ᐂᓮᐊᓯᐅᑉ ᐊᒡᓚᖏᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 3:11 Iomraidhean Croise

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᓴᒧᐃᓕ ᐂᑉᐸᖏᑦ 3:39

ᐅᓪᓗᒥᓗ ᓴᓐᖐᑦᑑᓕᕐᐳᖓ, ᐊᖓᔪᖅᑳᕐᔪᐊᖑᖁᓪᓗᖓ ᓂᕈᐊᕐᑕᐅᓯᒪᒐᓗᐊᕐᓗᖓ; ᑖᒃᑯᐊ ᔨᕈᐃᐊᐅᑉ ᐃᕐᓂᖏᑦ ᐅᑯᒤᓗᐊᕐᒪᑕ ᐅᕙᓐᓄᑦ. ᐊᑕᓂᐅᑦᑐᖅ ᓱᒋᐊᕐᓕᒋᑦ ᐱᐅᖏᑦᑐᓕᔪᑦ ᐱᓇᓱᐊᕐᓂᕆᓯᒪᔭᖏᑦ ᒪᓕᒡᓗᒋᑦ!”

ᐊᑕᓃᑦ ᓯᕗᓪᓖᑦ 21:21

‘ᑕᑯᒋᑦ, ᐃᓕᖕᓄᑦ ᐱᐅᖏᑦᑐᒥᒃ ᑎᑭᕝᕕᐅᑎᓐᓂᐊᕐᐸᒋᑦ; ᐊᕐᓵᕐᓂᐊᓕᕐᐸᒋᑦ ᓄᖑᑕᐅᑎᓪᓚᕆᒡᓗᑎᑦ, ᐂᕼᐊᐱᐅᓪᓗ ᐃᓚᓕᒫᖏᑦ ᐊᖑᑎᑦ ᓄᖑᑎᓐᓂᐊᕐᐸᒃᑲ, ᕿᓚᒃᓱᕐᓯᒪᔪᑦ ᕿᓚᒃᓱᕐᓯᒪᖏᑦᑐᓪᓗ, ᐃᓴᕆᐊᓕᒥᐅᓂ.

ᑯᕉᓂᑲ ᐂᑉᐸᖏᑦ 6:23

ᑐᓴᓚᐅᒃᑭᑦ ᕿᓚᖕᒥᑦ, ᐱᓂᐊᕐᕕᒋᓗᒋᓪᓗ, ᐱᔨᑎᓪᓗ ᐋᖅᑭᒃᓱᕐᓗᖏᑦ, ᐊᔪᕐᑐᓕᔪᖅ ᐊᑭᓂᐊᕐᑕᐅᖁᓪᓗᒍ ᐃᒻᒥᓂᒃ ᓂᐊᖁᒥᓄᑦ ᐃᓕᔭᒥᓂᒃ, ᐃᓱᐊᕐᑐᓕᔪᕐᓗ ᐃᓱᐊᕐᑐᓕᓂᕐᒥᓄᑦ ᐱᓇᓱᐊᕐᕕᐅᖁᓪᓗᒍ ᐊᑭᓕᕐᑕᐅᓗᓂ.

ᔫᐱᐅᑉ ᐊᒡᓚᖏᑦ 10:15

ᐊᔪᕐᑐᓕᓐᓂᕈᒪ, ᑲᑉᐱᐊᓐᓇᒦᖑᕗᖓ! ᐃᓱᐊᕐᑐᓕᓚᐅᕈᒪᓕ, ᑕᕝᕙ ᐱᕙᓪᓕᐅᑎᒃᓴᕐᑖᓐᖏᓚᖓ, ᑲᓐᖑᓇᕐᑐᕐᔪᐊᕐᒦᓕᕐᐳᖓ ᐋᓐᓂᐊᑎᑕᐅᓂᒃᑲᓗ ᑕᑯᒃᓴᐅᓪᓗᑎᒃ.

ᐃᓐᖏᕈᑎᑦ 28:4

ᐱᓂᐊᕐᕕᒋᒃᑭᑦ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᐅᖏᑦᑐᐊᓘᓂᖏᑦ ᒪᓕᒡᓗᒋᑦ; ᐊᒡᒐᒥᖕᓄᓪᓗ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᐱᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᒃᑭᑦ.

