ᐂᓮᐊᓯᐅᑉ ᐊᒡᓚᖏᑦ 26:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᐂᓮᐊᓯᐅᑉ ᐊᒡᓚᖏᑦ 26:19 Iomraidhean Croise

ᔫᐱᐅᑉ ᐊᒡᓚᖏᑦ 14:8

ᐊᒫᖏᑦ ᐱᑐᖃᐅᓕᕋᓗᐊᕐᓗᑎᒃ ᓄᓇᐅᑉ ᐃᓗᐊᓃᑦᑐᑦ, ᓇᑲᑕᐅᓂᕕᓂᖓᑕᓗ ᐃᓂᕕᓂᖓ ᑐᖁᖓᓕᕋᓗᐊᕐᑎᓪᓗᒍ.

ᔫᐱᐅᑉ ᐊᒡᓚᖏᑦ 29:19

ᓇᐹᕐᑐᑎᑐᑦ ᐊᒫᒃᑲ ᓯᐊᒻᒪᕐᓯᒪᓚᐅᕐᐳᑦ ᐃᒫᓄᑦ, ᐊᕙᓚᖓᔪᒃᑲᓗ ᖃᐅᓯᕐᑎᑕᐅᓯᒪᓪᓗᑎᒃ ᓄᓇᐅᑉ ᐂᔪᖓᓂᖓᓄᑦ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 22:15

ᓄᑭᒃᑲ ᐸᓂᕐᓯᒪᕗᑦ ᓄᓇᑐᑦ ᐸᓐᓇᕆᒃᑐᑐᑦ, ᐅᖃᕋᓗ ᓂᐱᑉᐳᖅ ᐊᒡᓕᕈᓐᓄᑦ; ᐃᓕᕙᕐᒪᓗ ᑐᖂᑉ ᐳᔪᕐᓗᖓᓄᑦ.

ᐃᓐᖏᕈᑎᑦ 22:29

ᓄᓇᒥ ᐊᔪᕐᓴᖏᑦᑐᓕᒫᑦ ᐅᑯᔪᒫᕐᐳᑦ ᑐᒃᓯᐊᕐᓗᑎᒡᓗ; ᒪᓂᖅᑲᒧᓪᓗ ᐅᕐᕈᔪᑦ ᑖᑦᓱᒧᖓ ᐅᑯᔪᒫᕐᐳᑦ, ᐃᒻᒥᖕᓂᒃ ᐆᒪᑎᑦᓱᓐᓇᖏᑦᑐᓕᒫᑦ.

ᐃᓐᖏᕈᑎᑦ 71:20

ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.

ᐃᓐᖏᕈᑎᑦ 88:11

ᓇᒡᓕᖕᓃᑦ ᓱᕐᕋᔪᐃᑦᑐᖅ ᐅᓂᒃᑲᐅᓯᕆᔭᐅᓂᐊᕐᐹ ᐃᓗᕕᕐᓂ? ᐅᕝᕙᓗ ᓱᖁᓯᔪᐃᑦᑑᓃᑦ ᐅᖃᐅᓯᐅᓂᐊᕐᐹ ᐊᓯᕈᕐᑕᐅᕕᖕᒥ?

ᐂᓮᐊᓯᐅᑉ ᐊᒡᓚᖏᑦ 18:4

ᐊᑕᓂᐅᑉ ᐃᒫᒃ ᐅᖃᕐᕕᒋᖕᒪᖓ: “ᓂᐱᖃᖏᓪᓗᖓ ᑕᑯᓐᓇᕈᒪᕙᑦᓯ ᐃᓂᒋᔭᓐᓂᑦ ᓯᓚᑦᓯᐊᖑᑎᓪᓗᒍ ᓯᕿᓂᕐᒧᑦ ᐆᓇᕐᑎᑕᐅᔪᑎᑐᑦ, ᓄᕗᔭᑎᑐᓪᓗ ᖃᐅᓯᕐᑎᑦᓯᔪᑎᑐᑦ ᐱᕈᕐᑐᓂᒃ ᑲᑎᕐᓱᐃᕕᖕᒥ ᐅᖅᑰᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 51:17

ᑐᐸᓕᕆᑦ, ᑐᐸᓕᕆᑦ! ᒪᑭᓪᓗᑎᓪᓗ ᔨᕉᓴᓕᒻ. ᐃᓕᑦᓯ ᐃᒥᓚᐅᕐᑐᓯ ᐊᑕᓂᐅᑉ ᐊᑭᓂᐊᕐᓂᖓᑕ ᐃᒥᐅᑎᖓᓂᑦ ᓂᓐᖓᐅᒪᓂᖓᓂᒃ ᐃᒪᓕᖕᒥᒃ. ᐃᒤᕐᓗᒍ ᓄᖑᓚᐅᕐᐸᓯ ᐃᓗᓕᖁᑎᐅᑉ ᐃᒪᖓ ᐋᖓᔮᕈᑎᒋᓕᕐᓗᒍᓗ.

