ᐱᐊᒃᑐᒥᒡᓗ ᖃᓪᓗᓈᕐᑕᒥᒃ ᓯᓚᓪᓕᕐᑖᕐᑎᓪᓗᑎᑦ.

ᓴᑲᕅᐊᐅᑉ ᐊᒡᓚᖏᑦ 3:5

ᐂᖏᓕᐅᓪᓗ ᕿᓚᖕᒥᐅᖑᖃᑎᓂ ᑕᕝᕙᓃᑦᑐᑦ ᐱᖁᕔᑦ ᔮᓱᐊ ᓇᓴᕐᑕᐅᖁᓪᓗᒍ ᖃᓪᓗᓈᕐᑕᒥᒃ ᓴᓗᒪᔪᒥᒃ ᓂᐊᖁᕐᒧᑦ ᓂᒻᒪᐅᑎᓯᒪᔪᒥᒃ. ᑍᒫᒡᓗ ᐱᕗᑦ, ᓄᑖᓂᒡᓗ ᐊᓐᓄᕌᕐᑎᑉᐹᑦ, ᐂᖏᓕ ᑕᕝᕙᓂ ᓇᖏᕐᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:14

ᕿᓚᖕᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᒪᓕᒃᐹᑦ, ᕿᒻᒥᕐᔪᐊᖃᕐᓗᑎᒃ ᖃᑯᕐᑕᓂᒃ, ᐊᓐᓄᕌᕐᓯᒪᓪᓗᑎᒡᓗ ᓵᑦᑐᓂᒃ ᓴᓗᒪᔪᓂᒃ ᖃᑯᕐᑕᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 3:15

ᐅᑎᕐᓂᐊᓕᕐᒪᑦ ᐳᐊᓯᐅᑉ ᐅᖃᐅᑎᕚ, “ᐅᓕᑲᐹᑦ ᐃᓯᕕᓚᐅᕈᒃ ᒪᐅᖓ.” ᐃᓯᕕᒻᒪᒍ ᐳᐊᓯᐅᑉ ᓈᕕᑦᓯᕕᒋᕚ ᓂᐊᖂᔭᒃᓴᒥᒃ 50ᐸᐅᒥᒃ ᐅᖁᒤᓐᓂᖃᐸᓗᒃᑐᒥᒃ, ᐃᑲᔪᕐᓗᒍᓗ ᐃᕐᓲᑦᔨᑎᑉᐹ, ᕉᑎᐅᓪᓗ ᑖᓐᓇ ᐃᕐᓱᒡᓗᒍ ᐊᖏᕐᕋᕐᐳᖅ.