ᐂᓮᐊᓯᐅᑉ ᐊᒡᓚᖏᑦ 22:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 22:12 Iomraidhean Croise

ᑯᕉᓂᑲ ᐂᑉᐸᖏᑦ 35:25

ᔨᕆᒤᐊᓗ ᐅᒡᒍᐊᕐᓗᓂ ᕿᒃᓵᒃᐳᖅ ᔫᓮᐊ ᐱᓪᓗᒍ; ᐊᖑᑎᑦ ᐊᕐᓁᓪᓗ ᐃᓐᖏᕐᑏᑦ ᔫᓮᐊᒥᒃ ᐅᖃᐅᓯᖃᕐᐳᑦ ᐅᒡᒍᐊᕈᑎᒋᓪᓗᒍ ᕿᒃᓵᓂᒃᑯᑦ ᐅᓪᓗᒥᒧᑦ ᑎᑭᓪᓗᒍ. ᐃᓴᕆᐊᓕᒥᐅᓂᑦ ᑕᒪᓐᓇ ᐱᐅᓯᕐᑖᕆᔭᐅᑎᑕᐅᓚᐅᕐᐳᖅ; ᑕᑯᒋᑦ, ᑕᒪᒃᑯᐊ ᐊᒡᓚᒃᓯᒪᕗᖅ ᐅᒡᒍᐊᕈᑎᐅᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 9:9

ᓯᕗᓕᕗᑦ ᐅᖁᒤᒃᓴᕐᑎᓪᓗᒋᑦ ᑕᑯᓚᐅᕐᐸᑎᑦ ᐄᑦᔨᑉᑎᒥ; ᐃᑲᔪᕐᑕᐅᔪᒪᓂᖏᓐᓂᒡᓗ ᑐᓴᓚᐅᕐᐸᑎᑦ ᐃᒪᕐᒥ ᐊᐅᐸᓗᒃᑕᒥ.

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:4

ᓇᓪᓕᐅᓐᓂᖃᕐᐳᖅ ᕿᐊᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓚᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᒡᒍᐊᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᑖᓂᓯᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 15:2

ᑎᐴᓂᒥᐅᑦ ᒎᑎᓐᖑᐊᒥᖕᓄᑦ ᑐᒃᓯᐊᕐᕕᖕᒥᖕᓄᑦ ᒪᔪᕋᕐᐳᑦ ᐱᖒᑉ ᖄᖓᓃᑦᑐᒧᑦ ᕿᐊᔭᕐᑐᕐᓗᑎᒃ; ᒧᐊᐱᒥᐅᑦ ᓂᐱᖅᑯᕐᑐᓪᓗᑎᒃ ᕿᐊᖓᔭᒃᐳᑦ ᓂᐴᒥᐅᓂᒃ ᒥᑎᐸᒥᐅᓂᒡᓗ ᐱᑦᔪᑎᖃᕐᓗᑎᒃ. ᓂᐊᖁᑎᒃ ᓴᓕᕔᑦ ᐅᓐᖏᔭᕐᓗᑎᒡᓗ ᕿᒃᓵᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 26:10

ᐱᐅᖏᑦᑐᓕᔪᑦ ᐱᑦᓯᐊᕐᕕᒋᒐᓗᐊᕋᕕᒋᑦ, ᐃᓱᐊᕐᑐᒥᒃ ᐊᑐᓕᕆᐊᒃᓴᖅ ᐃᓕᑦᓯᔪᓐᓇᓐᖏᓚᑦ; ᐃᓱᐊᕐᑐᓕᔪᑦ ᓄᓇᖓᓐᓂ ᐊᒡᓛᑦ ᐃᓱᐊᖏᑦᑐᓂᒃ ᓱᓕ ᐱᔪᖃᕐᐸᒃᐳᑦ, ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᓂᒃ ᐃᓕᑕᕐᓯᐅᒪᔪᒪᖏᓐᓇᒥᒃ.

ᐂᓮᐊᓯᐅᑉ ᐊᒡᓚᖏᑦ 29:1

ᑕᑯᒋᑦ ᐊᕅᐅᓪ, ᐊᕅᐅᓪ ᐃᒡᓗᒐᓴᒡᔪᐊᑦ ᑍᕕᑎᐅᑉ ᑕᖕᒫᕐᓯᒪᕕᒋᓚᐅᕐᑕᖏᑦ! ᐊᕐᕌᒍ ᐊᕐᕌᒍᒥᒃ ᐃᓚᒃᑲᓐᓂᕐᓕ; ᓇᓪᓕᐅᓐᓂᕐᓯᐅᕐᓂᖏᑦ ᐃᓱᓕᖁᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 3:24

ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 32:11

ᓴᔪᓕᕆᑦᓯ, ᐊᕐᓇᐅᔪᓯ ᒫᓐᓇ ᓮᓕᔪᓯ, ᐃᓱᒫᓗᓕᕆᑦᓯ ᖃᓄᐃᓐᓇᖏᑦᓯᐊᕐᑐᒦᑦᑐᓯ, ᐊᓐᓄᕌᓯ ᐲᔭᓕᕐᓯᐅᒃ ᐊᓐᓄᕅᑦᑑᓕᕐᓗᓯ, ᕿᑎᕈᓯᔭᓕᕆᑦᓯ ᐆᒪᔫᑉ ᒥᖅᑯᕕᓂᖏᓐᓂᒃ ᓄᕕᕐᓴᕐᓯᒪᔪᓂᒃ ᐅᒡᒍᐊᕐᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 37:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᑎᓪᓗᓂ, ᐊᑕᓂᐅᓪᓗ ᐃᒡᓗᖓᓄᑦ ᐂᕗᖅ.

