ᐂᓮᐊᓯᐅᑉ ᐊᒡᓚᖏᑦ 24:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑲᑉᐱᐊᓇᕐᑐᓂᒃ ᕿᒫᓇᓱᒃᑑᒐᓗᐊᑦ ᐃᑎᕐᓴᓄᑦ ᑲᑕᒍᒫᕐᐳᑦ, ᐃᑎᕐᓴᓂᓪᓗ ᐊᓐᓇᒃᑑᒐᓗᐊᑦ ᑎᒍᓯᑦᔪᑎᒃᓴᓕᐊᕆᔭᐅᓯᒪᔪᓄᑦ ᐱᔭᐅᔪᒫᕐᐳᑦ, ᓯᓚᓗᕐᔪᐊᖃᕈᒫᕐᐳᖅ ᕿᓚᒥᑦ, ᓄᓇᕐᔪᐊᓪᓗ ᑐᓐᖓᓂᖏᑦ ᓴᔪᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:18 Iomraidhean Croise

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᒨᓯᓯ ᓯᕗᓪᓖᑦ 7:11

ᓄᐊᓗ 600ᓂᒃ ᐊᕐᕌᒍᖃᓕᕐᑎᓪᓗᒍ, ᑕᖅᑭᐅᑉ ᐂᑉᐸᖓᑕ ᐅᓪᓗᖏᑕ 17ᖓᓐᓂ ᓄᓇᐅᑉ ᐊᑖᓂᑦ ᐃᑎᔪᒥ ᑰᒃᑐᓕᒫᑦ ᓇᐅᒃᑯᑐᐃᓐᓇᖅ ᓱᐱᓕᓚᐅᕐᐳᑦ, ᕿᓚᐅᓪᓗ ᐃᒐᓛᖏᑦ ᑕᒪᕐᒥᒃ ᒪᑐᐃᕐᓱᑎᒃ.

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᔫᐱᐅᑉ ᐊᒡᓚᖏᑦ 20:24

ᓴᕕᒡᔪᐊᒥᑦ ᓴᕕᕋᔭᖕᒥᑦ ᕿᒫᔪᒪᕐᐳᖅ; ᖃᕐᔪᒧᓪᓕ ᑲᓐᓄᔭᒧᑦ ᑲᐱᔭᐅᓪᓗᓂ ᐳᑐᔭᐅᔪᒫᕐᐳᖅ.

ᐃᓐᖏᕈᑎᑦ 18:15

ᐃᒪᕐᔪᐊᓪᓗ ᐃᖏᕐᕋᓂᖏᑕ ᐊᖅᑯᑎᖏᑦ ᑕᑯᒃᓴᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑎᓚᐅᕐᐰᑦ, ᐊᑕᓃᖅ ᓱᐊᖕᓂᕐᓄᑦ, ᓱᕐᓗᒃᐱᓪᓗ ᐊᓂᕐᓂᖓᑕ ᓱᐱᓂᖏᖕᓄᑦ.

ᐃᓐᖏᕈᑎᑦ 18:7

ᓄᓇᓗ ᓴᔪᒃᐱᓗᒃᐳᖅ, ᖃᖅᑬᓪᓗ ᑐᓐᖓᕕᖏᑦ ᓴᔪᒡᓗᑎᒃ, ᐊᐅᓚᕗᑦ, ᓂᓐᖓᐅᒪᑎᓪᓗᒍ.

ᐃᓐᖏᕈᑎᑦ 18:8

ᐳᔪᖅ ᐊᓂᕗᖅ ᓱᕐᓗᖏᖕᓂᑦ, ᐃᑯᒪᓗ ᓄᖒᑦᓯᔪᖅ ᖃᓂᖓᓂᑦ ᐊᓂᕗᖅ; ᐊᐅᒤᓪᓗ ᐃᑯᒪᔪᑦ ᑕᕝᕙᓐᖓᑦ ᐱᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 13:13

ᑍᒤᒻᒪᑦ ᕿᓔᑦ ᓴᔪᒃᑎᑦᓱᒪᕙᒃᑲ, ᓄᓇᕐᔪᐊᕐᓗ ᐊᐅᓚᓂᕐᒥᓄᑦ ᐃᓂᒥᓂᑦ ᓅᑦᓱᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓂ ᐅᓪᓗᒥᓗ ᓂᓐᖓᐅᑦᔨᕕᖓᓂ.

ᐂᓮᐊᓯᐅᑉ ᐊᒡᓚᖏᑦ 2:19

ᐃᓄᐃᓪᓗ ᕾᕐᑑᑉ ᕾᕈᓱᖏᓐᓄᑦ ᐳᓚᔪᒫᕐᐳᑦ ᓄᓇᐅᓪᓗ ᐃᑎᕐᓴᖏᓐᓄᐊᕐᓗᑎᒃ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓ ᐱᓪᓗᒍ, ᑖᑦᓱᒪᓗ ᐊᖓᔪᖅᑳᕐᔪᐊᖑᓂᖓᑕ ᓂᕐᑐᕐᓇᕐᑐᕐᔪᐊᖑᓂᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒍᒫᕐᐳᖅ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 2:21

