ᐂᓮᐊᓯᐅᑉ ᐊᒡᓚᖏᑦ 24:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᐊᓯᕈᕐᑕᐅᑎᑦᓱᒫᕐᐹ ᓄᓇᕐᔪᐊᖅ ᑭᓱᐃᕈᑎᓗᓂᓗ, ᓄᓇᐅᑉ ᖄᖓ ᓯᖁᑦᑎᕐᐸᒍ ᐃᓄᖏᑦ ᓇᒧᑐᐃᓐᓇᖅ ᓯᐊᒻᒪᒍᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:1 Iomraidhean Croise

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᐃᓐᖏᕈᑎᑦ 146:9

ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ, ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ; ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 13:13

ᑍᒤᒻᒪᑦ ᕿᓔᑦ ᓴᔪᒃᑎᑦᓱᒪᕙᒃᑲ, ᓄᓇᕐᔪᐊᕐᓗ ᐊᐅᓚᓂᕐᒥᓄᑦ ᐃᓂᒥᓂᑦ ᓅᑦᓱᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓂ ᐅᓪᓗᒥᓗ ᓂᓐᖓᐅᑦᔨᕕᖓᓂ.

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 2:19

ᐃᓄᐃᓪᓗ ᕾᕐᑑᑉ ᕾᕈᓱᖏᓐᓄᑦ ᐳᓚᔪᒫᕐᐳᑦ ᓄᓇᐅᓪᓗ ᐃᑎᕐᓴᖏᓐᓄᐊᕐᓗᑎᒃ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓ ᐱᓪᓗᒍ, ᑖᑦᓱᒪᓗ ᐊᖓᔪᖅᑳᕐᔪᐊᖑᓂᖓᑕ ᓂᕐᑐᕐᓇᕐᑐᕐᔪᐊᖑᓂᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒍᒫᕐᐳᖅ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 24:19

ᓄᓇᕐᔪᐊᖅ ᖁᓪᓗᕈᒫᕐᐳᖅ ᓴᔪᒃᐱᓗᒡᓗᓂ ᖁᓪᓗᕐᓂᖏᓪᓗ ᐃᕐᐹᑎᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:20

ᓄᓇᕐᔪᐊᕐᓗ ᐊᖔᔮᕐᑐᑎᑐᑦ ᐅᕐᕈᔮᕈᒫᕐᐳᖅ, ᐃᒡᓗᑎᑐᓪᓗ ᐊᓄᕆᓯᐅᕐᓗᓂ ᐅᕚᔪᑎᑐᑦ ᐊᐅᓚᔪᒫᕐᐳᖅ, ᓄᓇᕐᔪᐊᖅ ᐊᔪᕐᑐᓕᓂᕐᒥᓄᑦ ᐅᖁᒤᑦᑐᒦᑎᒻᒪᑦ, ᐅᕐᕈᔪᒫᕐᐳᖅ ᒪᑭᒃᑲᓐᓂᕐᓂᐊᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 27:10

ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 29:16

ᓱᓇᓕᒫᑦ ᒧᒥᒃᑎᑉᐰᑦ! ᐃᓗᓕᖁᑎᓂᒃ ᒪᕐᕋᓕᐅᕐᑎ ᐃᓗᓕᖁᑎᓕᐊᒃᓴᖅ ᒪᕐᕋᐅᑎᓪᓗᒍ ᑕᑯᓐᓇᕐᑕᐅᔪᓐᓇᕐᐹ? ᓴᓇᔭᐅᓯᒪᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ? “ᑖᑦᓱᒪ ᓴᓇᓚᐅᓐᖏᓛᖓ”; ᐅᕝᕙᓗ ᑕᐅᑦᑐᓕᐅᕐᑕᐅᔪᖅ ᑕᐅᑦᑐᓕᐅᕐᑎᒥᓂᒃ ᐅᖃᐅᓯᖃᕈᓐᓇᕆᕚ? “ᐅᓇ ᑐᑭᓯᐅᒪᖏᑦᑐᖅ.”

