ᐂᓮᐊᓯᐅᑉ ᐊᒡᓚᖏᑦ 23:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕆᐅᕐᔪᐊᖅ ᐃᑳᕐᓗᒍ, ᓂᐅᕕᕆᐊᕐᓗᓯ ᓂᐅᕐᕈᑎᖃᕆᐊᕐᑐᕐᓗᓯᓗ ᓂᐊᖂᔭᒃᓴᒥᒃ ᐄᑦᔨᑉᑎᒥᑦ ᐱᕈᕐᓂᑯᓂᒃ ᐃᓅᖃᑎᒌᒡᔪᐊᓄᓪᓗ ᓇᒧᑐᐃᓐᓇᖅ ᓂᐅᕕᕋᕐᑎᑦᓯᕙᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 23:3 Iomraidhean Croise

ᑯᕉᓂᑲ ᓯᕗᓪᓖᑦ 13:5

ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᑲᑎᑎᑉᐰᑦ ᓮᕼᐅᕆ ᐄᑦᔨᑉᑎᒥᑦ ᐱᒋᐊᕐᓗᒋᑦ ᕼᐊᒫᑎ ᐃᑎᕆᐊᕐᕕᖕᒧᑦ ᑎᑭᓪᓗᒍ, ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐅᑎᕐᑎᑕᐅᖁᓪᓗᒍ ᑭᕆᐊᑦ-ᔨᕆᒻᒥᑦ.

ᐂᓮᐊᓯᐅᑉ ᐊᒡᓚᖏᑦ 19:7

ᑰᒑᓘᑉ ᓁᓕᐅᑉ ᓴᓂᕌᓂ ᓱᓇᖃᕈᓐᓁᕈᒫᕐᐳᖅ, ᓁᓕᐅᑉ ᓯᓈ ᐸᓂᕐᑑᓕᕐᓗᓂ, ᐱᕈᕐᓯᐊᕕᓃᑦ ᓁᓕᐅᑉ ᖃᓂᒋᔭᖓᓃᑦᑐᑦ ᐸᓂᕈᒫᕐᒪᑕ, ᑎᒃᑕᐅᕋᕈᒫᕐᐳᑦ, ᐱᑕᖃᕈᓐᓃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 23:8

ᑭᓇᒧᑦ ᑕᒪᓐᓇ ᐊᓯᕈᕐᑕᐅᓇᕐᑐᖅ ᑍᕆᒥᐅᓄᑦ ᑎᑭᐅᑎᑎᑕᐅᓐᓂᕐᐹ, ᐃᒡᓗᒐᓴᒡᔪᐊᓂ ᐊᖏᓂᕐᐹᖑᔪᒧᑦ ᓂᐅᕕᕋᕐᑎᖏᑦ ᓇᒧᑐᐃᓐᓈᕐᑖᕐᑐᑦ ᐊᖓᔪᖅᑳᕐᔪᐊᓄᑦ ᐃᕐᓂᕆᔭᐅᕗᑦ ᓄᓇᕐᔪᐊᓕᒫᒥ ᐅᐱᒋᔭᐅᔪᑦ?

ᐂᓮᐊᓯᐅᑉ ᐊᒡᓚᖏᑦ 32:20

ᖁᕕᐊᓱᒍᑎᒃᓴᖃᕐᐳᓯᓕ ᐃᒪᐅᑉ ᓯᓈᓄᑦ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓯᒪᔪᓯ, ᐆᒪᔪᖁᑎᓯᓗ ᐃᓱᒤᓐᓇᕐᕆᓗᑎᒃ ᓄᓇᖁᑎᑦᓯᓐᓂ ᓂᕆᓇᓱᐊᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᐃᓯᑭᐊᓕᐅᑉ ᐊᒡᓚᖏᑦ 27:33

ᓂᐅᕕᐊᒃᓮᑦ ᐅᒥᐊᕐᔪᐊᒃᑯᑦ ᑎᑭᐅᑦᔭᐅᔭᕌᖓᑕ, ᐃᓄᒐᓮᑦ ᑭᓐᖒᒪᔭᖏᓐᓂᒃ ᐱᑎᑉᐸᓚᐅᕐᐸᓯ; ᐊᖓᔪᖅᑳᕐᔪᐊᓪᓗ ᐊᒃᓗᐃᓕᑎᓪᓗᓯᐅᒃ ᐊᔪᕐᓴᖏᑦᑐᐊᓘᓂᑦᓯᓐᓄᑦ ᓂᐅᕕᐊᒃᓴᖁᑎᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 28:4

ᓯᓚᑐᓂᕐᓄᑦ ᖃᐅᔨᒪᓂᕐᓄᓪᓗ ᐃᓕᖕᓂᒃ ᐊᔪᕐᓴᕈᓐᓃᕐᑎᓯᒪᒐᕕᑦ, ᒎᓗᓂᒃ ᓯᐅᓪᕕᕆᓂᒡᓗ ᑲᑎᕐᓱᐃᓯᒪᒐᕕᑦ ᐱᖁᑎᒃᑯᕕᖕᓄᑦ;

ᔪᐃᓕᐅᑉ ᐊᒡᓚᖏᑦ 3:5

ᑎᒍᓯᓚᐅᕋᑦᓯ ᓯᐅᕕᕆᖁᑎᓐᓂᒃ ᒎᓗᖁᑎᓐᓂᒡᓗ, ᐊᐅᓪᓚᕈᑦᔨᓚᐅᕋᑦᓯᓗ ᐱᐅᓂᕐᐹᖁᑎᓐᓂᒃ ᑐᒃᓯᐊᕐᕕᓯᓐᓄᑦ.

ᒨᓯᓯ ᑕᓪᓕᒪᖏᑦ 11:10

ᑕᒪᓐᓇ ᓄᓇ ᓄᓇᑖᕆᓂᐊᓕᕐᑕᓯ ᐄᑦᔨᑉᑎᐅᑉ ᓄᓇᖓᑎᑐᑦ ᑍᒤᑦᑑᓐᖏᓚᖅ, ᓄᓇᒋᓚᐅᕐᑕᑦᓯᑐᑦ. ᑍᑲᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔭᕌᖓᑦᓯ, ᐱᔭᕐᓂᖏᑦᑐᒃᑯᑦ ᐱᕈᕐᑎᑦᓯᓇᓱᖃᑦᑕᓚᐅᕋᑦᓯ, ᐱᕈᕐᓰᕕᖕᒥ ᐱᕈᕐᑐᕕᓂᕐᑎᑐᑦ ᑍᒤᑎᓐᓇᓱᐊᕐᓗᒋᑦ.

ᔮᓱᐊᑉ ᐊᒡᓚᖏᑦ 13:3

ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.