ᐂᓮᐊᓯᐅᑉ ᐊᒡᓚᖏᑦ 26:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 26:1 Iomraidhean Croise

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᐃᓐᖏᕈᑎᑦ 31:21

ᐊᑕᓂᖅ ᓂᕐᑐᕐᑕᐅᓕ, ᑕᑯᑎᓚᐅᕐᒪᖓ ᐱᑦᓯᐊᕐᓂᕐᒥᓂᒃ ᑲᒪᓇᕐᑐᒥᒃ ᐃᒡᓗᒐᓴᒡᔪᐊᓂ ᓴᓐᖏᔪᓂ!

ᐃᓐᖏᕈᑎᑦ 48:12

ᓮᐅᓂᒥ ᐱᓱᑲᑕᓕᕆᑦ, ᑬᕙᓪᓚᒡᓗᒍᓗ. ᓈᓴᕐᓗᒋᓪᓗ ᐃᒡᓗᒐᓴᒡᔪᐊᑦ ᓄᕗᕈᓯᖏᑦ.

ᐃᓐᖏᕈᑎᑦ 48:4

ᑕᑯᒋᑦ ᐊᖓᔪᖅᑳᕐᔪᐊᑦ ᑲᑎᓕᕐᐳᑦ, ᓱᕐᔪᓕᕐᓗᑎᒡᓗ ᐊᑕᐅᑦᓯᒃᑯᑦ,

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 14:31

ᓂᐱᖃᕐᓗᓯ ᕿᐊᓕᕆᑦᓯ, ᐃᑎᕐᑕᕐᕕᐅᔪᓯ ᐃᒡᓗᒐᓴᒡᔪᐊᓄᑦ, ᕿᐊᒋᑦᓯ ᐃᒡᓗᒐᓴᒡᔪᐊᖑᔪᓯ; ᓯᕘᕋᓕᕆᑦᓯ, ᐱᓕᔅᑎᐊᒥᐅᖑᔪᓯ, ᐳᔪᖅ ᐅᓐᓄᐊᓪᓗᐊᑉ ᓇᓛᓂᑦ ᓴᖅᑭᑦᓱᒫᕐᐳᖅ, ᐅᓇᑕᕐᑐᒃᓴᒐᓴᒡᔪᐊᑦ ᓯᕘᕋᒋᔭᖃᖏᑦᑐᑦ ᐳᔫᕐᑎᑕᖓᑦ.”

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 31:5

ᑎᖕᒥᐊᑎᑐᑦ ᓂᕕᐅᕐᓗᓂ ᐊᐅᕐᓵᕋᕐᑐᑎᑐᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓴᐳᓐᓂᐊᕐᓂᐊᕆᕗᖅ ᔨᕉᓴᓕᒥᐅᓂᒃ; ᓴᐳᓐᓂᐊᕐᓗᓂᒋᑦ ᐱᐅᓕᓂᐊᕐᐰᑦ, ᖁᓚᖏᐊᕐᓗᓂᒋᓪᓗ ᐊᓐᓇᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᐂᓮᐊᓯᐅᑉ ᐊᒡᓚᖏᑦ 33:5

ᐊᑕᓂᖅ ᐊᖏᔪᕈᕐᑎᑕᐅᕗᖅ, ᖁᑦᓯᒃᑐᒥ ᐃᓂᖃᕐᒪᑦ; ᓮᐅᓂ ᑕᑕᑎᑦᓱᒫᕐᐹ ᐊᑦᔨᒌᒃᑎᑦᓯᓂᕐᒥᒃ ᓇᓛᒎᑦᓯᐊᕐᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 5:1

ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 40:5

ᑕᑯᒋᓪᓗ, ᑐᒃᓯᐊᕐᕕᒡᔪᐊᕐᒥᒃ ᑕᑯᕗᖓ ᓯᓚᑖᒍᑦ ᐊᕙᑎᓕᒫᒥᒍᑦ ᐊᕙᓗᕐᔪᐊᓕᖕᒥᒃ, ᐊᖑᑎᐅᓪᓗ ᑎᒍᒥᐊᕐᑕᖓ ᐆᒃᑐᕋᐅᑦ ᓱᓪᓗᓕᒃ ᑕᑭᓂᖃᕐᐳᖅ 10ᓂᒃ ᐃᑎᒐᖕᓂᒃ, ᑖᑦᓱᒧᖓᓗ ᐊᕙᓗᕐᔪᐊᖅ ᐆᒃᑐᕋᖕᒪᒍ ᐃᑦᔪᓂᖃᕐᐳᖅ ᐆᒃᑐᕋᐅᑎᖓᑐᑦ, ᐆᒃᑐᕋᐅᑎᖓᑐᓪᓗ ᓯᓕᖕᓂᖃᕐᓗᓂ.

ᓴᑲᕅᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 2:9

ᑖᒃᑯᐊ ᐊᑕᓂᐅᑉ ᓇᖕᒥᓂᖅ ᓱᒋᐊᕐᓂᐊᕐᐰᑦ, ᓯᐊᓛᕆᓚᐅᕐᑕᖏᓐᓂᓪᓘᓐᓃᑦ ᐊᒡᓛᑦ ᓵᓚᐅᔪᓐᓇᓕᕐᓗᑎᒃ ᑍᒤᓕᕐᐸᑦ ᑕᕝᕙ ᐃᓄᐃᑦ ᖃᐅᔨᔪᒫᕐᐳᑦ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓯᒪᖕᒪᖓ.”

ᒨᓯᓯ ᓯᑕᒪᖏᑦ 21:17

ᐃᓴᕆᐊᓕᒥᐅᑦ ᐃᒫᒃ ᐃᓐᖏᓚᐅᕐᐳᑦ: “ᐃᒥᕐᑕᕐᕖᒃ, ᑰᓚᐅᕆᑦ!— ᐃᓘᓐᓇᓯ ᐃᓐᖏᕆᑦᓯ—

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.