ᐂᓮᐊᓯᐅᑉ ᐊᒡᓚᖏᑦ 28:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᐂᓮᐊᓯᐅᑉ ᐊᒡᓚᖏᑦ 28:19 Iomraidhean Croise

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 18:13

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐊᐅᓚᑦᓯᓂᖓᑕ ᐊᕐᕌᒍᖏᑕ 14ᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᐅᑉ, ᔫᑕᐅᑉ ᐃᒡᓗᒐᓴᒡᔪᐊᖏᓐᓂᒃ ᐱᔭᐅᑦᔧᕐᓯᒪᔫᒐᓗᐊᓂᒃ ᐅᓇᑖᕆᐊᕋᒥ ᓵᓚᒋᕔᑦ.

ᐊᑕᓃᑦ ᐂᑉᐸᖏᑦ 21:12

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᑕᑯᒋᑦ, ᑲᑉᐱᐊᓇᕐᑐᒥᒃ ᐱᓇᓱᐊᕈᒫᕐᐳᖓ ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᐱᐅᓐᖏᓗᐊᕐᓂᖓᓄᑦ ᑐᓴᕐᑐᑦ ᑕᑕᒥᓯᒪᔪᒫᕐᐳᑦ.

ᐊᑕᓃᑦ ᐂᑉᐸᖏᑦ 24:2

ᐊᑕᓂᕐᓗ ᑲᐅᓪᑎᐊᒥᐅᑦ ᐅᓇᑕᕐᑎᒐᓴᒡᔪᐊᖏᓐᓂᒃ ᐅᓇᑕᕆᐊᕐᑎᑦᓯᕗᖅ ᔨᕼᐅᐃᐊᑭᒻᒧᑦ, ᓯᕆᐊᒥᐅᓂᑦ, ᒧᐊᐱᒥᐅᓂᑦ ᐊᒧᓁᑎᓂᑦ, ᑲᑐᑦᔭᐅᓪᓗᓂ ᑖᒃᑯᓇᓐᖓ ᔫᑕ ᐊᓯᕈᕐᑕᐅᖁᓪᓗᒍ, ᐊᑕᓂᐅᑉ ᐅᖃᐅᓯᕆᓯᒪᔭᖓ ᐅᖃᕐᑎᒥᒍᑦ ᒪᓕᒡᓗᒍ ᑍᒤᑦᓱᒫᕐᓂᕋᕐᓗᒍ ᐅᖃᕐᓯᒪᓚᐅᕋᒥ.

ᔫᐱᐅᑉ ᐊᒡᓚᖏᑦ 18:11

ᖁᐊᕐᓵᕐᓇᕐᑐᒧᑦ ᑲᑉᐱᐊᓱᒃᑎᑕᐅᓂᐊᕐᐳᖅ ᐊᕙᑎᓕᒫᖓᓂᑦ; ᑭᖕᒥᖓᓄᑦ ᐊᒃᑐᐊᔪᒥᒃ ᒪᓕᒃᑕᐅᖏᓐᓇᕐᓂᐊᕐᐳᖅ.

ᔫᐱᐅᑉ ᐊᒡᓚᖏᑦ 24:17

ᑖᕐᑐᐊᓗᖕᒥᒃ ᐅᓪᓛᖃᖔᕐᐳᑦ ᑕᒪᕐᒥᒃ; ᑲᑉᐱᐊᓵᕆᔨᓂᒃ ᑖᕐᑐᐊᓗᖕᒥᐅᑕᓂᒡᓗ ᐃᓚᓐᓇᕆᔭᖃᕐᐳᑦ.”

ᔫᐱᐅᑉ ᐊᒡᓚᖏᑦ 41:9

ᑕᑯᒋᑦ, ᑍᒤᑦᑐᒥᒃ ᑕᑯᔪᖅ ᓴᐱᓕᑲᐅᑎᒋᓲᖑᕗᖅ; ᐊᒡᓛᑦ ᑕᑯᑐᐃᓐᓇᕐᑐᖅ ᓄᓇᒧᑦ ᐹᒻᒪᒍᒪᓕᕈᓐᓇᕐᐳᖅ.

ᔫᐱᐅᑉ ᐊᒡᓚᖏᑦ 6:4

ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.

