ᐂᓮᐊᓯᐅᑉ ᐊᒡᓚᖏᑦ 28:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 28:21 Iomraidhean Croise

ᓴᒧᐃᓕ ᐂᑉᐸᖏᑦ 5:20

ᑍᒤᒻᒪᑦ ᑍᕕᑎ ᐰᓕ-ᐱᕋᔨᒻᒧᐊᕐᐳᖅ, ᑍᑲᓂᓗ ᐱᓕᔅᑍᓂᒥᐅᑦ ᓵᓚᒋᕔᑦ; ᐅᖃᕐᐳᕐᓗ, “ᐊᑕᓂᖅ ᓯᕗᓂᓐᓂ ᓵᓚᖃᕐᐳᖅ ᐊᑭᕋᑦᑎᓐᓂᒃ, ᐃᒪᕐᒧᑦ ᖄᒥᐅᑦᔭᐅᔪᐊᑎᑐᑦ.” ᑍᒤᒻᒪᑦ ᑖᓐᓇ ᓄᓇ ᑍᔭᐅᓚᐅᕐᐳᖅ ᐰᓕ-ᐱᕋᔨᒻᒥᒃ.

ᓴᒧᐃᓕ ᐂᑉᐸᖏᑦ 5:25

ᑍᕕᑎᓗ ᐱᓇᓱᐊᓚᐅᕐᐳᖅ ᐊᑕᓂᐅᑉ ᐱᓇᓱᐊᖁᔭᖓᓂᒃ, ᑐᖁᕅᓚᐅᕐᐳᕐᓗ ᐱᓕᔅᑍᓂᒥᐅᓂᒃ ᒋᐸᒥᑦ ᒋᔨᕆᒧᑦ ᑎᑭᓪᓗᒍ.

ᑯᕉᓂᑲ ᓯᕗᓪᓖᑦ 14:11

ᑍᕕᑎᓗ ᒪᔪᐊᕐᐳᖅ ᐰᓕ-ᐱᕋᓯᒻᒧᑦ, ᑕᕝᕙᓂᓗ ᓵᓚᒋᕔᑦ; ᑍᕕᑎᓗ ᐅᖃᕐᐳᖅ, “ᒎᑎ ᓱᕅᕗᖅ ᐊᑭᕋᑦᑎᓐᓂᒃ ᐊᖅᑯᑎᒋᓪᓗᑕ, ᑰᒃᑐᑦ ᓱᐱᔪᑐᑦ.” ᑍᒤᒻᒪᑦ ᑖᓐᓇ ᓄᓇ ᑍᔭᐅᓕᕐᐳᖅ ᐰᓕ-ᐱᕋᔨᒻᒥᒃ.

ᑯᕉᓂᑲ ᓯᕗᓪᓖᑦ 14:16

ᑍᕕᑎᓗ ᑍᒫᒃ ᐱᓇᓱᐊᓚᐅᕐᐳᖅ ᒎᑎᐅᑉ ᐱᖁᔭᖓᓂᒃ, ᐱᓕᔅᑍᓂᒥᐅᓪᓗ ᐅᓇᑕᕐᑐᒃᓴᖏᑦ ᓵᓚᒋᓚᐅᕐᐰᑦ ᒋᐱᐅᓂᒥᑦ ᒋᔨᕆᒧᑦ ᑎᑭᓪᓗᒋᑦ.

ᐃᓐᖏᕈᑎᑦ 94:16

ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 28:19

ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 64:2

ᓲᕐᓗ ᐃᑯᒪ ᐃᑯᐊᓪᓔᕙᖕᒪᑦ ᐊᕚᓚᕿᐊᓂᒃ, ᐃᑯᒪᓗ ᐃᒪᕐᒥᒃ ᑎᕐᑎᓕᕐᑎᑦᓯᕙᒃᓗᓂ, ᐊᑏᑦ ᖃᐅᔨᔭᐅᓕᖁᓪᓗᒍ ᐊᑭᕋᕐᑐᕐᑎᖕᓄᑦ, ᐃᓅᖃᑎᒌᒡᔪᐊᓪᓗ ᓴᔪᖁᓪᓗᒋᑦ ᓇᔫᑎᓂᕐᓄᑦ!

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:33

ᐱᔪᒪᔭᓂ ᒪᓕᒡᓗᒍ ᐋᓐᓂᐊᑎᑦᓯᑐᐃᓐᓇᕈᒪᓐᖏᓚᖅ ᕿᒃᓵᒃᑎᑦᓯᑐᐃᓐᓇᕈᒪᓇᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 33:21

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 12ᒋᓕᕐᑕᖓᓐᓂ, ᑕᖅᑮᑦ 10ᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᖑᒻᒧᑦ ᔨᕉᓴᓕᒥᑦ ᐊᓐᓇᒃᑐᕕᓂᕐᒧᑦ ᐅᐸᒃᑕᐅᓪᓗᖓ ᐅᖃᐅᑦᔭᐅᕗᖓ, “ᐃᒡᓗᒐᓮᑦ ᓵᓚᐅᕗᑦ.”

ᕼᐊᐸᑲᐅᑉ ᐊᒡᓚᖏᑦ 1:5

“ᐃᓅᖃᑎᒌᒡᔪᐊᑦ ᐊᕙᑎᑦᓯᓐᓃᑦᑐᑦ ᑕᑯᓯᒋᒃ, ᑲᒪᓂᐊᕐᐳᓯ ᖁᐊᕐᓵᕐᓗᓯᓗ ᑕᑯᔭᑦᓯᓐᓂᒃ. ᐱᓇᓱᐊᕐᓂᐊᕋᒪ ᐃᓅᑎᓪᓗᓯ ᐊᒡᓛᑦ ᑐᓴᕈᑦᓯᐅᒃ ᐅᒃᐱᕆᒐᔭᓐᖏᑕᑦᓯᓐᓂᒃ.

ᔮᓱᐊᑉ ᐊᒡᓚᖏᑦ 10:10

ᐊᑕᓂᐅᓪᓗ ᐊᒧᕅᑎᒥᐅᑦ ᐅᐃᒪᔮᕐᑎᓚᐅᕐᐰᑦ ᑕᑯᑐᐊᕐᒪᑕ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᐃᓴᕆᐊᓕᒥᐅᓂᑦ ᒋᐱᐅᓂᒥ ᐅᓄᕐᑐᐊᓗᐃᑦ ᑐᖁᕋᕐᑕᐅᓚᐅᕐᐳᑦ, ᒪᓕᒃᑕᐅᓪᓗᑎᒡᓗ ᐊᖅᑯᑎᒃᑯᑦ ᖃᖅᑲᒥᑦ ᐱᑦ-ᕼᐅᕋᓐᒧᑦ ᑐᕌᕐᑐᒃᑯᑦ, ᐅᓇᑍᓐᓇᓚᐅᕐᐰᓪᓗ ᐊᔨᑲᒧᑦ ᒪᑮᑕᒧᓪᓗ ᑎᑭᓪᓗᑎᒃ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᔮᓱᐊᑉ ᐊᒡᓚᖏᑦ 10:12

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”