ᐂᓮᐊᓯᐅᑉ ᐊᒡᓚᖏᑦ 23:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑲᐅᓪᑎᐊᒥᐅᓄᑦ ᐆᒪᔪᓄᑦ ᓄᔪᐊᕐᑐᓄᑦ ᑍᕆᒥᐅᑦ ᐊᖅᑯᓵᕐᑕᐅᑎᑕᐅᓚᐅᕐᐳᑦ ᐊᓯᕆᐊᒥᐅᓅᖏᑦᑐᖅ. ᑖᒃᑯᐊᓗ ᐹᐱᓘᓂᒥᐅᑦ ᐊᕙᑕᖏᕐᓯᓯᒪᓪᓗᑎᒃ ᓇᐸᔪᐊᓗᓕᐅᓚᐅᕐᐳᑦ, ᑍᕆᒥᐅᑦ ᐊᕙᓗᕐᔪᐊᖏᓐᓂᒃ ᓯᖁᒥᑦᓯᑦᔪᑎᒋᓚᐅᕐᑕᒥᖕᓂᒃ ᐃᒡᓗᒐᓴᒡᔪᐊᓂᒡᓗ ᐊᓯᕈᐃᑦᔪᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 23:13 Iomraidhean Croise

ᒨᓯᓯ ᓯᕗᓪᓖᑦ 11:28

ᕼᐊᕋᓐᓕ ᑐᖁᓚᐅᕐᐳᖅ ᐊᖏᕐᕋᒥᓂ ᓄᓇᒥ ᐅᕐᒥ ᑲᐅᓪᑎᐊᒦᑦᑐᒥ, ᓱᓕ ᑖᑦᓱᒪ ᐊᑖᑕᖓ ᑏᕋ ᐃᓅᑎᓪᓗᒍ.

ᒨᓯᓯ ᓯᕗᓪᓖᑦ 11:31

ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 11:9

ᑍᒤᒻᒪᑦ ᐃᒡᓗᒐᓴᒡᔪᐊᑦ ᐊᑎᖃᓕᓚᐅᕐᐳᑦ ᐹᐱᓕᒥᒃ, ᐊᑕᓂᐅᑉ ᑕᕝᕙᓂ ᐃᓄᐃᑦ ᐅᖃᐅᓯᖃᖃᑎᒌᒍᓐᓃᕐᑎᓚᐅᕐᒪᒋᑦ, ᑕᕝᕙᓐᖓᓪᓗ ᐊᑕᓂᐅᑉ ᓯᐊᒻᒪᕐᑎᓚᐅᕐᐰᑦ ᓇᒧᑐᐃᓐᓇᖅ ᐅᖓᓯᒃᑐᒧᑦ ᓄᓇᕐᔪᐊᓕᒫᒧᑦ.

ᒨᓯᓯ ᓯᕗᓪᓖᑦ 2:14

ᑰᓪᓗ ᐱᖓᔪᖓᑦ ᐊᑎᖃᕐᐳᖅ ᑍᒍᕆᓯᒥᒃ, ᐊᓯᕆᐊᑉ ᖃᐅᓕᕐᕕᐊᑕ ᓇᓛᒍᑦ ᑰᒃᑐᖅ. ᑰᓪᓗ ᓯᑕᒪᖓᑦ ᐊᑎᖃᕐᐳᖅ ᐃᕗᕅᑎᒥᒃ.

ᐊᑕᓃᑦ ᐂᑉᐸᖏᑦ 17:24

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓄᓇᖁᑎᒥᓂᑦ ᐹᐱᓘᓂᒥᐅᑦ, ᑰᓴᕼᐊᒥᐅᑦ, ᐊᕙᒥᐅᑦ, ᕼᐊᒫᑎᒥᐅᑦ, ᓯᑉᕼᐊᕋᕔᓐᒥᐅᓪᓗ ᓄᓇᑖᕐᑎᑉᐰᑦ ᓴᒥᐊᕆᐊᒥ ᐃᓴᕆᐊᓕᒥᐅᑦ ᐊᐅᓪᓚᕈᑎᓚᐅᕐᑕᓂ ᑖᒃᑯᓄᖓ ᐃᓇᖏᕐᑕᐅᑎᓪᓗᓂᒋᑦ ᓄᓇᖁᑎᑖᕐᑐᕐᑎᑉᐰᑦ ᓄᓇᒋᓂᐊᓕᕐᓗᒋᑦ.

