ᐂᓮᐊᓯᐅᑉ ᐊᒡᓚᖏᑦ 26:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᐂᓮᐊᓯᐅᑉ ᐊᒡᓚᖏᑦ 26:4 Iomraidhean Croise

ᑯᕉᓂᑲ ᐂᑉᐸᖏᑦ 20:20

ᐅᓪᓛᒻᒪᕆᒃᑯᓪᓗ ᒪᑭᑉᐳᑦ ᐂᓗᑎᒡᓗ ᐃᓄᖃᔪᐃᑦᑐᒧᑦ ᑎᑯᐊᒧᑦ; ᐊᐅᓪᓚᕐᑎᓪᓗᒋᑦ, ᔨᕼᐆᓴᐸᑦ ᓂᑯᕕᓪᓗᓂ ᐅᖃᕐᐳᖅ, “ᑐᓴᕐᓯᓐᖓ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᓯ! ᐅᒃᐱᕆᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᐃᓂᓪᓚᒃᑎᑕᐅᓂᐊᕐᐳᓯ; ᐅᖃᕐᑎᖏᑦ ᐅᒃᐱᕆᓯᒋᒃ, ᑕᕝᕙ ᒪᑭᑎᑕᐅᓂᐊᕐᐳᓯ.”

ᑯᕉᓂᑲ ᐂᑉᐸᖏᑦ 32:8

ᐱᔪᓐᓇᐅᑎᖃᕐᒪᑦ ᑎᒥᒃᑯᑦ ᐅᓇᑕᕐᑎᓂᒃ; ᐅᕙᒍᓪᓕ ᐱᔪᓐᓇᐅᑎᖃᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᐃᑲᔪᕐᓂᐊᕐᑐᖅ ᐅᓇᑕᐅᑦᔨᓗᓂᓗ ᐅᕙᑦᑎᓐᓂᒃ.” ᐃᓄᐃᓪᓗ ᓴᐱᕈᓐᓃᕐᑎᑕᐅᕗᑦ ᕼᐃᓯᑬᐊᐅᑉ ᔫᑕᒥ ᐊᖓᔪᖅᑳᕐᔪᐊᑉ ᐅᖃᐅᓯᖏᓐᓄᑦ.

ᔫᐱᐅᑉ ᐊᒡᓚᖏᑦ 9:19

ᓲᖑᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᑕᑯᒋᑦ ᓲᖑᓗᐊᕐᐳᖅ! ᐊᑦᔨᒌᒃᑎᑦᓯᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᓇᓪᓕᐊᑦᑕ ᐂᖁᔪᓐᓇᕋᔭᕐᐸᐅᒃ?

ᐃᓐᖏᕈᑎᑦ 125:1

ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 55:22

ᐅᖁᒤᒃᓴᐅᑎᒋᔭᑎᑦ ᐊᑕᓂᕐᒧᑦ ᑐᓂᒃᑭᑦ, ᑖᑦᓱᒪ ᑕᕝᕙ ᓴᐳᑎᓂᐊᕐᐹᑎᑦ; ᐃᓄᐃᑦ ᓱᓕᑦᓯᐊᕋᓱᐊᕐᑐᑦ ᓵᓚᒋᔭᐅᑎᓚᐅᕐᓯᒪᓂᐊᓐᖏᓔᑦ.

ᐃᓐᖏᕈᑎᑦ 62:11

ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ, ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᐃᓐᖏᕈᑎᑦ 62:9

ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ, ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ; ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.

ᐃᓐᖏᕈᑎᑦ 66:7

ᐊᐅᓚᑦᓯᕗᖅ ᐱᔪᓐᓇᕐᓂᕐᔪᐊᒥᓄᑦ ᐃᓱᖃᖏᑦᑐᒧᑦ, ᐃᔨᒥᓄᑦ ᑕᑯᓐᓈᕐᐳᖅ ᐃᓅᖃᑎᒌᒡᔪᐊᓂᒃ— ᐊᑭᕋᕐᑐᕐᑏᑦ ᒪᑭᓐᓂᐊᓐᖏᓚᑦ ᐊᑭᕋᕐᑐᕐᓗᑎᒃ ᑖᑦᓱᒧᖓ. ᓰᓚ

ᐃᓐᖏᕈᑎᑦ 93:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 63:1

ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᒨᓯᓯ ᑕᓪᓕᒪᖏᑦ 33:27

ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᓴᒧᐃᓕ ᓯᕗᓪᓖᑦ 2:2

ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ; ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.