ᐂᓮᐊᓯᐅᑉ ᐊᒡᓚᖏᑦ 24:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓘᓐᓇᓯ ᓈᓚᒃᓯᓐᖓ! ᑲᑉᐱᐊᓇᕐᑐᖃᕐᐳᖅ ᓇᓂᑐᐃᓐᓇᖅ, ᑲᑕᒃᕕᒃᓴᕐᑕᖃᐅᕐᓗᓂᓗ ᐱᔭᐅᕕᒃᓴᕐᑕᖃᐅᕐᐳᖅ ᐃᓕᑦᓯᓐᓂᒃ ᑕᒤᓐᓂᒃ ᐅᑕᖅᑭᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 24:17 Iomraidhean Croise

ᐊᑕᓃᑦ ᓯᕗᓪᓖᑦ 19:17

ᐃᒤᑦᓱᒫᕐᐳᖅ ᕼᐊᔧᐅᓪ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᔨᕼᐆᑉ ᑐᖁᑦᓱᒫᕐᐰᑦ, ᔨᕼᐆᓪᓗ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᐃᓔᓴᐅᑉ ᑐᖁᑦᓱᒫᕐᐰᑦ.

ᔫᐱᐅᑉ ᐊᒡᓚᖏᑦ 18:8

ᓇᖕᒥᓂᖅ ᐃᑎᒐᒥᓄᑦ ᓄᓗᐊᕐᐳᖅ, ᓂᒐᕐᓄᓪᓗ ᐱᓱᒡᓗᓂ ᐅᐸᒍᑎᕗᖅ.

ᐂᓮᐊᓯᐅᑉ ᐊᒡᓚᖏᑦ 8:14

ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 8:3

ᑖᒃᑯᓇᓐᖓᑦ ᐊᒥᐊᒃᑰᔪᕕᓃᑦ ᐃᓅᖃᑎᒌᓂᑦ ᐊᔪᕐᑐᓕᔪᓂᑦ ᑐᖁᔪᒪᓂᕐᓴᐅᖔᕐᐸᒍᒫᕐᐳᑦ ᐃᓅᔪᒪᓂᕐᒥᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:22

ᓇᓪᓕᐅᓐᓂᕐᓯᐅᕐᑐᖃᕐᑎᓪᓗᒍ ᓂᕆᕕᒃᔪᐊᕆᐊᕐᑐᖁᔨᔪᖃᕐᐸᖕᒪᑦ ᑲᑉᐱᐊᓇᕐᑐᒥᒃ ᐅᖓᓗᔭᐅᑎᓚᐅᕐᐸᕐᒪ, ᐅᓪᓗᕐᒥ ᐊᑕᓂᐅᑉ ᓂᓐᖓᕕᒃᔪᐊᕐᕕᐊᓂ ᕿᒫᔪᖃᕈᓐᓇᕐᓂᐊᓐᖏᓚᖅ ᐃᓅᔪᖃᕈᓐᓇᕐᓂᐊᕋᓂᓗ, ᕿᑐᕐᖓᒃᑲ ᐱᕈᕐᑎᓚᐅᕐᑕᒃᑲ ᓇᒡᓕᒋᓪᓗᒋᑦ ᑐᖁᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:47

ᑲᑉᐱᐊᓇᕐᑐᑎᒍᑦ ᐊᓯᕈᕐᑕᐅᓇᕐᑐᑎᒍᓪᓗ ᐊᑑᑎᓚᐅᕐᐳᒍᑦ, ᓯᕘᕋᓇᕐᑐᒥᒃ ᐊᑦᑕᕐᓇᕐᑐᓂᓗ ᐃᓅᕕᖃᓚᐅᕐᐳᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 11:8

ᓴᕕᒡᔪᐊᒥᒃ ᑲᑉᐱᐊᒋᔭᖃᓚᐅᕐᐳᓯ; ᑎᑭᑎᑦᓯᔪᒫᕐᐳᖓᓕ ᓴᕕᒡᔪᐊᒥᒃ ᐃᓕᑦᓯᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 12:13

ᓄᓗᐊᓐᓄᓪᓕ ᐅᓕᒍᒫᕐᐸᕋ, ᓂᒐᕐᑎᓪᓗᒍᓗ ᓂᒐᖁᑎᓐᓄᑦ; ᐹᐱᓘᓂᒧᐊᕈᑎᓗᒍᓗ ᓄᓇᒧᑦ ᑲᐅᓪᑎᐊᒧᑦ, ᑕᑯᔪᒫᓐᖏᓛᓕ; ᑕᕝᕙᓂᓗ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!