ᐂᓮᐊᓯᐅᑉ ᐊᒡᓚᖏᑦ 27:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 27:10 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 17:2

ᐃᒡᓗᒐᓴᒡᔪᐊᖏᑦ ᐃᓄᐃᕈᑎᔪᒫᕐᐳᑦ ᕿᒤᓐᓇᕐᑕᐅᓗᑎᒃ; ᓰᐱᓄᑦ ᓂᕆᓇᓱᒡᕕᑐᐃᓐᓇᐅᓕᕈᒫᕐᐳᑦ, ᐊᖁᐱᕕᐅᓗᑎᒃ, ᕿᒫᑎᑦᓯᔨᒃᓴᖃᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 17:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐃᒡᓗᒐᓴᒡᔪᐊᑦ ᐱᔭᐅᔪᓐᓇᖏᑦᑐᐊᓗᐃᑦ ᐃᓄᐃᕈᑎᔪᒫᕐᐳᑦ ᓯᖁᑦᑎᕐᓂᑯᑐᐃᓐᓇᐅᓕᕐᓗᑎᒡᓗ, ᕼᐃᕔᑎᑦ ᐊᒧᕅᑎᓪᓗ ᐃᒡᓗᒐᓴᒡᔪᐊᒥᖕᓂᒃ ᕿᒤᕙᖕᓂᕆᓚᐅᕐᑕᖏᑎᑐᑦ ᐃᓴᕆᐊᓕᒥᐅᓂᒃ ᕿᒫᓇᓱᐊᕐᓗᑎᒃ, ᐃᓄᖃᕐᑐᕕᓂᐅᔮᕈᓐᓃᕈᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 24:10

ᐃᒡᓗᒐᓴᒡᔪᐊᕐᒥᐅᓂ ᐃᓄᖏᑦ ᑐᑮᕈᑎᓕᕐᐳᑦ, ᐃᓄᐃᑦ ᐃᒡᓗᒥᖕᓂ ᑮᒍᑎᓯᒪᕙᓕᕐᐳᑦ ᓴᐳᑎᓯᒪᓇᓱᒃᓗᑎᒃ ᐃᒻᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 25:2

ᐃᒡᓗᒐᓴᒡᔪᐊᑦ ᓱᓇᐅᔪᓐᓃᕐᑎᖃᑦᑕᕐᓯᒪᒐᕕᒋᑦ, ᐊᕙᓗᕐᔪᐊᓕᐅᕐᓯᒪᔫᒐᓗᐊᓪᓗ ᐊᓯᕈᕐᑕᐅᑎᖃᑦᑕᕐᓯᒪᓪᓗᒋᑦ, ᐊᑭᕅᑦ ᐊᖓᔪᖅᑳᕐᔪᐊᒥᖕᓄᑦ ᐃᒡᓗᕐᔪᐊᓕᐊᕆᓚᐅᕐᑕᖏᑦ ᓇᑉᐸᒃᑲᓐᓂᕐᓂᐊᕈᓐᓃᕐᑐᒥᒃ ᐅᕐᕉᕋᕐᑎᓯᒪᕙᑎᑦ.

ᐂᓮᐊᓯᐅᑉ ᐊᒡᓚᖏᑦ 32:19

ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:1

ᓄᓇ ᓯᐅᕅᓐᓇᖅ ᓄᓇᓗ ᐸᓂᕐᓂᑯ ᖁᕕᐊᓱᓕᕈᒫᕐᐳᑦ; ᓄᓇᓗ ᓱᓇᖃᔪᐃᑦᑐᖅ ᖁᕕᐊᓱᓕᕈᒫᕐᐳᖅ ᐱᕈᕐᑎᑦᓯᑦᓯᐊᓕᕐᓗᓂᓗ; ᓄᓇᕋᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 64:10

ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 7:21

“ᐅᓪᓗᒥᓗ ᑖᑦᓱᒪᓂ ᐊᖑᑦ ᐃᒻᒧᒃᓯᐅᒐᕐᒥᒃ ᐃᓅᓱᒃᑐᒥᒃ ᐊᑕᐅᓯᕐᒥᒃ ᐆᒪᑎᑦᓯᔪᒫᕐᐳᖅ ᓰᐲᖕᓂᒡᓗ ᒪᕐᕉᖕᓂᒃ;

ᐂᓮᐊᓯᐅᑉ ᐊᒡᓚᖏᑦ 7:25

ᐱᖑᐃᓪᓗ ᐱᕈᕐᓰᕕᓕᕆᑦᔪᑎᓄᑦ ᓴᓇᔭᐅᕙᓚᐅᕐᑐᑦ ᐅᕐᐱᒐᖃᓗᐊᕐᓂᖏᓐᓄᑦ ᑲᑭᓪᓚᕐᓇᕐᑐᓕᖕᓂᒃ ᐅᐸᒃᑕᐅᔭᕆᐊᒃᓴᖅ ᑲᑉᐱᐊᒋᔭᐅᓕᕈᒫᕐᐳᖅ; ᐃᒻᒧᒃᓯᐅᒐᕐᓄᑦ ᓰᐱᓄᓪᓗ ᓂᕆᓇᓱᐊᕐᕕᑐᐃᓐᓇᐅᓕᕐᓗᓂ.”

ᔨᕆᒤᐊᐅᑉ ᐊᒡᓚᖏᑦ 25:37

ᓇᑎᕐᓇᔮᓪᓗ ᐃᕕᒃᓱᒑᖃᐅᑦᓯᐊᕐᑐᑦ ᑭᓱᒃᓴᐅᔪᓐᓃᕐᑎᑕᐅᓯᒪᕗᑦ, ᐊᑕᓂᐅᑉ ᓂᓐᖓᕕᒡᔪᐊᕐᓯᒪᓂᕐᒥᓄᑦ ᐱᓇᓱᐊᕐᕕᒋᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:18

ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ, ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 36:4

ᑍᒤᒻᒪᑦ, ᐃᓴᕆᐊᓕᐅᑉ ᖃᖅᑲᖏᑦ, ᑐᓴᕆᑦᓯ ᐊᑕᓂᐅᑉ ᒎᑎᐅᑉ ᐅᖃᐅᓯᖓᓂᒃ: ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᖃᖅᑲᓄᑦ ᐱᖑᕐᓄᓪᓗ, ᑰᕈᖕᓄᑦ ᓇᕐᓴᓄᓪᓗ, ᓱᓁᕈᑦᔭᐅᓂᑯᓄᑦ ᓱᓇᐅᔪᓐᓃᕐᑐᓄᑦ ᐃᒡᓗᒐᓴᖕᓄᓪᓗ ᕿᒪᒃᑕᐅᓂᑯᓄᑦ, ᐱᖁᑍᕈᑦᔭᐅᓂᑯᓄᑦ ᒥᑕᐅᑎᒋᔭᐅᕙᓕᕐᑐᓄᓪᓗ ᐃᓅᖃᑎᒌᒡᔪᐊᓄᑦ ᖃᓂᒋᔮᓃᑦᑐᓄᑦ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”