ᐊᑕᓃᑦ ᐂᑉᐸᖏᑦ 20:12

ᑍᑦᓱᒪᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᒥᕈᑖᒃ-ᐸᓚᑖᓐ ᐸᓚᑖᓂᐅᑉ ᐃᕐᓂᖓ ᑐᓴᐅᒪᓕᕋᒥ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᖃᓂᒪᓚᐅᕐᓂᖓᓂᒃ ᑎᑎᕋᕐᕕᒋᕚ ᑐᔪᕐᓗᒍᓗ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᔫᐱᐅᑉ ᐊᒡᓚᖏᑦ 1:17

ᓱᓕᓕ ᐅᖃᕇᓚᐅᕐᑎᓐᓇᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᕐᓗᓂᓗ, “ᐱᖓᓱᐃᖑᓪᓗᑎᒃ ᑲᐅᓪᑎᐊᒥᐅᑦ ᕿᒻᒥᕐᔪᐊᒃᑰᕐᑐᑦ ᐅᕙᑦᑎᓐᓄᑦ ᐅᓇᑕᕆᐊᕐᒪᑕ ᑳᒥᓕᖁᑎᓕᒫᕗᑦ ᑖᒃᑯᓄᖓ ᐱᔭᐅᕗᑦ ᐱᔨᓕᒫᑎᓪᓗ ᑐᖁᑕᐅᓪᓗᑎᒃ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᐃᓐᖏᕈᑎᑦ 72:9

ᐃᓄᖃᖏᑦᑐᒥ ᐃᓂᖃᕐᑐᑦ ᓵᖓᓂ ᐅᑯᔪᒫᕐᐳᑦ, ᐊᑭᕋᖏᑕᓗ ᐳᔪᕐᓗᒃ ᐊᓗᒃᑐᕈᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:7

ᐊᓯᕆᐊᓕ ᑍᒫᒃ ᐱᔪᒪᓚᐅᓐᖏᓚᖅ, ᑍᒫᒡᓗ ᐃᓱᒪᖃᓚᐅᕋᓂ; ᐃᓱᒪᒥᒍᓪᓕ ᐊᓯᕈᐃᔪᒪᕗᖅ, ᐃᓅᖃᑎᒌᒡᔪᐊᓪᓗ ᖃᑦᓰᓐᓇᐅᖏᑦᑐᑦ ᓄᖑᑦᓱᒪᕔᑦ;

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 13:21

ᐆᒪᔪᓄᓪᓕ ᓄᔪᐊᕐᑐᓄᑦ ᐃᓂᒋᔭᐅᔪᒫᕐᐳᖅ, ᐃᒡᓗᕕᓂᖏᑦ ᑕᑕᑦᓱᒫᕐᐳᑦ ᐆᒪᔪᓂᒃ ᓂᓪᓕᐊᔪᓂᒃ; ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ ᖃᖓᑕᔪᓐᓇᖏᑦᑐᓄᑦ ᓇᔪᒐᐅᓗᓂ, ᑕᕝᕙᓂᓗ ᓴᑍᕇᑦ ᑖᓂᓯᖃᑦᑕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 18:6

ᐃᓘᓐᓇᓕᒫᑦᓯᐊᑎᒃ ᕿᒤᓐᓇᕐᑕᐅᔪᒫᕐᐳᑦ ᑎᖕᒥᐊᓄᑦ ᓂᕿᑐᕐᑐᓄᑦ ᖃᖅᑲᓃᑦᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ. ᐊᐅᔭᓕᒫᖅ ᑎᖕᒥᐊᓄᑦ ᓂᕿᒋᔭᐅᓕᕈᒫᕐᐳᑦ, ᐅᑭᐅᓕᒫᕐᓗ ᐆᒪᔪᓄᑦ ᓄᓇᒦᑦᑐᓄᑦ ᓂᕿᒋᔭᐅᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 43:14

