ᐂᓮᐊᓯᐅᑉ ᐊᒡᓚᖏᑦ 29:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 29:10 Iomraidhean Croise

ᐃᓐᖏᕈᑎᑦ 69:23

ᐃᔨᖏᑦ ᑖᕐᑐᕐᓯᐅᓕᕐᓕᑦ, ᑕᑯᖁᓇᒋᑦ; ᕿᒥᕐᓗᖏᓪᓗ ᓴᓐᖐᑦᑑᖏᓐᓇᓕᕐᓕᑦ.

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 43:27

ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 44:18

ᑍᒤᑦᑐᑦ ᖃᐅᔨᒪᓐᖏᓚᑦ ᑐᑭᓯᓯᒪᓇᑎᒡᓗ; ᑕᑯᓐᓇᕐᑍᓕᒪᒐᒥᒃ ᑕᑯᔪᓐᓇᓐᖏᓚᑦ, ᐃᓱᒪᒥᒃᑎᒍᓪᓗ ᑐᑭᓯᔪᓐᓇᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 4:9

ᐅᓪᓗᖅ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, “ᐊᖓᔪᖅᑳᕐᔪᐊᑦ ᐊᖓᔪᖅᑳᖁᑎᖏᓪᓗ ᓴᐱᕐᓇᕐᑐᒧᑦ ᑎᑭᑕᐅᓂᐊᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑲᑉᐱᐊᓱᖕᓂᐊᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᑲᒪᓂᐊᕐᓗᑎᒃ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:14

ᔨᕉᓴᓕᒥᐅᑦ ᓯᕗᓕᕐᑎᖏᑦ ᐊᖅᑯᑎᑎᒎᖃᑦᑕᕐᐳᑦ ᑕᐅᑐᖏᑦᑐᑎᑐᑦ, ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᕐᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 14:9

“ᓇᓪᓕᐊᑦ ᐱᔪᖃᓛᕐᑐᒥᒃ ᐅᖃᕐᑎ ᐅᐃᕖᕐᕆᔭᐅᓂᒃᑯᑦ ᐅᖃᐅᓯᕐᓂᒃ ᐅᖃᕐᐸᑦ, ᑕᕝᕙ ᐅᕙᖓ ᐊᑕᓂᖅ ᑖᓐᓇ ᐱᔪᖃᓛᕐᑐᒥᒃ ᐅᖃᕐᑎ ᐅᐃᕖᕐᕆᓯᒪᕙᕋ, ᑕᕝᕙ ᐱᔪᓐᓇᕐᓂᓐᓄᑦ ᓵᒃᑲᔭᕐᐸᕋ, ᑐᖁᓪᓗᒍᓗ ᐃᓄᖁᑎᒪ ᐃᓴᕆᐊᓕᒥᐅᑦ ᐊᑯᕐᖓᓐᓂ.

ᒤᑲᐅᑉ ᐊᒡᓚᖏᑦ 2:6

ᓇᓚᐅᑦᑍᔪᒧᑦ ᐅᖃᕐᐳᓯ, “ᑕᒪᒃᑯᓂᖓ ᐊᔪᕆᕐᑐᓐᖏᓚᐅᕐᑎᒍᑦ, ᑍᒤᒻᒪᑦ ᓇᓚᐅᑦᑍᓂᐊᕈᓐᓁᕐᐳᑦ ᐅᕙᑦᑎᓐᓄᑦ; ᓇᕐᕈᓇᕐᓯᑎᑕᐅᓂᐅᑉ ᓵᓚᒋᓂᐊᓐᖏᓛᑎᒍᑦ.”

ᒤᑲᐅᑉ ᐊᒡᓚᖏᑦ 3:1

ᐅᖃᕐᐳᖓ, “ᑐᓴᓚᐅᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑯᒃᑯᓐᓂ, ᐃᓕᑦᓯᓗ ᐊᐅᓚᑦᓯᔨᐅᔪᓯ ᐃᓴᕆᐊᓕᒥᐅᓄᑦ: ᖃᐅᔨᒪᔪᒃᓴᐅᓐᖏᓚᓰ ᐃᖅᑲᕐᑐᐃᑦᓯᐊᕐᓂᕐᒥᒃ?

ᒤᑲᐅᑉ ᐊᒡᓚᖏᑦ 3:6

‘ᑍᒤᒻᒪᑦ ᐅᓐᓄᐊᕐᓯᐅᕐᑐᑐᑦ ᐱᔪᒫᕐᐳᑦ ᑕᑯᑎᑕᐅᓃᑦ ᐱᓪᓗᒋᑦ ᓇᓚᐅᑦᓯᓇᓱᐊᕐᐸᒃᑐᓪᓗ ᐅᓐᓄᐊᕐᓯᐅᕐᑐᑐᑦ ᑍᒤᑦᓱᒫᕐᐳᑦ, ᐅᓪᓗᑐᑦ ᑖᕐᓯᔪᑐᑦ ᑍᒤᑦᓱᒫᕐᒪᑦ.’

ᕉᒪᒥᐅᓄᑦ 11:8

ᑎᑎᕋᕐᓯᒪᖕᒪᑦ, “ᒎᑎᐅᑉ ᑐᓂᓯᕕᒋᕔᑦ ᐊᓂᕐᓂᕐᒥᒃ ᐋᖓᔮᕐᑐᑐᑦ ᑍᒤᓐᓇᕐᑐᒥᒃ, ᐃᔨᒥᖕᓄᑦ ᑕᑯᖁᓇᒋᑦ ᓯᐅᑎᒥᖕᓄᓪᓗ ᑐᓴᖁᓇᒋᑦ, ᐅᓪᓗᒥᒧᑦ ᑎᑭᓪᓗᒍ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᓴᒧᐃᓕ ᓯᕗᓪᓖᑦ 26:12

ᑍᒤᒻᒪᑦ ᓴᐅᓕᐅᑉ ᖃᓗᒋᐊᖓ ᐃᒥᐅᑎᖓᓗ ᓂᐊᖁᐊᑕ ᓴᓂᐊᓃᑦᑑᒃ ᑍᕕᑎᐅᑉ ᑎᒍᓚᐅᕐᐰᑦ; ᐊᐅᓪᓚᕐᓗᑎᒡᓗ. ᖃᐅᔨᔪᖃᓚᐅᓐᖏᓚᖅ ᑕᑯᔪᖃᓚᐅᕋᓂᓗ, ᑐᐸᒃᑐᖃᓚᐅᓐᖏᓚᕐᓘᓐᓃᑦ; ᓯᓂᒃᑐᐃᓐᓇᐅᓚᐅᕐᒪᑕ, ᐊᑕᓂᐅᑉ ᓯᓂᕕᒃᔪᐊᕐᑎᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 9:9

(ᑍᑦᓱᒪᓂ ᐃᓴᕆᐊᓕᒥ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑍᔭᐅᕙᓚᐅᕐᐳᑦ ᓇᓚᐅᑦᑍᔨᒥᒃ, ᓇᓪᓕᐊᑐᐃᓐᓇᖅ ᒎᑎᒧᑦ ᐊᐱᖅᑯᑎᒃᓴᖃᕈᓂ, ᐅᖃᕐᐸᓚᐅᕐᐳᑦ, “ᓇᓚᐅᑦᑍᔨᒧᑦ ᐂᓚᐅᕐᑕ.”)