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:31

ᑍᒤᒻᒪᑦ ᐱᕈᕐᑎᑕᒥᖕᓂᒃ ᓂᕆᔪᒫᕐᐳᑦ, ᓇᖕᒥᓂᕐᓗ ᐱᓂᐊᕐᓂᕐᒥᖕᓄᑦ ᐊᕿᐊᑦᑐᕈᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:31

ᐃᓱᐊᕐᑐᑦ ᐱᓂᐊᕐᓂᖏᑦ ᐊᑭᓕᕐᑕᐅᔪᓐᓇᕐᐸᑕ ᓄᓇᒥ, ᑕᕝᕙᓕᑭᐊᖅ ᒎᑎᖃᖏᑦᑐᑦ ᐊᔪᕐᑐᓕᔪᓪᓗ ᐱᓂᐊᕐᕕᐅᓂᕐᓴᐅᓂᐊᕐᐳᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:14

ᐊᖑᑦ ᐱᐅᔪᓂᒃ ᐅᖃᐅᓯᕐᒥᓄᑦ ᓈᒻᒪᒃᓯᑎᑕᐅᓯᒪᓂᐊᕐᐳᖅ ᐱᐅᔪᒥᒃ, ᐊᒡᒐᖏᑕᓗ ᐱᓇᓱᐊᕐᓂᖏᑦ ᐊᑭᓕᕐᑕᐅᑦᔪᑎᒋᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:27

ᓇᓪᓕᐊᑦ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᐅᔭᕋᒡᔪᐊᒥᒡᓗ ᐊᒃᓴᑳᑎᑦᓯᔪᖅ ᐊᒃᓴᑲᕐᕕᐅᓂᐊᕆᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:13

ᐊᔪᕐᑐᓕᔪᓪᓕ ᐱᐅᔪᒥᒃ ᑐᕌᒐᖃᓐᖏᓚᑦ, ᒎᑎᒥᒃ ᓯᕘᕋᖏᒻᒪᑕ, ᐅᓪᓗᖏᑦ ᑕᑭᔫᔪᒫᓐᖏᓚᑦ ᑕᕐᕋᑐᑦ ᑕᑭᔫᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 48:22

ᐊᑕᓂᖅ ᐅᖃᕐᐳᖅ, “ᓮᒻᒪᓇᕐᑐᖃᓐᖏᓚᖅ, ᐊᔪᕐᑐᓕᔪᓄᑦ.”

ᐂᓮᐊᓯᐅᑉ ᐊᒡᓚᖏᑦ 65:20

ᐃᓅᕋᑖᕐᑐᓂᒃ ᑕᕝᕙᓂ ᐱᑕᖃᕈᒫᓐᖏᓚᖅ ᐅᓪᓗᓂᒃ ᐅᓄᖏᑦᑐᓂᒃ ᐃᓅᓚᐅᑲᑐᐃᓐᓇᕐᑐᓂᒃ, ᐃᑦᑑᓕᕐᑐᓂᒡᓗ ᐃᓅᓯᕆᒋᐊᖃᕐᑕᒥᖕᓂᒃ ᓈᔨᓯᒪᖏᑦᑐᓂᒃ ᐱᑕᖃᕈᒫᖏᓐᓂᕗᖅ; 100ᓂᒃ ᐊᕐᕌᒍᖃᕐᓗᓂ ᑐᖁᔪᖅ ᐃᓅᓱᓗᐊᕐᓂᕋᕐᑕᐅᔪᒫᕐᐳᖅ, ᐊᔪᕐᑐᓕᔪᖅ 100ᓂᒃ ᐊᕐᕌᒍᖃᓕᕐᓗᓂ ᑐᖁᔪᖅ ᐃᓱᒪᓂᕐᓗᒡᕕᐅᓯᒪᔪᒥᒃ ᐅᖃᕐᑕᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 21:14

ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:30

ᓇᓪᓕᐊᑦ ᑐᖁᔪᒫᕐᐳᖅ ᓇᖕᒥᓂᖅ ᐊᔪᕐᑐᓕᑦᔪᑎᒋᔭᒥᓄᑦ; ᐱᕈᕐᑐᒥᒡᓗ ᒪᒪᖏᑦᑐᒥᒃ ᓂᕆᔫᑉ ᓇᖕᒥᓂᖅ ᐱᐅᔪᓐᓃᕈᑎᒋᔪᒫᕐᐹ.”

