ᐂᓮᐊᓯᐅᑉ ᐊᒡᓚᖏᑦ 26:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᒡᓗᑦᓯᓐᓄᑦ ᐃᑎᐅᖅᑲᓕᕆᑦᓯ, ᐃᓄᖁᑎᒃᑲ, ᐃᑎᕈᑦᓯ ᐅᒃᑯᐊᓯ ᐅᒃᑯᐊᕐᓗᒋᑦ; ᐃᔨᕐᓯᒪᑬᓐᓇᕆᑦᓯ ᒎᑎᐅᑉ ᓂᓐᖓᐅᒪᓂᖓ ᐊᓂᒍᕐᓯᐊᕆᓗᒍ.

ᐂᓮᐊᓯᐅᑉ ᐊᒡᓚᖏᑦ 26:20 Iomraidhean Croise

ᒨᓯᓯ ᓯᕗᓪᓖᑦ 7:1

ᐊᑕᓂᕐᓗ ᓄᐊᕐᒧᑦ ᐅᖃᕐᐳᖅ, “ᐅᒥᐊᕐᔪᐊᒧᑦ ᐃᑭᓕᕆᑦ, ᐃᓚᓕᒫᑎᑦ ᐃᓚᒋᓗᒋᑦ; ᖃᐅᔨᓯᒪᓕᕋᒪ ᓵᓐᓂ ᓯᓚᕐᔪᐊᓕᒫᒥ ᐃᓱᐊᕐᑐᒥᒃ ᐱᓇᓱᐊᕐᑐᑑᒐᕕᑦ ᒫᓐᓇ ᐃᓅᔪᓂ.

ᒨᓯᓯ ᓯᕗᓪᓖᑦ 7:16

ᐃᑎᕐᑐᓪᓗ, ᐊᖑᑎᑦ ᐊᕐᓁᓪᓗ ᑎᒥᖃᕐᑐᓕᒫᑦ, ᐃᑎᓚᐅᕐᐳᑦ ᒎᑎᐅᑉ ᑍᒫᒃ ᐱᖁᓚᐅᕐᒪᒍ; ᐊᑕᓂᐅᓪᓗ ᑕᕝᕙ ᒪᑐᑦᔪᑎᕚ.

ᔫᐱᐅᑉ ᐊᒡᓚᖏᑦ 14:13

ᑕᕝᕙᑐᖅ ᐃᔨᕐᓯᒪᑎᓚᐅᓐᖓ ᑐᖁᖓᔪᑦ ᓄᓇᖓᓂ; ᑕᕝᕙᓂᓗ ᐃᔨᕐᓯᒪᑎᓪᓗᖓ ᓂᓐᖓᐅᒪᓃᑦ ᐊᓂᒍᓚᐅᖏᓐᓂᖓᓂ, ᐱᕕᒃᓴᒥᒡᓗ ᐋᖅᑭᒃᓯᓗᑎᑦ, ᐃᖅᑲᕐᑕᐅᔪᓐᓇᖁᓪᓗᖓ ᓈᒻᒪᒃᓯᒃᐸᑦ.

ᐃᓐᖏᕈᑎᑦ 143:9

ᐊᑕᓃᖅ, ᓴᐳᑎᓚᐅᓐᖓ ᐊᑭᕋᕐᑐᕐᑎᓐᓂᑦ! ᐃᓕᖕᓄᑦ ᕿᒫᒐᒪ ᐃᔨᕐᓯᒪᑎᑕᐅᔪᒪᓪᓗᖓ.

ᐃᓐᖏᕈᑎᑦ 17:8

ᓴᐳᑎᓯᒪᓚᐅᓐᖓ ᓲᕐᓗ ᐃᔨᕕᑦ ᑕᑯᓐᓇᑎᖓᑐᑦ ᐱᓐᓇᕆᔭᕐᑐᑦ; ᐃᔨᕐᓯᒪᑎᓪᓗᖓ ᐃᓴᕈᕐᐱᑦ ᑕᕐᕋᓕᓂᖏᑕ ᐊᑖᓂ,

ᐃᓐᖏᕈᑎᑦ 27:5

ᐅᓪᓗᒥᒃ ᐃᓱᐊᖏᑦᑐᖃᓕᕐᐸᑦ, ᐃᒡᓗᒥᓂ ᓴᐳᑎᓯᒪᓂᐊᕐᐹᖓ; ᑐᐱᕐᔪᐊᖁᑎᒥᓂ ᐃᔨᕐᓯᒪᓂᐊᕐᐹᖓ ᐳᕐᑐᔪᒧᐊᕐᑎᓪᓗᖓᓗ ᕾᕐᑐᒧᑦ.

ᐃᓐᖏᕈᑎᑦ 30:5

ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.

ᐃᓐᖏᕈᑎᑦ 31:20

ᐃᕝᕕᑦ ᓇᔪᒐᕐᓂ ᖃᐅᔨᒪᔭᐅᖏᑦᑐᒥ ᐃᔨᕐᓯᒪᓂᐊᕐᐸᑎᑦ ᐃᓄᐃᑦ ᑐᖁᑦᓯᔪᒪᒧᑦ ᐃᓱᒪᓕᐅᖃᑎᒌᖕᓂᖏᓐᓂᑦ; ᐃᒡᓗᖕᓂ ᓴᐳᑎᓯᒪᓂᐊᕐᐸᑎᑦ ᖃᐅᔨᒪᔭᐅᖏᑦᑐᒥ ᐅᖃᕐᓂᑦ ᐸᓯᒃᓯᕐᑐᓂᑦ.

