ᐂᓮᐊᓯᐅᑉ ᐊᒡᓚᖏᑦ 22:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”

ᐂᓮᐊᓯᐅᑉ ᐊᒡᓚᖏᑦ 22:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 26:10

ᐱᐅᖏᑦᑐᓕᔪᑦ ᐱᑦᓯᐊᕐᕕᒋᒐᓗᐊᕋᕕᒋᑦ, ᐃᓱᐊᕐᑐᒥᒃ ᐊᑐᓕᕆᐊᒃᓴᖅ ᐃᓕᑦᓯᔪᓐᓇᓐᖏᓚᑦ; ᐃᓱᐊᕐᑐᓕᔪᑦ ᓄᓇᖓᓐᓂ ᐊᒡᓛᑦ ᐃᓱᐊᖏᑦᑐᓂᒃ ᓱᓕ ᐱᔪᖃᕐᐸᒃᐳᑦ, ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᓂᒃ ᐃᓕᑕᕐᓯᐅᒪᔪᒪᖏᓐᓇᒥᒃ.

ᐂᓮᐊᓯᐅᑉ ᐊᒡᓚᖏᑦ 29:1

ᑕᑯᒋᑦ ᐊᕅᐅᓪ, ᐊᕅᐅᓪ ᐃᒡᓗᒐᓴᒡᔪᐊᑦ ᑍᕕᑎᐅᑉ ᑕᖕᒫᕐᓯᒪᕕᒋᓚᐅᕐᑕᖏᑦ! ᐊᕐᕌᒍ ᐊᕐᕌᒍᒥᒃ ᐃᓚᒃᑲᓐᓂᕐᓕ; ᓇᓪᓕᐅᓐᓂᕐᓯᐅᕐᓂᖏᑦ ᐃᓱᓕᖁᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 47:8

ᒫᓐᓇᓕ ᑍᒤᒻᒪᑦ ᑐᓵᓕᕆᑦ, ᖁᕕᐊᒋᔭᖃᕐᑐᑎᑦ ᐊᓕᐊᓁᒍᓱᖕᓂᕐᒥᒃ, ᐃᒃᓯᕙᑦᓯᐊᕐᑐᑎᑦ, ᐆᒻᒪᑎᖕᓂ ᐅᖃᕐᐸᒃᑐᑎᑦ, ‘ᐅᕙᖓᑑᕗᖓ ᐊᓯᖃᕐᓇᖓᓗ; ᐅᐃᒡᒐᓲᓗᖓ ᐃᒃᓯᕙᓂᐊᓐᖏᓚᖓ, ᕿᑐᕐᖎᕐᓂᕐᒥᒡᓗ ᖃᐅᔨᓂᐊᕐᓇᖓ’;

ᐂᓮᐊᓯᐅᑉ ᐊᒡᓚᖏᑦ 5:11

ᑲᑉᐱᐊᓐᓇᒦᒃ ᑍᒃᑯᐊ ᐅᓪᓛᕌᕐᔪᒃᑯᑦ ᒪᑭᑉᐸᒃᑐᑦ, ᐃᒥᐊᓗᖕᒥᒃ ᓴᓐᖏᔪᒥᒃ ᐱᔪᓐᓇᕐᓯᔪᒪᓪᓗᑎᒃ, ᐅᓐᓄᐊᒧᑦ ᑎᑭᓪᓗᒍ ᐊᖏᕐᕋᕐᐸᖏᑦᑐᑦ ᐃᒥᐊᓗᖕᒧᑦ ᐆᓇᕐᓯᑎᑕᐅᓚᐅᖏᓐᓂᕐᒥᖕᓂ!

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 5:22

ᑲᑉᐱᐊᓐᓇᒦᒃ ᕔᓂᒥᒃ ᐃᒥᕐᓯᑎᐊᓗᐃᑦ, ᐊᔪᖏᑦᑐᐊᓗᐃᓪᓗ ᓴᓐᖏᔪᒥᒃ ᑲᑎᑦᓯᓗᑎᒃ ᐃᒥᐊᓗᓕᐅᕐᑐᑦ,

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 16:49

ᑕᑯᒋᑦ, ᓄᑲᓯ ᓱᑑᒪ ᐸᓯᔭᒃᓴᐅᑦᔪᑎᖃᓕᓚᐅᕐᐳᑦ ᐃᒤᑦᑐᒥᒃ: ᑖᓐᓇ ᐸᓂᖏᓪᓗ ᐱᐅᔪᕆᓕᓚᐅᕐᒪᑕ ᓂᕿᒃᓴᖃᓗᐊᕐᓂᕐᒥᖕᓄᑦ, ᐃᓱᕐᕆᑦᔪᑎᓂᒡᓗ ᐱᖃᓗᐊᕐᓂᕐᒥᖕᓄᑦ, ᐊᒃᓱᔪᓂᒃ ᐃᑲᔪᕆᐊᓕᖕᓂᒡᓗ ᐃᑲᔪᖃᑦᑕᓚᐅᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 9:1

ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:32

ᑐᖁᖓᔪᓪᓕ ᒪᑭᕝᕕᒃᓴᖃᖏᑉᐸᑕ, ᓱᓇᒥᒡᓕ ᑍᒪ ᐱᕙᓪᓕᕈᑎᖃᕐᐳᖔ? ᐃᓄᑐᐃᓐᓇᐅᑉ ᐃᓕᖅᑯᓯᖓᒍᑦ, ᐆᒪᔪᑎᑐᑦ ᐃᕐᓯᓇᕐᑐᑎᑐᑦ ᐃᓕᖅᑯᓯᓕᖕᓂᒃ ᐅᓇᑕᓚᐅᕋᒪ ᐃᐱᓲᓯᒥ, ᐅᖃᐅᓯᕐᑕᖃᕐᒪᑦ, “ᓂᕆᓕᕐᑕ ᐃᒥᕐᓗᑕᓗ ᖃᐅᒃᐸᑦ ᑐᖁᓛᕋᑦᑕ.”

ᔧᒥᓯᐅᑉ ᐊᒡᓚᖏᑦ 5:5

ᒫᓂ ᓄᓇᒥ ᐊᔪᕐᓴᖏᑦᑐᐊᓘᓪᓗᓯ ᖁᕕᐊᓱᑐᐃᓐᓇᕋᓱᐊᕐᓗᓯᓗ ᐃᓅᓚᐅᕐᐳᓯ; ᐃᓕᑦᓯᓐᓂᒃ ᖁᐃᓂᔪᓐᖑᕐᑎᑉᐳᓯ ᐅᓪᓗᒧᑦ ᑐᖁᑕᐅᓂᒃᓴᑦᓯᓐᓄᑦ.