ᐂᓮᐊᓯᐅᑉ ᐊᒡᓚᖏᑦ 29:2

ᐃᓱᐃᓪᓕᐅᕐᑎᑦᓴᕆᐊᖃᕐᐸᕋᓕ ᐊᕅᐅᓪ, ᑕᒪᓐᓇ ᓇᓪᓕᐅᑎᒃᐸᑦ ᕿᒃᓵᖕᓂᖃᕈᒫᕐᐳᖅ ᐅᒡᒍᐊᕐᓂᖃᕐᓗᓂᓗ, ᑕᒪᑐᒪᓕ ᑭᖑᓂᖓᒍᑦ ᐂᕆᐅᓪᓚᕆᐅᓕᕈᒫᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 30:32

ᐊᑕᓂᐅᑉ ᐱᒋᐊᕐᓯᖃᑦᑕᕐᓂᖏᑦ ᑖᒃᑯᓂᖓ, ᓂᐱᖃᕈᒫᕐᐳᖅ ᓯᕙᓂᕋᐅᑎᓂᒃ ᕼᐊᕐᐱᓂᒡᓗ ᓂᓪᓕᐊᑎᑦᓯᔪᑎᑐᑦ; ᐅᓇᑕᕐᓗᓂ ᑖᒃᑯᓂᖓ ᑕᓕᕐᒥᓄᑦ ᐱᒋᐊᕐᑕᕐᓗᓂ ᐅᓇᑕᕈᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 32:12

ᓴᒡᕕᑦᓯᓐᓂᒃ ᑎᒡᓗᐊᓕᕆᑦᓯ ᐱᕈᕐᓰᕕᓯ ᐱᕈᕐᕕᐅᑦᓯᐊᕐᐸᓚᐅᕐᑐᑦ ᐱᓪᓗᒋᑦ, ᐸᐅᕐᖓᖃᐅᑏᓪᓗ ᕔᓂᒃᓴᓂᒃ ᐸᐅᕐᖓᖃᑦᓯᐊᕐᐸᓚᐅᕐᑐᑦ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:10

ᖃᒥᔪᐃᑦᑑᓕᕈᒫᕐᐳᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐳᔫᖏᓐᓇᓕᕐᓗᓂ ᐃᓱᖃᖏᑦᑐᒧᑦ, ᑭᖑᕚᕇᑦ ᐅᓄᕐᑐᑦ ᑎᑭᓪᓗᒋᑦ ᓄᓇᒋᔭᒃᓴᐅᔪᓐᓃᕈᒫᕐᐳᖅ, ᐃᖏᕐᕋᔪᓄᓪᓗ ᐊᖅᑯᑕᐅᕙᒍᓐᓃᕐᓗᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 42:15

ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 40:15

ᑕᕝᕙ ᔪᕼᐋᓇᓂᐅᑉ ᑲᕆᐊᑉ ᐃᕐᓂᖓᑕ ᐃᔨᕋᕐᑐᕐᓗᓂ ᒋᑕᓔᐊ ᒥᔅᐸᒥ ᐅᖃᐅᑎᕚ, “ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᑐᖁᑦᓴᕐᑐᓚᐅᕐᓚᒍ, ᖃᐅᔨᔪᖃᑦᔮᓐᖏᓚᖅ, ᓱᖕᒪᓪᓕ ᐃᓕᖕᓂᒃ ᑐᖁᑦᓯᑎᑕᐅᓇᓱᐊᕐᐹ? ᑐᖁᑕᐅᒐᔭᕈᕕᑦ ᔫᑎᑦ ᐃᓕᖕᓄᑦ ᐊᐅᓚᑕᐅᓕᕐᑐᑦ ᐊᕕᑎᑕᐅᑐᐃᓐᓇᕐᓂᐊᕐᐳᑦ, ᑕᒪᓐᓇᓗ ᖁᐊᕐᓵᕐᓇᕐᓂᐊᕐᐳᖅ ᔫᑕᒥᐅᑕᐅᔪᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 12:20

ᐃᒡᓗᒐᓴᒡᔪᐊᑦ ᒫᓐᓇ ᐃᓄᓖᑦ ᓱᒃᑯᑎᕐᑕᐅᔪᒫᕐᐳᑦ, ᓄᓇᓗ ᑕᒪᓐᓇ ᓱᓇᑕᖃᕈᓐᓃᕐᓗᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 24:11

ᐅᒃᑯᓯᒃ ᑲᓐᓄᔭ ᐃᓗᓕᖃᕈᓐᓃᕐᑎᓪᓗᒍ ᕿᔪᒃᓴᑦ ᖄᖓᓄᑦ ᐃᓕᔭᐅᓕ, ᐊᐅᒪᕈᕐᑎᓪᓗᒍ ᓴᓗᒪᖏᓐᓂᖓ ᐊᐅᖕᓂᐊᕐᒪᑦ, ᒪᓐᖏᕐᑐᕆᐅᓂᖓᓗ ᐲᔭᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 35:14

