ᐂᓮᐊᓯᐅᑉ ᐊᒡᓚᖏᑦ 21:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᐅᔨᓴᕐᑎ ᓂᓪᓕᐊᓕᕐᐸᑦ, “ᐊᑕᓃᖅ, ᖃᐅᔨᓴᕐᕕᖕᒥ ᓇᖏᓚᐅᕐᐳᖓ ᐅᓪᓗᓕᒫᖅ, ᐃᓂᒋᔭᓐᓂᓗ ᖃᐅᔨᓴᓚᐅᕐᐳᖓ ᐅᓐᓄᐊᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 21:8 Iomraidhean Croise

ᑯᕉᓂᑲ ᐂᑉᐸᖏᑦ 20:24

ᔫᑕᒥᐅᑦ ᑎᑭᓐᓇᒥᒃ ᐃᓄᖃᔪᐃᑦᑐᒧᑦ ᐳᕐᑐᔪᒧᑦ, ᑕᑯᓴᕐᐳᑦ ᐃᓄᒋᐊᒃᑐᕐᔪᐊᓄᑦ; ᑕᑯᒋᓪᓗ, ᑎᒦᑦ ᑐᖁᖓᔪᑦ ᓄᓇᒥ ᓇᓪᓚᖓᐅᓚᐅᕐᐳᑦ ᓇᓂᑐᐃᓐᓇᖅ; ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᓐᖏᓚᖅ.

ᐃᓐᖏᕈᑎᑦ 127:1

ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᐃᓐᖏᕈᑎᑦ 63:6

ᐃᓂᓪᓚᖓᕕᓐᓂ ᐃᖅᑲᐅᒪᕙᒃᐸᒋᑦ, ᐃᓱᒪᒃᓴᕐᓯᐅᕈᑎᒋᕙᒃᐸᒋᓪᓗ ᐅᓐᓄᐊᑉ ᖃᐅᔨᓴᕐᕕᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 5:29

ᓂᐱᖏᑦ ᓔᔭᑎᑐᑦ ᖃᓕᖑᐊᕐᑐᑎᑐᑦ ᑍᒤᑉᐳᑦ, ᓔᔭᑎᑐᑦ ᐃᓅᓱᒃᑐᑎᑐᑦ ᖃᓕᖑᓛᕐᐳᑦ; ᐃᕐᓯᓵᕐᓗᑎᒃ ᐅᐸᒃᑐᕐᐳᑦ ᓂᕿᒃᓴᒥᖕᓂᒃ, ᑭᖕᒥᐊᓕᕐᓗᒋᓪᓗ ᐊᐅᓪᓚᕈᑎᕔᑦ ᐅᖓᒻᒧᑦ, ᓇᓪᓕᐊᓐᓄᓪᓘᓐᓃᑦ ᐊᕐᓵᕐᑕᐅᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᔨᕆᒤᐊᐅᑉ ᐊᒡᓚᖏᑦ 25:38

ᓔᔭᑎᑐᑦ ᐃᓂᓪᓚᖓᕕᖕᒥᓂᒃ ᕿᒤᔪᑎᑐᑦ; ᓄᓇᖓᑦ ᓱᓇᖃᕈᓐᓃᕈᒫᕐᐳᖅ. ᐅᓇᑕᕐᕕᐅᓯᒪᓂᕐᒥᓄᑦ, ᐅᓇᑕᕆᐊᕐᓯᒪᔪᓄᑦ, ᐊᑕᓂᐅᓪᓗ ᓂᓐᖓᕕᒡᔪᐊᕐᓯᒪᓂᖓᓄᑦ.”

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:19

ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ?

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.