ᐂᓮᐊᓯᐅᑉ ᐊᒡᓚᖏᑦ 23:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 23:18 Iomraidhean Croise

ᐃᓐᖏᕈᑎᑦ 45:12

ᑍᕆᒥᐅᑦ ᐸᓂᖏᑦ ᑎᑭᓐᓂᐊᕐᐳᑦ ᑐᓂᕐᕈᑎᒥᒃ ᓇᒃᓴᕐᓗᑎᒃ; ᐃᓄᐃᑦ ᐊᔪᕐᓴᖏᑦᑐᑦ ᐃᓕᖕᓄᑦ ᐱᑦᓯᐊᕐᕕᐅᔪᒪᓂᐊᕐᐳᑦ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 72:11

ᐊᖓᔪᖅᑳᕐᔪᐊᓕᒫᑦ ᓵᖓᓂ ᐹᒻᒪᒃᑎᕈᒫᕐᐳᑦ, ᐃᓅᖃᑎᒌᒡᔪᐊᓕᒫᓪᓗ ᐱᔨᑦᓯᕈᒫᕐᐹᑦ.

ᒨᓯᓯ ᐂᑉᐸᖏᑦ 28:36

“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 26:12

ᑎᒎᖅᑬᔪᒫᕐᐳᑦ ᐊᒃᓗᐃᑦᔪᑎᑦᓯᓐᓂᒃ ᓂᐅᕕᐊᒃᓴᖁᑎᑦᓯᓐᓂᒡᓗ; ᐃᒡᓗᑦᓯ ᐊᑭᓐᓇᖏᑦ ᐅᕐᕈᑎᑦᓱᒫᕐᐰᑦ ᐃᒡᓗᑦᓯᐊᕙᓯ ᐊᓯᕈᕐᑕᐅᓗᑎᒃ; ᐅᔭᕋᖁᑎᓯ ᕿᔪᐃᓪᓗ ᓄᓇᔭᖁᑎᓯᓗ ᐃᒫᓄᑦ ᐃᒋᑕᐅᔪᒫᕐᐳᑦ.

ᒤᑲᐅᑉ ᐊᒡᓚᖏᑦ 4:13

“ᓮᐅᓂᐅᑉ ᐃᓄᖏᑦ ᐊᑭᕋᓯ ᐊᓇᐅᓕᕆᐊᕐᑐᓕᕐᓯᒋᒃ! ᐱᔪᓐᓇᕐᓯᑎᓐᓂᐊᕐᐸᑦᓯ ᓲᖑᓯᑎᓪᓗᓯ ᐃᒻᒧᒃᓯᐅᒊᑦ ᐸᖕᓂᖏᑎᑐᑦ ᓴᕕᕋᔭᖕᓂᒃ ᓇᒡᔪᖃᕐᓗᑎ ᑯᑭᖃᕐᓗᑎᒡᓗ ᑲᓐᓄᔭᓂᒃ, ᐊᓯᕈᐃᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ, ᐱᖁᑎᑖᕕᓂᖏᓪᓗ ᐅᓇᑕᕐᓂᒃᑯᑦ ᐅᑎᕐᑎᑕᐅᓂᐊᕐᐳᑦ ᐃᑦᔪᕐᓁᑎᑕᐅᓗᑎᒃ ᐊᑕᓂᐅᔪᒧᑦ ᓯᓚᕐᔪᐊᓕᒫᒧᑦ.”

ᓴᑲᕅᐊᐅᑉ ᐊᒡᓚᖏᑦ 14:14

ᔫᑕᒥᓗ ᓄᓇᖃᕐᑐᑦ ᔨᕉᓴᓕᒥᐅᓂᒃ ᑕᐱᖃᕈᒫᕐᐳᑦ ᐅᓇᑕᖃᑎᒌᒡᓗᑎᒃ; ᐃᓅᖃᑎᒌᒡᔪᐊᑦ ᔨᕉᓴᓕᐅᑉ ᓯᓚᑖᓃᑦᑐᑦ ᐊᔪᕐᓴᖏᑦᔪᑎᖏᑦ ᐃᒤᑦᑐᑦ ᑲᑎᕐᓱᕐᑕᐅᔪᒫᕐᐳᑦ; ᒎᓗᑦ ᓯᐅᓪᕕᕆᓪᓗ ᐊᖏᔪᐊᓗᐃᑦ, ᐊᓐᓄᕌᓪᓗ ᐅᓄᕐᑐᐊᓗᐃᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 25:16

