ᐂᓮᐊᓯᐅᑉ ᐊᒡᓚᖏᑦ 29:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑦᔨᖃᕈᒫᕐᐳᑦ ᐊᖑᒻᒥᒃ ᑳᒃᑐᒥᒃ ᓂᕆᓗᓂ ᓯᓐᓇᒃᑑᒪᔪᒥᒃ ᐃᖅᑯᒻᒪᕋᒥ ᓱᓕ ᑳᒡᓗᓂ ᐃᖅᑯᒻᒪᕐᑐᑐᑦ, ᐅᕝᕙᓘᓐᓃᑦ ᐃᒥᕈᖕᓂᕐᒧᑦ ᖀᓕᕐᑐᑎᑐᑦ ᓯᓐᓇᒃᑑᒪᔪᒥᒃ ᐃᒥᕐᓗᓂ ᐃᖅᑯᒻᒪᕐᐳᖅ ᐃᒡᒋᐊᖓ ᓱᓕ ᓴᓗᐊᖓᑎᓪᓗᒍ ᐃᒥᕈᖕᓂᕐᒧᑦ, ᑍᒤᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᓇᑭᑐᐃᓐᓈᕐᓯᒪᔪᑦ ᖃᖅᑲᒥᒃ ᓮᐅᓂᒥᒃ ᐅᓇᑕᖃᑎᖃᕋᓱᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 29:8 Iomraidhean Croise

ᑯᕉᓂᑲ ᐂᑉᐸᖏᑦ 32:21

ᐊᑕᓂᕐᓗ ᑎᓕᓯᕗᖅ ᐂᖏᓕᒥᒃ, ᑖᑦᓱᒪ ᑐᖁᑉᐰᑦ ᐊᖑᑎᓕᒫᑦ ᓯᕘᕋᖏᑦᑐᑦ ᐊᖓᔪᖅᑳᖏᓪᓗ, ᐊᖓᔪᖅᑳᐅᔪᓪᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᑕᖕᒫᕐᓯᒪᕕᖓᓃᑦᑐᑦ. ᑍᒤᒻᒪ ᓇᖕᒥᓂᖅ ᓄᓇᒥᓄᑦ ᐅᑎᕐᐳᖅ ᑲᓐᖑᓱᒡᓗᓂ. ᒎᑎᖓᑕᓗ ᑐᒃᓯᐊᕐᕕᖁᑎᖓᓄᐊᕋᒥ, ᓇᖕᒥᓂᖏᑕ ᐃᕐᓂᖏᑕ ᑐᖁᑉᐹᑦ ᓴᕕᒡᔪᐊᒧᑦ ᑕᕝᕙᓂ ᓇᔪᕐᑕᖓᓂ.

ᐃᓐᖏᕈᑎᑦ 129:5

ᓮᐅᓂᒥᒃ ᐆᒥᓱᒃᑐᓕᒫᑦ ᐅᑎᕆᐊᕐᑎᑕᐅᓕᑦ ᑲᓐᖑᓱᓕᕐᓗᑎᒃ.

ᐃᓐᖏᕈᑎᑦ 73:20

ᓲᕐᓗ ᓯᓐᓇᒃᑑᒪᒥᑦ ᑐᐸᒃᑐᑐᑦ ᑍᒤᑉᐳᑦ, ᑍᒫᒃ ᐊᑕᓃᖅ ᒪᑭᒃᑯᕕᑦ, ᑕᐅᑦᑐᖏᑦ ᐊᓯᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 41:11

ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 41:12

ᐊᑭᕋᕐᑐᕐᑎᒋᕙᒃᑕᑎᑦ ᕿᓂᕈᒫᕐᐸᑎᑦ ᓇᒡᕚᕐᓇᒋᓪᓗ; ᐃᓕᑦᓯᓐᓂᒃ ᐅᓇᑕᕈᒪᔪᑦ ᓱᓇᐅᑎᑦᓱᒫᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 44:12

ᓴᕕᕋᔭᖕᒥᒃ ᓴᓇᓐᖑᐊᕐᑎ ᓴᓇᕗᖅ ᐃᑯᒪᒧᑦ ᐅᓈᕐᓯᑎᑉᐸᒃᓗᒍ; ᓴᓇᓕᕐᐳᖅ ᑲᓱᐊᕐᓗᒍ ᒥᒃᓯᑖᕐᑎᑉᐹ, ᓴᓇᓪᓗᓂᐅᒃ ᑕᓕᖓᑕ ᓴᓐᖏᓂᖓᓄᑦ, ᓱᓕᓕ ᑳᓕᕐᐸᒃᐳᖅ, ᑕᖃᓪᓗᓂᓗ; ᐃᒥᖃᑦᑕᕈᓐᓃᑐᐊᕈᓂ ᑕᕝᕙ ᓄᑮᕈᑎᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᓇᕼᐅᒥᐅᑉ ᐊᒡᓚᖏᑦ 2:1

ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᕐᐳᖅ. ᐊᕙᓗᕐᔪᐊᓯ ᖃᐅᔨᓴᕐᑎᖃᓕᕐᓕᑦ; ᐊᖅᑯᑏᑦ ᐅᑦᔨᕐᑐᓕᕐᓯᒋᒃ; ᐅᓇᑕᕐᓂᕐᒧᑦ ᐊᑐᐃᓐᓇᕈᓕᕆᑦᓯ; ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.