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 13:14

ᐊᑭᓕᕐᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᓂᖏᓐᓂᑦ? ᐅᑎᕐᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᕐᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᕐᓯᒪᕗᖅ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 6:2

ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᐆᒻᒪᕐᑎᓐᓂᐊᕐᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᕐᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 8:12

“ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᒫᑎᐅᓯᐅᑉ ᐊᒡᓚᖏᑦ 27:52

ᐃᓗᕖᑦ ᒪᑐᐃᕐᐳᑦ, ᐅᓄᕐᑐᓪᓗ ᒎᑎᐅᑉ ᐃᓄᖁᑎᖏᑦ ᑐᖁᖓᔪᑦ ᒪᑭᑉᐳᑦ ᐃᓅᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 27:58

ᑖᓐᓇ ᐰᓛᑑᓯᒧᐊᓚᐅᕐᐳᖅ ᔩᓱᓯᐅᑉ ᑎᒥᖓᓂᒃ ᐱᑎᑕᐅᔪᒪᓪᓗᓂ. ᐰᓛᑑᓯ ᑎᓕᓯᕗᖅ ᔩᓱᓯᐅᑉ ᑎᒥᖓ ᔫᓯᐱᒧᑦ ᑐᓂᔭᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 24:15

ᓂᕆᐅᖕᓂᖃᕐᐳᖓᓗ ᒎᑎᒥᑦ ᑖᒃᑯᐊ ᓂᕆᐅᖕᓂᕆᔭᖏᑕ ᐊᑦᔨᖓᓂᒃ, ᑐᖁᒥᓪᓗ ᒪᑭᓐᓂᖃᕈᒫᕐᒪᑦ ᑕᒤᓐᓄᑦ ᓇᓛᒎᕐᑐᓄᑦ ᓇᓛᒎᖏᑦᑐᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᒨᓯᓯ ᑕᓪᓕᒪᖏᑦ 32:2

ᐊᔪᕆᕐᑐᐃᑦᔪᑎᒋᔭᒃᑲ ᓯᓚᓗᒃᑎᑐᑦ ᑲᑕᒐᕐᓕᑦ, ᐅᖃᐅᓯᒃᑲ ᖃᐅᓯᕐᑎᑦᓯᓗᑎᒃ ᒥᓂᔪᑎᑐᑦ, ᓯᓚᓗᒃᑐᑎᑐᑦ ᐃᕕᒃᓱᒐᕐᓄᑦ ᐱᕈᕐᐸᓪᓕᐊᔪᓄᑦ, ᒥᓂᔪᑎᑐᓪᓗ ᑍᒤᓐᓂᐊᕐᐳᑦ ᐃᕕᒐᕐᓄᑦ.

ᒨᓯᓯ ᑕᓪᓕᒪᖏᑦ 33:13

ᔫᓯᐱᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓕ ᓄᓇᖁᑎᖓ, ᓄᓇᖁᑎᖓᑕᓗ ᐊᑖᓃᑦᑐᑦ ᐊᒃᐸᓯᒃᑐᒥ,

ᒨᓯᓯ ᑕᓪᓕᒪᖏᑦ 33:28

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐃᓅᕗᑦ ᐃᓱᒫᓗᓇᖏᑦᑐᒥ, ᐸᒡᕕᓴᒃᑕᐅᓐᖏᓚᕐᓗ ᔧᑰᑉ ᑭᖑᕚᖏᑕ ᐃᓂᖓᑦ, ᓄᓇᖓᑦ ᐱᕈᕐᑐᓕᒃ ᓂᕿᒃᓴᓂᒃ ᕔᓂᒃᓴᓂᒡᓗ; ᐃᓛᒃ, ᕿᓚᖕᒥᑦ ᒥᓂᔪᒧᑦ ᓄᓇ ᖃᐅᓯᓕᕐᑎᕐᑕᐅᖃᑦᑕᕐᓗᓂ.

ᐱᓕᐱᒥᐅᓄᑦ 3:10

᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ,

ᐱᓕᐱᒥᐅᓄᑦ 3:21

ᑖᑦᓱᒪ ᑎᒥᕗᑦ ᓴᓐᖐᑦᑐᖅ ᐊᓯᑦᔨᕈᒫᕐᐹ ᑎᒥᒥᓄᑦ ᐱᕕᐊᕐᓇᕐᑐᕐᔪᐊᒧᑦ ᐊᑦᔨᐅᓕᕐᑎᓪᓗᒍ, ᐱᔪᓐᓇᕐᓂᕐᒥᒡᓗ ᑖᑦᓱᒥᖓ ᐊᑐᕐᓗᓂ ᑕᒪᕐᒥᒃ ᐊᑕᓂᐅᕕᒋᓕᕈᒫᕐᐰᑦ.

ᓴᒧᐃᓕ ᓯᕗᓪᓖᑦ 2:6

ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ; ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.