ᐱᔨ ᑮᓇᐅᔭᕐᑖᕐᑎᑕᐅᔪᖅ 5,000ᓂᒃ ᑕᕝᕔᓐᓇᖅ ᐊᑐᕐᑐᐊᕐᑕᐅᑎᑉᐰᑦ; ᑭᖑᓂᖓᒍᓪᓗ ᑮᓇᐅᔭᕐᑖᒃᑲᓐᓂᕐᐳᖅ ᐊᓯᖏᓐᓂᒃ 5,000ᓂᒃ.

ᒫᑯᓯᐅᑉ ᐊᒡᓚᖏᑦ 3:8

ᔨᕉᓴᓕᒻᒥᓐᖔᕐᑐᓂᓪᓗ, ᐂᑐᒥᐊᒥᓪᓗ, ᔪᐊᕐᑕᓂᐅᓪᓗ ᐊᑭᐊᓂᓐᖔᕐᑐᓂᑦ, ᐃᒡᓗᒐᓴᒡᔪᐊᓂᓪᓗ ᑍᕆᒥ ᓮᑐᓂᒥᓪᓗ, ᑕᒪᕐᒥᒃ ᔩᓱᓯᒧᐊᓚᐅᕐᐳᑦ ᑐᓴᓚᐅᕋᒥᒃ ᑖᑦᓱᒪ ᐱᓇᓱᐊᕐᓂᕆᓚᐅᕐᑕᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 8:3

ᔪᐊᓇᓗ ᑦᓲᓴᐅᑉ ᓄᓕᐊᖓ, ᐃᕉᑕᓯᐅᑉ ᐃᒡᓗᒥᓂ ᐊᖓᔪᖅᑳᖁᑎᖓᑕ; ᓲᓵᓇᓗ, ᐊᕐᓁᓪᓗ ᐊᓯᖏᑦ ᐊᒥᓱᑦ, ᖃᓄᑐᐃᓐᓇᖅ ᐃᑲᔪᕐᐸᒃᑐᑦ ᐃᑲᔫᑎᒋᔪᓐᓇᕐᑕᒥᒃᑎᒍᑦ ᔩᓱᓯᒥᒃ ᐃᓕᓐᓂᐊᕐᑎᖏᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 9:39

ᐲᑦᑐᕉᓯ ᐸᕐᓇᒃᑲᒥ ᑖᒃᑯᐊᒃ ᐃᓚᒋᓪᓗᒋᒃ ᐊᐅᓪᓚᕐᐳᑦ. ᑕᕝᕗᖓ ᑎᑭᒻᒪᑕ ᐋᑉᐹᑦ ᐃᒡᓘᑉ ᖁᓛᓃᑦᑐᒧᑦ. ᐅᐃᒡᒐᕐᓃᑦ ᑕᕝᕙᓃᑦᑐᑦ ᕿᐊᕗᑦ, ᐅᕕᓂᕈᕐᓂᒃ ᐊᓐᓄᕌᓂᒡᓗ ᐊᓯᖏᓐᓂᒃ, ᑑᑲᓯᐅᑉ ᐃᓅᓪᓗᓂ ᓴᓇᖃᑦᑕᕐᑕᕕᓂᖏᓐᓂᒃ ᐲᑦᑐᕉᓯᒧᑦ ᑕᑯᔭᐅᑎᑦᓯᕗᑦ.

ᒐᓔᑎᐊᒥᐅᓄᑦ 6:6

ᐅᒃᐱᕐᓂᕐᒥᒃ ᐊᔪᕆᕐᑐᕐᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᕐᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.