ᐂᓮᐊᓯᐅᑉ ᐊᒡᓚᖏᑦ 25:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 25:6 Iomraidhean Croise

ᐃᓐᖏᕈᑎᑦ 36:8

ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ, ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.

ᐃᓐᖏᕈᑎᑦ 63:5

ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ.

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 1:2

ᑖᑦᓱᒪ ᑯᓂᒡᓕᖓ ᖃᓂᕐᒥᓄᑦ; ᓇᒡᓕᒍᓱᖕᓃᑦ ᒪᒪᕐᓂᕐᓴᐅᖕᒪᑦ ᕔᓂᒥᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:4

ᐊᐅᓪᓚᕈᑎᓚᐅᓐᖓ! ᐊᑏ ᑐᐊᕕᓕᕐᓗᒃ. ᐊᖓᔪᖅᑳᕐᔪᐊᑉ ᐃᒡᓗᕈᓯᕐᒥᓄᑦ ᐃᑎᐅᑎᕚᖓ. ᑕᕝᕙ ᖁᕕᐊᓱᖃᑎᒌᖕᓂᐊᕐᐳᒍᑦ; ᓇᒡᓕᖕᓃᑦ ᕔᓂᒥᑦ ᐃᖅᑲᐅᒪᓂᕐᓴᕆᓂᐊᕐᐸᕗᑦ; ᐃᓛᒃ ᓱᓪᓕᑕᐅᓪᓗᑎ ᓇᒡᓕᒋᔭᐅᕗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 1:19

ᐱᔪᒪᓂᖃᑦᓯᐊᕐᓗᓯ ᓈᓚᑦᓯᐊᕈᑦᓯ, ᓂᕿᒃᓴᖃᕈᒫᕐᐳᓯ ᐱᐅᔪᓂᒃ ᓄᓇᐅᑉ ᐱᕈᕐᑎᑕᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᔨᕆᒤᐊᐅᑉ ᐊᒡᓚᖏᑦ 48:11

“ᒧᐊᐱᒥᐅᑦ ᑍᒪᓐᖓᑦ ᐸᒡᕕᓴᒃᑕᐅᓚᐅᕐᓯᒪᓐᖏᓚᑦ ᓄᓇᓕᓐᖑᓚᐅᕐᓯᒪᓐᓂᕋᒥᒃ, ᕔᓂᑎᑐᑦ ᐊᐅᓚᑎᑕᐅᓚᐅᕐᓯᒪᖏᑦᑐᑎᑐᑦ ᑯᕕᐅᕋᕐᑕᐅᓚᐅᕐᓯᒪᖏᑦᑐᑎᑐᓪᓗ, ᑎᒍᔭᐅᓗᓂ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᓚᐅᕐᓯᒪᖏᓐᓇᒥ, ᕔᓂᐅᑉ ᑎᐱᖃᑦᓯᐊᕐᓂᖓᑕ ᐊᑦᔨᒋᕔᑦ, ᒪᒪᕐᓂᖓᑕ ᐊᓯᓐᖑᕐᓯᒪᖏᓐᓂᖓᑐᑦ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 26:29

ᐅᖃᐅᑉᐸᑦᓯ ᐅᐂᓂᒥᒃ ᐃᒥᒃᑲᓐᓂᕐᓂᐊᕈᓐᓃᕐᐳᖓ ᐅᓪᓗᖅ ᓇᓪᓕᐅᑎᖅᑳᕐᑎᓐᓇᒍ ᓄᑖᒥᒃ ᐃᒥᖃᑎᒌᒃᕕᒃᓴᕗᑦ ᐊᑖᑕᒪ ᐊᑕᓂᐅᕕᖓᓂ.”

ᒫᑎᐅᓯᐅᑉ ᐊᒡᓚᖏᑦ 8:11

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ ᐃᓄᐃᑦ ᐊᒥᓱᑦ ᑎᑭᑦᓱᒫᕐᐳᑦ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓂᓪᓗ, ᐃᒃᓯᕙᖃᑎᖃᕆᐊᕐᑐᕐᓗᑎᒃ ᐂᑉᕋᕼᐋᒻᒥᒃ, ᐂᓴᑭᒥᒃ, ᔧᑯᒥᒡᓗ, ᒎᑎᐅᑉ ᐊᑕᓂᐅᕕᖓᓂ ᕿᓚᖕᒥ.

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᓘᑲᓯᐅᑉ ᐊᒡᓚᖏᑦ 5:39

ᐅᐂᓂᑐᖃᕐᒥᒃ ᐱᕙᒃᑐᑦ ᓄᑖᒥᒃ ᐅᐂᓂᒥᒃ ᐱᔪᒪᕙᓐᖏᓚᑦ; ᐅᖃᕐᐸᒡᓗᑎᒃ, ‘ᐱᑐᖃᖅ ᒪᒪᕐᓂᕐᓴᐅᕗᖅ.’”

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:9

ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”