ᐂᓮᐊᓯᐅᑉ ᐊᒡᓚᖏᑦ 37:2

ᑎᓕᓯᓪᓗᓂᓗ ᐃᓔᐊᑭᒻᒥᒃ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨᒻᒪᕆᐅᔪᒥᒃ, ᓯᑉᓇᒥᒡᓗ ᑎᑎᕋᕐᑎᐅᔪᒥᒃ, ᑐᓂᕐᕈᓯᕐᑎᑦᓯᔩᓪᓗ ᓯᕗᓕᕐᑎᖏᓐᓂᒃ, ᑖᒃᑯᐊᓗ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᓐᓄᕌᕐᓯᒪᓪᓗᑎᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᑦ ᐂᕗᑦ.

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 16:6

ᑕᒪᕐᒥᒃ ᐊᔪᖏᑦᑐᑦ ᐊᔪᕐᑐᓪᓗ ᑐᖁᔪᒫᕐᐳᑦ ᓄᓇᒥ ᑕᒫᓂ; ᐃᓗᕕᕐᑕᐅᔪᒫᓐᖏᓚᑦ, ᕿᒃᓵᒍᑕᐅᔪᒫᓐᖏᓚᓪᓘᓐᓃᑦ ᐅᒡᒍᐊᕐᓂᕐᒧᑦ ᑭᓪᓕᐊᑦᔪᑕᐅᔪᒫᓐᖏᓚᑦ ᓄᔧᔭᕈᑕᐅᔪᒫᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 16:8

“ᓂᕆᕕᒡᔪᐊᕐᑐᓄᑦ ᐃᑎᕐᑐᒃᓴᐅᓐᖏᓚᑎᑦ ᓂᕆᖃᑕᐅᔪᒪᓗᑎᑦ ᐃᒥᖃᑕᐅᓗᑎᓪᓘᓐᓃᑦ.”

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 7:29

“ᓄᔧᔭᕐᓗᓯ ᓄᔧᔭᕐᓂᑯᓯ ᐃᒋᓪᓗᒋᑦ, ᕿᒃᓵᖕᓂᑦᓯᓐᓂᒃ ᓴᖅᑭᑎᑦᓯᓕᕆᑦᓯ ᐱᖑᐃᑦ ᖄᖏᓐᓂ, ᐊᑕᓂᐅᑉ ᑭᖑᕚᖑᖃᑎᒌᖑᔪᓯ ᖁᔭᓈᕐᒪᓯ ᓂᓐᖓᐅᒪᕕᒋᓕᕐᐹᓯ.

ᐃᓯᑭᐊᓕᐅᑉ ᐊᒡᓚᖏᑦ 27:31

ᓂᐊᖁᑎᒃ ᓴᓕᔪᒫᕐᐰᑦ ᐱᓪᓗᓯ, ᐳᑐᕐᓛᓂᒡᓗ ᐊᑎᔪᒫᕐᐳᑦ, ᑕᕐᓂᒃᑯᑦ ᐃᒃᐱᖕᓂᐊᓗᑎᒃ ᕿᐊᑦᔪᑎᒋᔪᒫᕐᐹᓯ, ᕿᒡᓵᕕᒡᔪᐊᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 5:1

ᐊᖓᔪᖅᑳᕐᔪᐊᖅ ᐱᐅᓪᓴᔮ ᓂᕆᕕᒡᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᒥᓂᒃ 1,000ᓂᒃ, ᕔᓂᑐᖃᑎᒋᓪᓗᒋᓪᓗ.

ᕼᐆᓯᐊᑉ ᐊᒡᓚᖏᑦ 9:1

ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:8

ᕿᐊᒋᑦᓯ, ᐃᓕᑦᓯ ᐃᓅᔪᓯ, ᐊᕐᓇᑐᑦ ᐃᓅᓱᒃᑑᓪᓗᓂ ᕿᒃᓵᒍᑎᖃᕐᑐᑐᑦ ᐅᐃᑖᕆᓂᐊᓚᐅᕐᑕᖓ ᑐᖁᖕᒪᑦ.

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᔫᓇᐅᑉ ᐊᒡᓚᖏᑦ 3:6

ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

ᒤᑲᐅᑉ ᐊᒡᓚᖏᑦ 1:16

ᓄᔧᔭᓕᕆᑦᓯ ᓂᐊᖁᓯ ᓄᔧᕈᑎᓗᒍ ᕿᒃᓵᖕᓂᕐᒧᑦ, ᓄᔧᕈᑎᓕᕆᑦᓯ ᑎᖕᒥᐊᑎᑐᑦ ᑎᒥᕕᓂᕐᑐᓲᑎᑐᑦ, ᕿᑐᕐᖓᓯ ᓇᒡᓕᒋᔭᓯ ᐱᓪᓗᒋᑦ, ᐊᐅᓪᓚᐅᑦᔭᐅᔪᒫᕐᒪᑕ ᑎᒍᔭᐅᓗᑎᒃ.

ᔧᒥᓯᐅᑉ ᐊᒡᓚᖏᑦ 5:1

ᐃᓕᑦᓯ ᒫᓐᓇ ᐊᔪᕐᓴᖏᑦᑐᐊᓘᔪᓯ, ᕿᐊᓗᓯᓗ ᓂᓪᓕᐊᓕᕆᑦᓯ ᐅᒡᒍᐊᕐᓇᕐᑐᒧᑦ ᑎᑭᑕᐅᓕᕋᑦᓯ.