ᐂᓮᐊᓯᐅᑉ ᐊᒡᓚᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 3:1 Iomraidhean Croise

ᐊᑕᓃᑦ ᐂᑉᐸᖏᑦ 25:3

ᑕᖅᑮᑦ ᓯᑕᒪᖓᑦᑕ ᐅᓪᓗᖏᑕ 9ᒋᓕᕐᑕᖓᓂ ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑳᖕᓇᕐᑐᕐᔪᐊᖃᓕᕐᐳᖅ ᐃᓄᐃᑦ ᓂᕆᔭᒃᓴᖃᕈᓐᓁᕐᓗᑎᒃ.

ᐃᓐᖏᕈᑎᑦ 105:16

ᐊᒻᒪ ᓄᓇᒧᑦ ᑳᖕᓇᕐᑐᕐᔪᐊᒥᒃ ᑎᑭᑎᑦᓯᓚᐅᕆᕗᖅ, ᓂᐊᖂᔭᒃᓴᓕᒫᑦ ᓄᖑᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 1:24

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᐊᔪᒐᖃᖏᑦᑐᕐᔪᐊᖁᑎᖓ: ᐊᑭᕋᒃᑲ ᐱᒋᐊᕐᓂᐊᕐᐸᒃᑲ ᓂᓐᖓᐅᓯᓐᓄᑦ, ᓇᖕᒥᓂᕐᓗ ᐊᑭᓂᐊᕐᕕᒋᓂᐊᕐᐸᒃᑲ ᐊᑭᕋᕐᑐᕐᑎᒃᑲ.

ᐂᓮᐊᓯᐅᑉ ᐊᒡᓚᖏᑦ 2:22

ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?

ᐂᓮᐊᓯᐅᑉ ᐊᒡᓚᖏᑦ 3:16

ᐊᑕᓂᖅ ᐅᖃᕐᐳᖅ: “ᓮᐅᓂᐅᑉ ᐸᓂᖏᑦ ᐱᐅᔪᕆᓗᐊᕐᒪᑕ ᐱᓱᓕᕌᖓᒥᒡᓗ ᐋᕐᓗᖓᔮᕐᓗᑎᒃ ᐱᓱᖃᑦᑕᕐᐳᑦ, ᕿᒃᓯᒥᒑᖃᑦᑕᕐᓗᑎᒃ ᐱᓱᖃᑦᑕᕐᐳᑦ, ᐱᔪᒥᓇᕋᓱᐊᕐᓗᑎᒃ, ᐊᑯᓔᑦᑐᒥᒃ ᐊᓪᓗᕋᕐᓗᑎᒃ, ᓯᖏᕐᓂᕐᒥᐅᑕᒥᖕᓂᒡᓗ ᓯᕙᓂᕋᕐᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 36:12

ᕌᑉᓴᑭᐅᓪᓕ ᑭᐅᕔᑦ, “ᐊᖓᔪᖅᑳᒪ ᑎᓕᓪᓗᖓ ᐃᓕᑦᓯᓐᓄᑦ ᐊᖓᔪᖅᑳᕐᔪᐊᑦᓯᓐᓄᓪᓗ ᐅᖃᕆᐊᕐᑐᖁᓚᐅᕐᐹᖓ ᐅᖃᐅᓯᕆᔭᒃᑲᓗ ᐃᓕᑦᓯᓐᓄᑐᐊᖅ ᑐᕌᖓᓐᖏᓚᑦ, ᐊᕙᓗᕐᔪᐊᒥ ᐃᒃᓯᕚᕐᑐᓄᑦ ᑐᕌᖓᒋᕗᑦ, ᑖᒃᑯᐊ ᐊᓇᕐᒥᖕᓂᒃ ᓂᕿᖃᓕᕈᒫᕐᐳᑦ ᐃᑎᕈᕐᒥᖕᓂᒡᓗ ᐃᒥᖃᓕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 51:22

ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 9:20

ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 37:21

ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:9

“ᐊᑕᓂᕋ ᐊᖓᔪᖅᑳᕐᔪᐊᕋ, ᔨᕆᒤᐊᒥᒃ ᒎᑎᐅᑉ ᐅᖃᕐᑎᖓᓂᒃ ᐴᕐᓯᔪᕕᓃᑦ ᓈᒻᒪᖏᑦᑐᐊᓗᖕᒥᒃ ᐱᓇᓱᐊᕐᓯᒪᕗᑦ, ᐃᒥᕐᑕᕐᕕᖕᒧᑦ ᐴᕐᑕᐅᓐᓂᕐᒪᑦ ᐱᕐᓕᕐᓯᐊᕆᓪᓗᒍ ᓂᐊᖂᔭᖃᕈᓐᓃᕐᒪᑦ ᐃᒡᓗᒐᓴᒡᔪᐊᓂ.”

ᔨᕆᒤᐊᐅᑉ ᐊᒡᓚᖏᑦ 52:3

ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ ᔨᕉᓴᓕᒥᐅᑦ ᔫᑕᒥᐅᓪᓗ ᐊᓯᕈᕐᑕᐅᓚᐅᕐᐳᑦ, ᐊᑕᓂᐅᓪᓗ ᐃᒋᓚᐅᕐᐰᑦ ᓵᒥᓂᑦ. ᔨᑎᑬᐊᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐊᑭᕋᕐᑐᓕᓚᐅᐳᖅ.

ᔨᕆᒤᐊᐅᑉ ᐊᒡᓚᖏᑦ 52:6

ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:4

ᐃᒥᕐᑖᕐᐸᓕᕐᐳᒍᑦ ᐊᑭᓖᓪᓗᑕ, ᓂᐅᕕᕐᓗᑕᓗ ᑭᓯᐊᓂ ᕿᔪᒃᓴᖃᕈᓐᓇᓕᕐᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᐂᒨᓯᐅᑉ ᐊᒡᓚᖏᑦ 4:6

“ᑳᒃᑎᓚᐅᕐᐸᑦᓯ ᐃᒡᓗᒐᓴᓕᒫᓂ, ᓂᕿᒃᓴᖃᕐᑎᓚᐅᓐᖏᓚᑦᓯᓗ ᐃᓂᒋᔭᑦᓯᓐᓂ. ᓱᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 4:9

ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.