ᐂᓮᐊᓯᐅᑉ ᐊᒡᓚᖏᑦ 29:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑐᓵᖏᑦᑐᖅ ᑐᓵᓕᕈᒫᕐᐳᖅ ᐊᒡᓔᑦ ᐅᖃᐅᓯᖏᓐᓂᒃ ᐅᖃᓕᒫᕐᑐᒥᒃ, ᑕᐅᑐᖏᑦᑐᕐᓗ ᑖᕐᓯᐅᕐᓗᓂ ᐃᓅᔪᖅ, ᑕᐅᑐᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 29:18 Iomraidhean Croise

ᐃᓐᖏᕈᑎᑦ 119:18

ᐃᔩᒃᑲᒃ ᑕᑯᑎᒃᑭᒃ, ᑕᑯᖁᓪᓗᖓ ᐱᖁᔭᕕᑦ ᑲᒪᓇᕐᑐᐊᓘᓂᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:12

ᓯᐅᑎ ᑐᓵᔪᖅ ᐃᔨᓗ ᑕᐅᑐᒃᑐᖅ, ᐊᑕᓂᐅᑉ ᑕᒪᕐᒥᒃ ᓴᓇᓯᒪᕚᒃ.

ᐂᓮᐊᓯᐅᑉ ᐊᒡᓚᖏᑦ 29:24

ᐊᓂᕐᓂᕐᒥᒍᑦ ᓯᓔᑦᑑᒐᓗᐊᑦ ᑐᑭᓯᓂᖃᓕᕈᒫᕐᐳᑦ, ᓈᒻᒪᒃᓴᓐᖏᒐᔪᒃᑑᒐᓗᐊᓪᓗ ᐊᔪᕆᕐᑐᕐᑕᐅᓂᕐᒥᒃ ᖁᕕᐊᒋᔭᖃᓕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 32:3

ᐃᔩᑦ ᑕᑯᔪᓐᓇᕐᑐᑦ ᑕᕝᕙᓂ ᑕᑯᓐᓇᑦᓯᐊᕈᒫᕐᐳᑦ, ᑐᓵᔪᓪᓗ ᓯᐅᑎᖏᑦ ᓈᓚᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:5

ᑕᕝᕙ ᑕᐅᑐᖏᑦᑐᑦ ᐃᔨᖏᑦ ᑕᑯᓕᕈᒫᕐᐳᑦ, ᑐᓵᖏᑦᑐᓪᓗ ᓯᐅᑎᖏᑦ ᑐᓵᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:19

ᓇᓪᓕᐊᑦ ᑕᐅᑐᖏᑦᑑᕚ ᐱᔨᑦᑐᑦ, ᑐᓵᖏᓐᓂᕐᓴᕐᑕᖃᕐᐹ ᑎᓕᓯᒪᓪᓗᒍ ᐅᖃᕐᑎᖁᑎᓐᓂᑦ? ᑕᐅᑐᖏᓐᓂᕐᓴᕐᑕᖃᕐᐹ ᐅᕙᓐᓄᑦ ᑐᓂᓯᒪᔪᒥᑦ? ᑕᐅᑐᖏᓐᓂᕐᓴᐅᔪᖃᕆᕙᓘ ᐊᑕᓂᐅᑉ ᐱᔨᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 43:8

ᕾᑦᔪᑎᓕᕐᓯᐅᒃ ᐃᔨᖃᕋᓗᐊᕐᓗᑎᒃ ᑕᐅᑐᖏᑦᑐᑦ, ᓯᐅᑎᖃᕋᓗᐊᕐᓗᑎᒡᓗ ᑐᓵᖏᑦᑐᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑯᓯᐅᑉ ᐊᒡᓚᖏᑦ 7:37

ᑕᒪᑐᒥᖓ ᑐᓴᕐᑐᑦ ᑲᒪᒻᒪᕆᒃᐳᑦ ᐅᖃᕈᓐᓇᕐᑕᖏᑕ ᐅᖓᑖᓄᑦ, ᐅᖃᕐᓗᑎᒃ, “ᖃᓄᐊᓗᖏᓐᓇ ᓱᓇᑐᐃᓐᓇᕐᓂᒃ ᐊᔪᓐᖏᓚᖅ; ᐊᒡᓛᑦ ᑐᓵᖏᑦᑐᑦ ᑐᓴᓕᕐᑎᑉᐰᑦ ᐅᖃᕈᓐᓇᖏᑦᑐᓪᓗ ᐅᖃᕈᓐᓇᕐᓯᑎᓪᖢᒋᑦ.”

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 7:22

ᑖᒃᑯᐊᒃ ᑭᐅᕚᒃ, “ᔪᐊᓇᓯ ᐅᖃᐅᑎᔭᕐᑐᕐᓯᒃᑯᒃ ᑕᑯᔭᑦᓯᖕᓂᒃ ᑐᓴᕐᑕᑦᓯᓐᓂᒡᓗ: ᑕᐅᑐᖏᑦᑐᑦ ᑕᐅᑐᓕᕐᐳᑦ, ᐱᓱᒍᓐᓇᖏᑦᑐᑦ ᐱᓱᒍᓐᓇᕐᓯᕗᑦ, ᐸᕐᑎᕐᑐᑦ ᑲᑉᐱᐊᒋᔭᐅᔪᒥᒃ ᐋᖅᑭᒃᑕᐅᕗᑦ, ᑐᓵᖏᑦᑐᓪᓗ ᑐᓵᓕᕐᐳᑦ, ᑐᖁᖓᔪᓪᓗ ᐆᒻᒪᕐᐳᑦ, ᐊᒃᖢᔪᑦ ᐅᖃᐅᑦᔭᐅᕗᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᔪᐊᓇᓯᐅᑉ ᐊᒡᓚᖏᑦ 9:7

ᐅᖃᐅᑎᓪᓗᒍ, “ᐃᕐᕈᕐᑐᕆᐊᕐᑐᓕᕆᑦ ᓮᓗᐊᑉ ᑕᓯᖓᓄᑦ.” ᓮᓗᐊ ᑐᑭᖃᕐᐳᖅ “ᑎᓕᔭᖅ.” ᑕᕝᕗᖓᓗ ᐂᕗᖅ ᐃᕐᕈᕐᑐᕐᓗᓂ ᑕᐅᑐᓕᕐᓗᓂᓗ ᐅᑎᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᒨᓯᓯ ᑕᓪᓕᒪᖏᑦ 29:4

ᑭᓯᐊᓂᓕ ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᓱᓕ ᑐᑭᓯᑎᓚᐅᕐᓯᒪᓐᖏᓛᓯ ᐊᑐᖃᑦᑕᓚᐅᕐᑕᑦᓯᓐᓂᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.