ᐃᓯᑭᐊᓕᐅᑉ ᐊᒡᓚᖏᑦ 16:59

ᐃᓛᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓇᓱᐊᕐᕕᒋᓂᐊᕐᐸᑦᓯ ᐱᓂᐊᕐᓂᕆᓚᐅᕐᑕᓯ ᒪᓕᒡᓗᒋᑦ, ᐅᖃᕕᒍᑕᐅᓯᒪᔪᒥᒃ ᓯᖁᒥᑦᓯᓯᒪᒐᑦᓯ ᐊᖏᖃᑎᒌᒍᑕᐅᓯᒪᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:20

ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 2:10

ᓯᕗᕋᓐᓄᑦ ᐃᓯᕕᒻᒪᒋᑦ; ᐃᒡᓗᒃᑐᑦ ᑎᑎᕋᕐᕕᒋᓯᒪᕗᑦ, ᑕᕝᕙᓂᓗ ᑎᑎᕋᕐᓯᒪᕗᑦ ᐅᒡᒍᐊᕐᓂᖅ, ᕿᒃᓵᒃᓗᑎᒃ ᕿᐊᓂᖅ, ᑲᑉᐱᐊᓱᖕᓂᕐᓗ.

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 33:8

ᐅᖃᕈᒪ ᐱᐅᖏᑦᑐᓕᔪᒧᑦ, ᐱᐅᖏᑦᑐᓕᔨᐅᒐᕕᑦ ᑐᖁᓂᐊᓪᓚᕆᒃᐳᑎᑦ, ᑖᓐᓇ ᐅᖃᐅᑎᖏᒃᑯᕕᐅᒃ ᖃᐅᔨᑎᑦᓯᑦᔪᑎᒋᔭᓐᓂᒃ ᑖᑦᓱᒪ ᓵᒋᐊᕆᐊᖃᕐᓂᖓᓂᒃ ᐱᐅᖏᑦᑐᓕᓂᕐᒥᓂᑦ, ᑕᕝᕙ ᐱᐅᖏᑦᑐᓕᔪᖅ ᐊᔪᕐᑐᓕᓂᕐᒥᓃᓪᓗᓂ ᑐᖁᓂᐊᕐᐳᖅ, ᑖᑦᓱᒪᓕ ᑐᖁᓂᖓᓄᑦ ᓵᑕᒃᓴᐅᓂᐊᕐᐳᑎᑦ.

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᒤᑲᐅᑉ ᐊᒡᓚᖏᑦ 7:13

ᓄᓇᓕ ᓱᓇᖃᔪᐃᑦᑑᓕᕈᒫᕐᐳᖅ ᓄᓇᖃᕐᑐᑦ ᑕᕝᕙᓂ ᐱᑦᔪᑎᒋᓗᒋᑦ, ᐱᓂᐊᕐᓂᖏᑕᓗ ᐱᕈᕐᑎᑕᖏᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 32:23

ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 9:57

ᒎᑎᐅᑦᑕᐅᖅ ᓯᑭᒻᒥᐅᑦ ᐊᒃᓱᕈᕐᓇᕐᑐᒃᑰᕐᑎᓚᐅᕐᐰᑦ ᐱᐅᖏᑦᑐᒥᒃ ᐱᓇᓱᐊᓚᐅᕐᓂᖏᓐᓄᑦ ᔫᑕᒻ, ᔨᕈᐸᐅᓕᐅᑉ ᐃᕐᓂᖓᑕ ᐅᖃᐅᓯᕆᓚᐅᕐᑕᖓᑐᑦ ᐅᖃᕐᓂᕐᓗᕕᒋᓚᐅᕐᒪᒋᑦ.