5 ᐃᓕᑦᓯ ᔧᑰᑉ ᑭᖑᕚᖏᑦ, ᕾᓗᓯ, ᐱᓱᓚᐅᕐᑕ ᐊᑕᓂᐅᑉ ᖃᐅᒪᑎᑕᖓᒍᑦ!
ᑲᔪᓯᑎᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓕᖕᓂᒃ ᖃᐅᔨᒪᔪᓄᑦ, ᐃᓱᐊᕐᑐᓕᓃᓪᓗ ᐆᒻᒪᑎᒥᒍᑦ ᓱᓕᑦᓯᐊᕐᑐᓄᑦ.
ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᖁᕕᐊᓱᖕᓂᕐᒧᑦ ᕾᒐᓛᕐᓂᕐᒥᒃ ᖃᐅᔨᒪᔪᑦ, ᐊᑕᓃᖅ, ᑖᒃᑯᐊ ᐃᓅᓂᐊᕐᐳᑦ ᑮᓇᕕᑦ ᖃᐅᒪᓂᖓᒍᑦ.
ᐊᑎᕐᓂᒃ ᐊᖏᒡᓕᑎᕆᓪᓗᑎᒃ ᖁᕕᐊᓲᑎᖃᕐᐳᑦ ᐅᓪᓗᓕᒫᖅ, ᑖᒃᑯᐊ ᐃᓱᐊᕐᑐᓕᓂᕐᓄᑦ ᐊᖏᔪᕈᕐᑎᑕᐅᓂᐊᕐᐳᑦ.
ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.
“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.
ᖃᐅᒻᒪᒃᑎᓪᓗᒋᑦ ᑖᕐᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᕐᑎᑕᐅᓇᕐᑐᒧᑦ.”
ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,
ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.
ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.
