ᐂᓮᐊᓯᐅᑉ ᐊᒡᓚᖏᑦ 26:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᐂᓮᐊᓯᐅᑉ ᐊᒡᓚᖏᑦ 26:16 Iomraidhean Croise

ᐃᓐᖏᕈᑎᑦ 142:2

ᓈᒻᒪᒃᓴᖏᓐᓂᒃᑲ ᑖᑦᓱᒧᖓ ᓈᕕᑉᐸᒃᑲ; ᐊᑲᐅᓐᖏᓕᐅᕈᑎᒋᔭᒃᑲ ᑖᑦᓱᒧᖓ ᓴᖅᑭᑎᑉᐸᒃᑲ.

ᐃᓐᖏᕈᑎᑦ 27:8

ᐅᖃᕋᕕᑦ, “ᑮᓇᕋ ᕿᓂᕈᒃ,” ᐆᒻᒪᑎᒐ ᑕᕝᕙ ᐃᓕᖕᓄᑦ ᐅᖃᕐᐳᖅ, “ᑮᓁᑦ, ᐊᑕᓃᖅ ᕿᓂᕈᒪᕙᕋ.”

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 77:3

ᒎᑎ ᐃᖅᑲᓚᐅᕐᐸᕋ, ᕿᒃᓵᒃᑎᓪᓗᖓ; ᐃᓱᒪᒃᓴᕐᓯᐅᕐᑎᓪᓗᖓ, ᐊᓂᕐᓂᕋ ᓴᓐᖐᓕᓚᐅᕐᐳᖅ. ᓰᓚ

ᐃᓐᖏᕈᑎᑦ 78:34

ᑐᖁᑎᑦᓯᑐᐊᕐᒪᓪᓕ, ᐊᓯᖏᑦ ᑖᑦᓱᒥᖓ ᕿᓂᓕᓚᐅᕐᐳᑦ; ᖃᕿᐊᓕᕐᓗᑎᒃ ᐊᔪᐃᓐᓇᕐᓗᑎᒡᓗ ᒎᑎ ᕿᓂᓕᕐᓗᒍ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 37:3

ᐃᒫᒡᓗ ᐅᖃᕐᐳᑦ, “ᕼᐃᓯᑬᐊ ᐅᖃᖁᔨᖕᒪᑦ, ‘ᐅᓪᓗᒥ ᐅᖁᒤᒃᓴᕐᓇᕐᑑᖕᒪᑦ; ᓱᒋᐊᕐᑕᐅᒐᑦᑕ, ᑲᓐᖑᓇᕐᑐᒦᑎᑕᐅᕗᒍᑦ; ᐊᕐᓇᒥᒃ ᐃᕐᓂᓱᒃᑐᒥᒃ ᐊᑦᔨᖃᓕᕐᐳᒍᑦ ᓄᑭᖃᑦᓯᐊᕈᓐᓃᒧᑦ ᐃᕐᓂᔪᓐᓁᓪᓕᖅᑲᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:27

ᕿᔪᖕᒧᑦ ᐅᖃᕐᐳᑦ, ᐊᑖᑕᒋᕙᒋᑦ, ᐅᔭᕋᖕᒧᓪᓗ ᐅᖃᕐᓗᑎᒃ, ᐃᕐᓂᐊᕆᓚᐅᕐᐸᕐᒪ. ᐅᕙᓐᓂᒃ ᑐᓄᐃᕗᑦ ᓵᓐᖓᔪᒪᓇᑎᒡᓗ ᐅᕙᓐᓄᑦ, ᑭᓯᐊᓂᓕ ᐅᖁᒤᒃᓴᓕᕌᖓᒥᒃ ᐅᖃᕐᐸᒃᐳᑦ, ᐱᐅᓕᔭᐅᔪᒪᓪᓗᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 29:12

