ᐂᓮᐊᓯᐅᑉ ᐊᒡᓚᖏᑦ 27:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓴᕆᐊᓕᒥᐅᑦ ᓱᒋᐊᕐᑕᐅᓯᒪᓗᐊᖏᓐᓂᕐᓴᐅᕗᑦ ᐊᑭᕋᕐᒥᒃᑎᑐᑦ, ᐅᓇᑕᕐᑎᖁᑎᖏᓪᓗ ᐅᓄᕐᑐᕌᕐᑕᐅᓯᒪᖏᓐᓂᕐᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:7 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 10:17

ᐃᓴᕆᐊᓕᒥᐅᑦ ᖃᐅᒪᓂᖓ ᐃᑯᒪᓐᖑᕈᒫᕐᐳᖅ, ᐃᑦᔪᕐᓁᑦᑐᖁᑎᖓᓗ ᐃᑯᐊᓚᔪᒫᕐᓗᓂ; ᐃᑯᐊᓪᓔᓗᓂ ᓄᖒᑦᓯᓗᓂᓗ. ᑲᑭᓪᓚᕐᓇᕐᑐᖁᑎᒥᓂᒃ ᐅᕐᐱᒐᖁᑎᒥᓂᒡᓗ ᐅᓪᓗᒥ ᐊᑕᐅᓯᕐᒥ.

ᐂᓮᐊᓯᐅᑉ ᐊᒡᓚᖏᑦ 17:14

ᐅᓐᓄᒃᑯᑦ ᑕᑯᒋᑦ, ᑲᑉᐱᐊᓇᕐᑐᖃᓕᕐᐳᖅ! ᐅᓪᓛᓐᖑᓛᐅᕐᑎᓐᓇᒍ ᓱᓇᑕᖃᕈᓐᓃᕐᐳᖅ! ᑍᒫᒃ ᑕᕝᕙ ᑭᒃᑯᑐᐃᓐᓁᑦ ᓄᓇᑦᑎᓐᓂᒃ ᓄᓁᕈᑦᔨᓇᓱᒃᑐᑦ ᐱᔪᒫᕐᐳᑦ, ᐅᕙᑦᑎᓐᓂᒡᓗ ᓱᓁᕈᑦᔨᓇᓱᐊᕐᑐᑦ ᓇᓚᐅᑦᑖᕈᑎᒃᑯᑦ ᐱᕖᕈᑦᔭᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 17:3

ᐊᕙᓗᕐᔪᐊᕐᑕᐅᖅ ᐃᕗᕅᑎᒦᑦᑐᖅ ᐱᑕᖃᕈᓐᓃᕈᒫᕐᐳᖅ, ᐊᖓᔪᖅᑳᕐᔪᐊᖃᕐᕕᒡᓗ ᑕᒫᓯᑰᓯᒥ ᐱᑕᖃᕈᓐᓃᕐᓗᓂ; ᓯᕆᐊᒥᐅᑦ ᐊᒥᐊᒃᑯᖏᑦ ᐃᓴᕆᐊᓕᒥᐅᑎᑐᑦ ᑍᒤᓕᕈᒫᕐᐳᑦ ᐊᔪᖏᑦᑐᕐᔪᐊᓐᖑᕐᓗᑎᒃ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:31

ᐊᓯᕆᐊᒥᐅᑦ ᖁᐊᕐᓵᖓᓗᑎᒃ ᑲᑉᐱᐊᓱᖕᓂᖃᕈᒫᕐᐳᑦ ᐊᑕᓂᐅᑉ ᓂᐱᖓᓂᒃ ᑐᓴᓕᕈᑎᒃ, ᐊᔭᐅᑉᐱᐊᒥᓄᑦ ᐊᓇᐅᓯᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 31:8

ᐊᓯᕆᐊᒥᐅᑦ ᐊᓯᕈᕐᑕᐅᔪᒫᕐᐳᑦ ᐅᓇᑕᕐᓂᕐᔪᐊᕐᒧᑦ, ᐃᓄᒃᑎᒍᑦ ᐱᖏᑦᑐᒧᑦ; ᓴᕕᒡᔪᐊᒧᑦ ᐃᓄᖕᒥᑦ ᐱᖏᑦᑐᒧᑦ, ᓄᖑᑕᐅᔪᒫᕐᐳᑦ; ᓴᕕᒡᔪᐊᒥᑦ ᕿᒫᔪᒫᕐᐳᑦ, ᐅᕕᒐᕐᑐᖁᑎᖏᓪᓗ ᐊᒃᓱᕈᕐᑎᑕᐅᓗᑎᒃ ᐱᓇᓱᐊᕐᑎᒋᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᔨᕆᒤᐊᐅᑉ ᐊᒡᓚᖏᑦ 50:40

ᒎᑎᐅᓪᓗ ᓄᖑᑕᐅᑎᑦᓯᓂᕆᓚᐅᕐᑕᖓᑐᑦ ᓱᑑᒪᒥᐅᓂᒃ ᒍᒨᕋᒥᐅᓂᒡᓗ, ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓗᒋᑦ, ᐊᑕᓂᖅ ᐅᖃᕐᐳᖅ, ᓄᓇᖃᕐᕕᐅᔪᓐᓃᕈᒫᕐᐳᖅ ᐃᓄᖃᐅᕈᓐᓃᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᓇᕼᐅᒥᐅᑉ ᐊᒡᓚᖏᑦ 1:14

ᐊᑕᓂᖅ ᐱᖁᔭᓕᐅᓚᐅᕐᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᓂᐊᕈᓐᓁᕐᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᕐᓯᒪᔪᑦ ᖄᐹᓕᕐᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᕐᐸᒃᑲ. ᒫᓐᓇ ᐃᑎᕐᓴᓕᐅᕆᓕᕐᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”

ᓇᕼᐅᒥᐅᑉ ᐊᒡᓚᖏᑦ 3:19

ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.