ᐃᓐᖏᕈᑎᑦ 55:4

ᐆᒻᒪᑎᒐ ᐊᖏᔪᒥᒃ ᐋᓐᓂᐊᕐᐳᖅ ᐃᓗᓐᓂ, ᑐᖂᓪᓗ ᑲᑉᐱᐊᓇᕐᓂᖓᑕ ᐅᕐᕈᕝᕕᒋᕚᖓ.

ᐃᓐᖏᕈᑎᑦ 88:15

ᐋᓐᓂᐊᑖᕐᓯᒪᕗᖓ ᑐᖁᑐᐃᓐᓇᕆᐊᖃᓕᕐᓗᖓ ᐃᓅᓱᒃᑑᓪᓗᖓ ᓱᓕ, ᑲᑉᐱᐊᓇᕐᑐᒦᑎᑦᓯᓃᑦ ᐃᓗᖏᕐᑐᕈᑎᒋᕙᕋ; ᐃᑲᔪᕐᑎᒃᓴᖃᕐᓇᖓᓗ.

ᐂᓮᐊᓯᐅᑉ ᐊᒡᓚᖏᑦ 33:7

ᐃᓛᒃ ᓯᕘᕋᒋᔭᖃᖏᑦᑐᖁᑎᖏᑦ ᐃᑲᔪᕐᑕᐅᔪᒪᓪᓗᑎᒃ ᕿᓄᕗᑦ ᓯᓚᑖᓂ, ᐃᓅᖃᑎᒌᑦᓯᐊᓕᕈᑎᒃᓴᒥᒃ ᐱᓇᓱᐊᕆᐊᕐᑐᕐᑎᑕᐅᓯᒪᔪᑦ ᕿᐊᕐᔪᐊᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 36:22

ᑕᕝᕙ ᐃᓔᐊᑭᒻ, ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨ, ᓯᑉᓇᓗ ᐊᒡᓚᒃᑎ, ᔪᐊᓗ ᐊᓴᐸᐅᑉ ᐃᕐᓂᖓ, ᐊᓐᓄᕌᒥᖕᓂᒃ ᐊᓕᒃᑐᐃᕗᑦ ᕿᒃᓵᖕᓂᕐᒧᑦ, ᕼᐃᓯᑬᐊᒧᓪᓗ ᐂᕗᑦ ᑐᓴᕐᑎᒋᐊᕐᑐᕐᓗᒍ ᐊᓯᕆᐊᒥᐅᑦ ᐊᖓᔪᖅᑳᖁᑎᖏᑦᑕ ᐅᖃᐅᓯᕆᔭᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 37:3

ᐃᒫᒡᓗ ᐅᖃᕐᐳᑦ, “ᕼᐃᓯᑬᐊ ᐅᖃᖁᔨᖕᒪᑦ, ‘ᐅᓪᓗᒥ ᐅᖁᒤᒃᓴᕐᓇᕐᑑᖕᒪᑦ; ᓱᒋᐊᕐᑕᐅᒐᑦᑕ, ᑲᓐᖑᓇᕐᑐᒦᑎᑕᐅᕗᒍᑦ; ᐊᕐᓇᒥᒃ ᐃᕐᓂᓱᒃᑐᒥᒃ ᐊᑦᔨᖃᓕᕐᐳᒍᑦ ᓄᑭᖃᑦᓯᐊᕈᓐᓃᒧᑦ ᐃᕐᓂᔪᓐᓁᓪᓕᖅᑲᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 19:3

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 4:5

ᔫᑕᒥᐅᑦ ᔨᕉᓴᓕᒥᐅᓪᓗ ᑐᓴᕐᑎᓕᕐᓯᒋᒃ ᐅᖃᐅᑎᓗᒋᓪᓗ, “ᑎᑦᑐᓚᐅᑏᑦ ᓂᓪᓕᕐᑎᓕᕐᓯᒋᒃ ᑐᓴᕐᑕᐅᖁᓪᓗᒋᑦ ᓄᓇᓕᓕᒫᓄᑦ! ᓂᐱᖅᑯᕐᑐᓗᓯ ᐅᖃᓕᕆᑦᓯ, ‘ᑲᑎᓚᐅᕐᑕ, ᐂᓗᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ.’