ᐳᓚᔪᒫᕐᐳᓪᓗ ᕾᕐᑑᑉ ᖁᖕᓈᖏᓐᓄᑦ ᐃᓐᓈᕈᐃᓪᓗ ᕾᕈᓱᖏᓐᓄᑦ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓᓂᒃ ᕿᒫᓗᑎᒃ, ᐊᖓᔪᖅᑳᕐᔪᐊᖑᓂᖓᑕᓗ ᓂᕐᑐᕐᓇᕐᓂᕐᔪᐊᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒃᑎᓪᓗᒍ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 42:22

ᑖᒃᑯᐊᓕ ᑎᒡᓕᒊᔭᐅᓂᑰᕗᑦ ᑎᒎᖅᑬᕕᐅᓂᑰᓪᓗᑎᒡᓗ; ᑕᒪᕐᒥᒡᓗ ᐃᑎᕐᓴᓄᑦ ᓂᒐᕐᑎᑕᐅᓯᒪᕗᑦ, ᑎᒍᔭᐅᓯᒪᕝᕕᖕᓂᓗ ᐃᔨᕐᓯᒪᓪᓗᑎᒃ; ᑎᒍᔭᐅᓯᒪᓕᕐᐳᑦ ᓂᕆᔭᒃᓴᐅᓪᓗᑎᒃ ᓴᐳᑦᔨᔨᒃᓴᖃᕋᑎᒡᓗ; ᑎᒡᓕᒊᔭᐅᕗᑦ ᐅᖃᐅᑦᔭᐅᓇᑎᒡᓗ, ‘ᐅᑎᕐᑎᑦᓯᕕᐅᓕᑦ!’

ᐂᓮᐊᓯᐅᑉ ᐊᒡᓚᖏᑦ 8:14

ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 48:43

ᒧᐊᐱᒥᐅᑦ ᐃᓄᖏᑦ ᓯᕗᓂᒃᓴᖃᕐᐳᓯ ᑲᑉᐱᐊᓇᕐᑐᒥᒃ, ᐃᑎᕐᓴᒥᒃ ᑲᑕᖕᓇᕐᑐᒥᒃ ᓂᒐᕐᑎᑕᐅᕕᒃᓴᓂᒡᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 48:44

ᕿᒫᓇᓱᐊᕐᑑᒐᓗᐊᑦ ᑲᑉᐱᐊᓇᕐᑐᒧᑦ ᐃᑎᕐᓴᒧᑦ ᑲᑕᖕᓂᐊᕐᐳᑦ, ᐃᑎᕐᓴᒥᓪᓗ ᒪᔪᕐᑑᒐᓗᐊᑦ ᓂᒐᕐᑎᑕᐅᓂᐊᕐᐳᑦ, ᒧᐊᐱᒥᐅᑦ ᐊᕐᕌᒍᖓ ᓇᓪᓕᐅᑎᓯᒪᖕᒪᑦ ᓱᒋᐊᕐᑕᐅᕕᒃᓴᖓᓄᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:47

ᑲᑉᐱᐊᓇᕐᑐᑎᒍᑦ ᐊᓯᕈᕐᑕᐅᓇᕐᑐᑎᒍᓪᓗ ᐊᑑᑎᓚᐅᕐᐳᒍᑦ, ᓯᕘᕋᓇᕐᑐᒥᒃ ᐊᑦᑕᕐᓇᕐᑐᓂᓗ ᐃᓅᕕᖃᓚᐅᕐᐳᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 11:8

ᓴᕕᒡᔪᐊᒥᒃ ᑲᑉᐱᐊᒋᔭᖃᓚᐅᕐᐳᓯ; ᑎᑭᑎᑦᓯᔪᒫᕐᐳᖓᓕ ᓴᕕᒡᔪᐊᒥᒃ ᐃᓕᑦᓯᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 12:13

ᓄᓗᐊᓐᓄᓪᓕ ᐅᓕᒍᒫᕐᐸᕋ, ᓂᒐᕐᑎᓪᓗᒍᓗ ᓂᒐᖁᑎᓐᓄᑦ; ᐹᐱᓘᓂᒧᐊᕈᑎᓗᒍᓗ ᓄᓇᒧᑦ ᑲᐅᓪᑎᐊᒧᑦ, ᑕᑯᔪᒫᓐᖏᓛᓕ; ᑕᕝᕙᓂᓗ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᐂᒨᓯᐅᑉ ᐊᒡᓚᖏᑦ 5:18

“ᑲᑉᐱᐊᓐᓇᒦᒃ ᐃᓕᑦᓯ ᐊᑕᓂᐅᑉ ᐅᓪᓗᖓᓂᒃ ᓂᕆᐅᒃᑐᓯ! ᖃᓄᖅ ᐊᑕᓂᐅᑉ ᐅᓪᓗᖓ ᐱᐅᒐᔭᕋᓱᒋᒐᑦᓯᐅᒃ ᐃᓕᑦᓯᓐᓄᑦ? ᐅᓪᓗᖅ ᑍᓐᓇ ᑕᕐᑐᕐᔪᐊᖑᔪᒫᕐᒪᑦ ᖃᐅᒪᓂᖃᖏᓪᓗᓂ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!