ᕿᓄᒍᑦᓯ ᐅᕙᓐᓄᓪᓗ ᑐᒃᓯᐊᕈᑦᓯ ᑐᓴᕐᓂᐊᕐᐸᑦᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:19

ᐅᓐᓄᐊᑐᐃᓐᓇᒃᑯᑦ ᑐᐸᒡᓗᓯ ᐊᑕᓂᕐᒧᑦ ᕿᐊᕕᖃᕆᑦᓯ; ᐃᓗᒥᐅᑕᓕᒫᓯ ᑯᕕᓯᐅᒃ ᐃᒪᕐᑎᑐᑦ ᐊᑕᓂᐅᑉ ᓵᖓᓂ, ᐊᒡᒐᓯ ᐃᓴᒃᓯᒋᒃ ᕿᑐᕐᖓᓯ ᐱᑦᔪᑎᒋᓗᒋᑦ, ᕿᑐᕐᖓᓯ ᐱᕐᓕᓕᕐᒪᑕ ᐊᖅᑯᑎᓂ ᓇᓂᑐᐃᓐᓇᖅ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᕼᐆᓯᐊᑉ ᐊᒡᓚᖏᑦ 7:14

ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.

ᒨᓯᓯ ᓯᑕᒪᖏᑦ 21:7

ᑍᒤᒻᒪᑦ ᐃᓄᐃᑦ ᕾᕗᑦ ᒨᓯᓯᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ, ᓈᒻᒪᒃᓴᖏᓐᓂᕐᒥᒃ ᓂᓪᓕᐊᓚᐅᕋᑦᑕ ᐊᑭᕋᕐᑐᕐᓗᑕ ᐊᑕᓂᕐᒥᒃ ᐃᓕᖕᓂᒡᓗ; ᑐᒃᓯᐊᓚᐅᕆᑦ ᐊᑕᓂᕐᒧᑦ ᖁᒡᓗᒋᐊᑦ ᐊᐅᓪᓚᖁᓪᓗᒋᑦ ᐅᕙᑦᑎᓐᓂᑦ.” ᑍᒫᒃ ᒨᓯᓯ ᑐᒃᓯᐊᓚᐅᕐᐳᖅ ᐃᓄᐃᑦ ᐱᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᐃᓗᐊᕐᓮᔩᑦ ᐊᒡᓚᖏᑦ 10:15

ᐃᓴᕆᐊᓕᒥᐅᓪᓕ ᑭᖑᕚᖏᑦ ᐅᖃᕐᐳᑦ ᐊᑕᓂᕐᒧᑦ, “ᐊᔪᕐᑐᓕᓚᐅᕐᐳᒍᑦ ᐅᕙᑦᑎᓐᓄᑦ ᐱᓇᓱᐊᓕᕆᑦ ᓈᒻᒪᒋᔭᕐᓂᒃ; ᑭᓯᐊᓂ ᐱᐅᓕᑎᒍᑦ, ᐃᓕᖕᓄᑦ ᑐᒃᓯᐊᕐᐳᒍᑦ ᐅᓪᓗᒥ.”

ᓴᒧᐃᓕ ᓯᕗᓪᓖᑦ 1:15

ᕼᐋᓇᓕ ᑭᐅᕗᖅ, “ᐊᖓᔪᖅᑳᒃ, ᐋᖓᔮᓐᖏᓚᖓ, ᐃᒥᐊᓗᓚᐅᕐᓇᖓᓗ ᕔᓂᒥᒃ ᓴᓐᖏᔪᒥᒡᓘᓐᓃᑦ, ᐃᓗᖏᕐᓱᒻᒪᕆᒡᓗᖓᓕ ᑐᒃᓯᐊᕐᐳᖓ; ᐅᖁᒤᒃᓴᐅᑎᒋᔭᒃᑲ ᑕᕐᓂᓐᓂ ᑐᓂᕙᒃᑲ ᐊᑕᓂᕐᒧᑦ.