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᕐᔪᐊᕐᒥᐅᓕᒫᑦ ᖁᕕᐊᓱᓕᕐᐸᑕ ᓱᓁᕈᑎᑎᑦᓱᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 5:14

ᓱᓇᐅᔪᓐᓃᕐᑎᑦᓱᒫᕐᐸᑦᓯ ᐃᓅᖃᑎᒌᒡᔪᐊᓪᓗ ᐊᕙᑎᑦᓯᓐᓃᑦᑐᑦ ᐃᓕᑦᓯᓐᓄᑦ ᐊᖅᑯᓵᕐᓗᑎᒃ ᑕᑯᔭᕌᖓᒥᒃ ᒥᑕᐅᑎᒃᓴᖃᑦᑕᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 6:6

ᓇᓂᑐᐃᓐᓇᖅ ᐃᒡᓗᒐᓴᒡᔪᐊᑦ ᐃᓂᒋᔭᓯ ᐊᓯᕈᕐᑕᐅᔪᒫᕐᐳᑦ ᒎᑎᓐᖑᐊᒃᑯᕕᓯᓗ, ᑐᓂᕐᕈᓯᕐᕕᖁᑎᓯᓗ ᓯᖁᑦᑎᕐᑕᐅᔪᒫᕐᐳᑦ, ᒎᑎᓐᖑᐊᖁᑎᓯ ᓯᖁᒥᑕᐅᔪᒫᕐᐳᑦ ᐊᓯᕈᕐᑕᐅᓗᑎᒡᓗ, ᐃᓯᕐᓗᐊᕐᓂᑎᑦᓯᕕᖕᒧᑦ ᑐᓂᕐᕈᓯᕐᕕᖁᑎᓯ ᐅᕐᕈᑎᑕᐅᓗᑎᒃ, ᓴᓇᓯᒪᔭᓯᓗ ᓄᖑᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 7:12

“ᓇᓪᓕᐅᑦᑐᒃᓴᖅ ᓇᓪᓕᐅᑎᕗᖅ, ᐅᓪᓗᖅ ᑎᑭᓕᕐᐳᖅ. ᓂᐅᕕᕐᐸᒃᑐᖅ ᖁᕕᐊᓱᖕᓂᐊᕋᓂ, ᓂᐅᕐᕈᑎᖃᕐᐸᒃᑐᕐᓗ ᕿᒃᓵᖕᓂᐊᕋᓂ, ᓂᓐᖓᐅᓯᐅᑉ ᐃᓄᒐᓴᒡᔪᐊᓕᒫᑦ ᑎᑭᑦᓱᒫᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 7:14

ᑎᑦᑐᓚᐅᑦ ᓂᓪᓕᕐᑎᑉᐹᑦ ᐊᑐᐃᓐᓇᕈᕐᑐᐃᓐᓇᐅᓗᑎᒃ; ᐅᓇᑕᕆᐊᕈᓐᓇᕐᓯᓐᖏᓚᓪᓕ, ᓂᓐᖓᐅᓯᕐᒪ ᐃᓄᓕᒫᑦ ᑎᑭᒻᒪᒋᑦ.”

ᓇᕼᐅᒥᐅᑉ ᐊᒡᓚᖏᑦ 1:5

ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ, ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ; ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ; ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.

ᓇᕼᐅᒥᐅᑉ ᐊᒡᓚᖏᑦ 2:10

ᓱᓁᕈᑎᕗᖅ, ᕿᒪᒃᑕᐅᓯᒪᓕᕐᐳᖅ, ᐊᓯᕈᕐᑕᐅᓪᓗᓂᓗ; ᐆᒻᒪᑏᑦ ᓄᑮᕈᑎᕗᑦ ᑲᑉᐱᐊᓱᖕᓂᕐᒧᑦ; ᓰᖅᑯᐃᑦ ᓴᔪᓕᕐᐳᑦ ᓄᑭᖃᕈᓐᓃᕐᓗᑎᒡᓗ; ᑮᓇᖏᓪᓗ ᖃᒃᑯᑑᓕᕐᓱᑎᒃ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:6

ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ,

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 32:26

ᐅᖃᕋᔭᓚᐅᕈᒪ, ᐅᖓᓯᒃᑐᒧᑦ ᓯᐊᒻᒪᕐᓕᑦ, ᐳᐃᒍᕐᑕᐅᒐᔭᕐᐳᑦ ᐃᓄᖕᓄᑦ.

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.