ᔨᕆᒤᐊᐅᑉ ᐊᒡᓚᖏᑦ 4:9

ᐅᓪᓗᖅ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, “ᐊᖓᔪᖅᑳᕐᔪᐊᑦ ᐊᖓᔪᖅᑳᖁᑎᖏᓪᓗ ᓴᐱᕐᓇᕐᑐᒧᑦ ᑎᑭᑕᐅᓂᐊᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑲᑉᐱᐊᓱᖕᓂᐊᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᑲᒪᓂᐊᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 6:24

“ᑐᓴᐅᒪᓕᕋᑦᑎᒍ ᑕᓕᕗᑦ ᓄᑭᖃᕈᓐᓃᕐᐳᑦ, ᐃᓱᒫᓗᓕᕐᓗᑕᓗ ᐋᓐᓂᐊᓕᕐᐳᒍᑦ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:22

ᓇᓪᓕᐅᓐᓂᕐᓯᐅᕐᑐᖃᕐᑎᓪᓗᒍ ᓂᕆᕕᒃᔪᐊᕆᐊᕐᑐᖁᔨᔪᖃᕐᐸᖕᒪᑦ ᑲᑉᐱᐊᓇᕐᑐᒥᒃ ᐅᖓᓗᔭᐅᑎᓚᐅᕐᐸᕐᒪ, ᐅᓪᓗᕐᒥ ᐊᑕᓂᐅᑉ ᓂᓐᖓᕕᒃᔪᐊᕐᕕᐊᓂ ᕿᒫᔪᖃᕈᓐᓇᕐᓂᐊᓐᖏᓚᖅ ᐃᓅᔪᖃᕈᓐᓇᕐᓂᐊᕋᓂᓗ, ᕿᑐᕐᖓᒃᑲ ᐱᕈᕐᑎᓚᐅᕐᑕᒃᑲ ᓇᒡᓕᒋᓪᓗᒋᑦ ᑐᖁᑕᐅᑎᑉᐰᑦ.

ᑖᓂᐊᓕᐅᑉ ᐊᒡᓚᖏᑦ 7:28

“ᑖᒃᑯᐊ ᑕᕝᕙ ᑕᑯᑎᑕᐅᓃᑦ ᐃᓱᐊᑦ, ᐅᕙᖓ ᑖᓂᐊᓕ ᐃᓱᒪᔮᕈᑎᒋᓚᐅᕐᐸᒃᑲ, ᑮᓇᕋᓗ ᐊᐅᖃᕈᓐᓃᓚᐅᕐᐳᖅ, ᑭᓇᒧᓪᓘᓐᓃᑦ ᐅᖃᓚᐅᓐᖏᓚᖓ ᐆᒻᒪᒻᒥᐅᑕᕆᑐᐃᓐᓇᓚᐅᕐᐸᒃᑲᓕ.”

ᑖᓂᐊᓕᐅᑉ ᐊᒡᓚᖏᑦ 8:27

ᐅᕙᖓ, ᑖᓂᐊᓕ, ᑕᖃᓚᐅᕐᐳᖓ ᐅᓪᓗᓂᒡᓗ ᐅᓄᕐᑐᓂᒃ ᖃᓂᒪᓪᓗᖓ, ᑭᖑᓂᖓᒍᑦ ᒪᑭᓐᓇᒪ ᐊᖓᔪᖅᑳᕐᔪᐊᑉ ᐱᔭᒃᓴᐅᑎᑕᖏᓐᓂᒃ ᐱᓇᓱᐊᓕᓚᐅᕆᕗᖓ. ᑕᑕᒥᓐᓂᐊᓚᐅᕐᐳᖓᓕ ᑕᑯᑎᑦᔪᑎᓂᒃ ᑐᑭᓯᔭᐅᔪᓐᓇᕐᑑᑉ ᐅᖓᑖᓃᓚᐅᕐᒪᑕ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᓴᒧᐃᓕ ᓯᕗᓪᓖᑦ 3:11

ᑕᕝᕙ ᐊᑕᓂᐅᑉ ᓴᒧᐃᓕ ᐅᖃᐅᑎᕚ, “ᑕᑯᒋᑦ, ᐱᓇᓱᐊᕈᒪᓕᕐᐳᖓ ᐃᓴᕆᐊᓕᒥᐅᓄᑦ, ᓯᐅᑎᓖᓪᓗ ᓇᓪᓕᐊᑦ ᑐᓴᕐᑐᑦ ᖁᐊᕐᓵᕈᒫᕐᐳᑦ.