ᐃᒫᒃ ᐊᑕᓂᖅ ᐅᖃᕐᐳᖅ, ᓴᐳᑦᔨᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐱᑦᔪᑎᒋᓗᓯ ᐹᐱᓘᓂᒧᑦ ᑎᓕᓯᔪᒪᕗᖓ, ᓵᓚᒋᔭᐅᑎᓪᓗᒋᑦ ᕿᒫᑎᑕᐅᖁᓪᓗᒋᑦ, ᑲᐅᓪᑎᐊᒥᐅᑦ ᐅᒥᐊᕐᔪᐊᖁᑎᒥᖕᓂᒃ ᖁᕕᐊᓲᑎᖃᕐᐸᒃᑐᑦ ᐅᒡᒍᐊᕈᑎᖃᓕᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 23:23

ᐹᐱᓘᓂᒥᐅᑦ ᑲᐅᓪᑎᐊᒥᐅᓕᒫᓪᓗ, ᐱᑳᑦᒥᐅᑦ ᓱᐊᒥᐅᑦ ᑯᐊᒥᐅᓪᓗ, ᐊᓯᕆᐊᒥᐅᓕᒫᓪᓗ ᐱᖃᑕᐅᓗᑎᒃ ᑎᑭᑎᑦᓱᒫᕐᐸᒃᑲ, ᐃᓅᓱᒃᑐᑦ ᐊᖑᑎᑦᓯᐊᕔᑦ ᐃᒃᓕᒋᖃᑦᑕᓚᐅᕐᑕᑎᑦ, ᐊᐅᓚᑦᓯᔩᑦ ᐅᓇᑕᕐᑏᓪᓗ ᐊᖓᔪᖅᑳᓕᒫᖏᑦ, ᐅᓇᑕᕐᑏᓪᓗ ᐱᓯᑎᐅᓂᕐᐹᖏᑦ, ᕿᒥᕐᔪᐊᕐᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 29:18

“ᐃᓅᑉ ᐃᕐᓂᖓ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᓂᐱᑯᓁᓴ ᐅᓇᑕᕐᑎᖁᑎᒥᓂᒃ ᐊᒃᓱᕈᕐᑎᑦᓯᓪᓗᓂ ᐊᑐᐃᓐᓇᕈᕐᑎᓕᕐᐳᖅ ᐅᓇᑕᕆᐊᕈᒪᓪᓗᓂ ᑍᕆᒥᒃ; ᐅᓇᑕᕐᑎᖁᑎᓕᒫᖏᑦ ᓄᔧᔭᕐᑕᐅᓯᒪᓕᕐᐳᑦ ᑐᐃᖏᓪᓗ ᐊᒦᕈᑎᓪᓗᑎᒃ; ᐊᖓᔪᖅᑳᕐᔪᐊᖓᓪᓕ ᐅᓇᑕᕐᑎᖁᑎᖏᓪᓗ ᐊᒃᓱᕈᕈᑎᒋᓚᐅᕐᑕᒥᖕᓄᑦ ᓱᓕ ᐊᑭᓕᕐᑕᐅᓚᐅᓐᖏᓚᑦ.

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:4

ᑕᕝᕙ ᓄᓇᒋᔭᓂ ᑲᐅᓪᑎᐊ ᕿᒪᓚᐅᕐᐹ, ᓄᓇᖃᕆᐊᕐᑐᕐᓗᓂ ᕼᐊᕋᓐᒥ, ᐊᑖᑕᖓ ᑐᖁᖕᒪ, ᒎᑎᐅᑉ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐹ ᒪᐅᖓ ᒫᓐᓇ ᓄᓇᒋᔭᑦᓯᓐᓄᑦ ᓄᓇᑖᕐᑎᓪᓗᒍ;