ᐃᓐᖏᕈᑎᑦ 32:7

ᐃᕝᕕᑦ ᐃᔨᕆᐊᕐᑐᕐᕕᒃᓴᕆᕙᒋᑦ; ᐃᓱᐊᖏᑦᑐᓂᑦ ᓴᐳᑎᕙᕐᒪ; ᐊᕙᓗᔪᒫᕐᐸᕐᒪᓗ ᐃᓐᖏᕈᓯᕐᓂᒃ ᓴᐳᑦᔭᐅᓂᕐᓂᒃ. ᓰᓚ

ᐃᓐᖏᕈᑎᑦ 57:1

ᓂᑲᒋᓚᐅᓐᖓ ᒎᑏ, ᓂᑲᒋᓚᐅᓐᖓ! ᑕᕐᓂᕐᒪ ᕿᒫᕕᒋᖕᒪᑎᑦ; ᐃᓴᕈᕐᐱᑦ ᑕᕐᕋᓕᓂᖏᒃᑕ ᐊᑖᓂ ᕿᒫᓯᒪᔪᒪᕗᖓ, ᑕᒪᒃᑯᐊ ᖃᓄᐃᓐᓇᕐᑐᑦ ᐊᓂᒍᓚᐅᖏᓐᓂᖏᓐᓂ.

ᐃᓐᖏᕈᑎᑦ 57:2

ᓂᓪᓕᐊᕗᖓ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ, ᒎᑎᒧᑦ ᐱᓇᓱᐊᕐᑐᒧᑦ ᐱᑦᔪᑎᒃᓴᕆᔭᒥᓂᒃ ᐅᕙᓐᓄᑦ.

ᐃᓐᖏᕈᑎᑦ 91:1

ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ,

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᐃᓐᖏᕈᑎᑦ 94:13

ᑖᓐᓇ ᑕᕾᕐᓯᕐᕕᒃᓴᖃᕐᑎᓐᓇᕕᐅᒃ ᐅᓪᓗᓂᑦ ᐊᑲᐅᓐᖏᓕᐅᕐᓇᕐᑐᓂᑦ, ᐱᐅᖏᑦᑑᑉ ᑲᑕᒡᕕᒃᓴᖓᓂᒃ ᐃᑎᕐᓴᓕᐅᕐᑐᖃᖏᓐᓂᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:3

ᐅᑦᔨᕐᓱᑦᓯᐊᕐᑐᖅ ᖃᐅᔨᒪᔭᕇᓲᖑᕗᖅ ᐱᐅᖏᑦᑐᖅ ᑎᑭᓚᐅᕐᑎᓐᓇᒍ ᓴᐳᑎᓯᒪᓇᓱᐊᕈᑎᒃᓴᒥᓂᒃ ᐱᓇᓱᐊᕐᓯᒪᔪᓐᓇᕐᐳᖅ, ᐅᑦᔨᕐᓱᑦᓯᐊᖏᑦᑐᕐᓕ ᖃᐅᔨᓚᐅᕋᓂ ᐱᐅᖏᑦᑐᒧᑦ ᑎᑭᐅᑎᑐᐃᓐᓇᓲᖑᕗᖅ.

ᐂᓮᐊᓯᐅᑉ ᐊᒡᓚᖏᑦ 10:25

ᐊᑯᓂᐅᖏᑦᑐᖅ ᓂᓐᖓᐅᒪᓂᕋ ᐃᓱᓕᑦᓱᒫᕐᒪᑦ, ᑕᕝᕙ ᓂᓐᖓᐅᒪᓂᕋ ᑐᕌᖔᓕᕈᒫᕐᐳᖅ ᑍᒃᑯᓄᖓ ᐊᓯᕈᕐᑕᐅᓂᒃᓴᖏᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᐂᓮᐊᓯᐅᑉ ᐊᒡᓚᖏᑦ 51:4

ᐃᓄᖁᑎᒃᑲ, ᓈᓚᓚᐅᕐᓯᓐᖓ; ᑐᓴᕐᓗᖓᓗ ᐃᓅᖃᑎᒌᒡᔪᐊᖁᑎᒃᑲ, ᐱᖁᔭᒃᑲ ᐅᕙᓐᓂᑦ ᐊᓂᔪᒫᕐᐳᑦ, ᐊᑦᔨᒌᒃᑎᑦᓯᓂᓐᓄᓪᓗ ᐃᓄᐃᑦ ᖃᐅᒪᒃᓴᕐᑕᐅᔪᒫᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 31:14

ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 11:16

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐅᖃᕐᐳᖅ: ᐊᐅᓪᓚᕈᑦᔭᐅᑎᓯᒪᒐᓗᐊᕐᐸᒃᑲ ᐅᖓᓯᒃᑐᒧᑦ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓄᓪᓗ ᓯᐊᒻᒪᕐᑎᓯᒪᓪᓗᒋᑦ, ᓱᓕᓕ ᐃᑦᔪᕐᓁᑦᑐᖁᑎᒋᔭᐅᕗᖓ ᑖᒃᑯᓄᖓ ᓄᓇᓕᒡᔪᐊᓂ ᐂᕕᒋᓯᒪᔭᖏᓐᓃᒐᓗᐊᕐᑎᓪᓗᒋᑦ.’

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᒫᑎᐅᓯᐅᑉ ᐊᒡᓚᖏᑦ 6:6

ᑐᒃᓯᐊᓕᕌᖓᑦᓯᓕ, ᐃᓄᑑᕕᒋᔪᓐᓇᕐᑕᑦᓯᓐᓄᑦ ᐃᑎᕆᑦᓯ, ᐅᒃᑯᐊᖓ ᐅᒃᑯᐊᕐᓗᒍ, ᐊᑖᑕᓯ ᑕᑯᒃᓴᐅᖏᑦᑐᖅ ᑐᒃᓯᐊᕐᕕᒋᓕᕐᓯᐅᒃ, ᐊᑖᑕᑦᓯ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,