ᐂᓮᐊᓯᐅᑉ ᐊᒡᓚᖏᑦ 29:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 29:14 Iomraidhean Croise

ᔫᐱᐅᑉ ᐊᒡᓚᖏᑦ 12:17

ᑖᑦᓱᒪ ᓯᓚᑐᔪᑦ ᓯᓚᑐᓂᖃᕈᓐᓁᕐᑎᑉᐰᑦ, ᐃᖅᑲᕐᑐᐃᔩᓪᓗ ᓯᓔᑦᑐᑎᑐᑦ ᐱᓇᓱᐊᕐᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 5:13

ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ; ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 19:3

ᐄᑦᔨᑉᑎᒥᐅᑦ ᐃᓕᖅᑯᓯᖏᑦ ᐊᑐᕈᓐᓃᕈᒫᕐᐳᑦ ᑖᒃᑯᓇᓂ, ᐱᓇᓱᐊᕈᒪᔭᖏᓐᓂᒡᓗ ᓇᓗᓕᕐᑎᑦᓱᒫᕐᐸᒃᑲ; ᒎᑎᓐᖑᐊᒥᖕᓂᒃ ᐊᖓᒃᑯᓂᒡᓗ ᐃᑲᔪᕐᑎᖃᕋᓱᐊᓕᕈᒫᕐᐳᑦ, ᑐᖁᖓᔪᓪᓗ ᐊᓂᕐᓂᖏᓐᓂᒃ ᐱᓇᓱᐊᖃᑦᑕᕐᑐᓂᒃ ᐊᖓᒃᑰᓇᓱᐊᕐᑐᓂᒡᓗ ᑕᑎᖃᕋᓱᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᐅᐸᑍᐊᑉ ᐊᒡᓚᖏᑦ 1:8

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑖᑦᓱᒪᓂ ᐃᓕᓯᒪᔪᑦ ᐲᔭᕐᓂᐊᓐᖏᓚᒃᑳ? ᐄᑐᒥᒥᑦ, ᓯᓚᑐᔪᓪᓗ ᐄᓴᐅᑉ ᖃᖅᑲᖏᓐᓃᑦ?

ᕼᐊᐸᑲᐅᑉ ᐊᒡᓚᖏᑦ 1:5

“ᐃᓅᖃᑎᒌᒡᔪᐊᑦ ᐊᕙᑎᑦᓯᓐᓃᑦᑐᑦ ᑕᑯᓯᒋᒃ, ᑲᒪᓂᐊᕐᐳᓯ ᖁᐊᕐᓵᕐᓗᓯᓗ ᑕᑯᔭᑦᓯᓐᓂᒃ. ᐱᓇᓱᐊᕐᓂᐊᕋᒪ ᐃᓅᑎᓪᓗᓯ ᐊᒡᓛᑦ ᑐᓴᕈᑦᓯᐅᒃ ᐅᒃᐱᕆᒐᔭᓐᖏᑕᑦᓯᓐᓂᒃ.

ᓘᑲᓯᐅᑉ ᐊᒡᓚᖏᑦ 10:24

ᐅᖃᐅᑎᕙᑦᓯ ᓇᓚᐅᑦᑍᔪᑦ ᐊᒥᓱᑦ, ᐊᖓᔪᖅᑳᕐᔪᐊᓪᓗ ᑕᑯᔪᒪᓚᐅᕋᓗᐊᕐᐳᑦ ᒫᓐᓇ ᑕᑯᖃᑦᑕᕐᑕᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕐᑕᑦᓯᓐᓂᒡᓗ ᑐᓴᕈᒪᓚᐅᕋᓗᐊᕐᐳᑦ, ᑐᓴᓚᐅᓐᖏᓚᓪᓗ.”

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:19

ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.”